JEREMIA 44:10 - Biblia Ilagho Jiboie Kwa Wandu Wose

¹⁰ Ndewikuserie weni hata idime iji; hata ndewiniobue na kughenda kwa sharia rapo na kughiwadia malaghiro ghapo nighiwikie imbiri konyu na imbiri ya weke ndeyo.

JEREMIA 44:10 Referans Kwoze

MAKATANISHO 28:14

Mundu umnekagha BWANA ishima kari kose, ucharasimilwa; ela uhu ukurishagha ngolo yake uchapatwa ni ndengwa.

WUFUNUO 15:4

Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

1 PETRO 5:6

Kwa huwo mkusere aisi ya mkonu ghwa Mlungu ghuko na kudima, eri upate kumjosa kwa ngelo yaro.

JEREMIA 8:12

Welee, werewonieghe waya iji werebonyereghe ugho wuwiwi? Ndewerewonieghe waya hata kutini hata ndewiichi kufwa waya. Kwa wundu ugho wichaghwa aghadi ya awo wighue, Na ngelo nichaawikaba wichaghwa putu.

WAROMA 11:20

Iyo ni loli. Ela redechikanywa angu wileghie kurumiria, na oho kwaawuyamanga kwa ijo irumirio jeni. Kwa huwo kusekukase, ela kuobuo.

LUKA 23:40

Ela uja mmbiwi mmbao ukamkemia ukighamba, “Oho ndekumuobuagha Mlungu kwa kukaia kwatanywa karakara na uo moni?

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

EZEKIELI 9:4

BWANA ukamzera, “Ghenda mzinyi kose, aghadi ya Jerusalemu, kuwibonye alama chamunyi wandu wiko na wasi na kulilia ughu muzi kwa wundu ghwa wuchafu ghose ghwawuyabonywa andenyi yaro.”

JEREMIA 36:24

Sena mzuri chiaimweri na wadumiki wake awo werekoghe wikisikiria agho malagho, ndewereobueghe hata kurashua nguwo rawo anduangi.

JEREMIA 10:7

Nani usekuobuagha oho ee Mzuri wa iro mbari ra wandu? Angu kwafwana oho kuwusa ijo ishima; angu ndekuwadie ungi sa oho, aghadi ya wandu wa akili wa iro mbari, hata aghadi ya mawuzuri ghawo ghose.

ISAYA 66:2

Ni ini moni nerevibonyereghe vilambo ivi vose, na vose ni vapo. Ini nadaboilwa ni mundu ukuserie, uko na roho ya wumboa na kusughusikia ilagho japo.

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

MAKATANISHO 16:6

Kwa chia ya lukundo na wuloli, kaung'a yalekelwa; kwa chia ekaia na kuobua kwa BWANA, mundu wawikwa kula na wuwiwi.

MAKATANISHO 14:16

Mundu wa hikima wadakulindia na kukutanya na wuwiwi, ela mkelu ndekuwadiagha hata ndetalagha.

MAKATANISHO 8:13

Kuobua kwa BWANA ni kuzamilwa ni wuwiwi, Nadazamilwa ni kukuduka na kukukasa, na chia mbiwi na kudeda kisha.

ZABURI 51:17

Vizongona virumirilwagha ni Mlungu, ni roho ikuserie; ndekuchaaimenya ngolo ikuserie, iheagha ee Mlungu.

ZABURI 34:18

BWANA wadakaia kaavui na wandu wifue ngolo, na kuwikira awo wisewadie isuwirio.

2 MALAGHO GHA NGELO 34:27

ghikakubonya kuhee na kukusera imbiri yapo kwendasikira kukaia nichakaba andu aha na wandu waro, kukakusera imbiri yapo, kukarashua nguwo rako na kulila, ini wori nakusikira.

2 MALAGHO GHA NGELO 33:19

Ilombi jake, na seji oremvoyeghe Mlungu ukasikirwa, kaung'a rake, na kusowa wuloli kwake, na andu oreaghieghe andu kotasira mighondinyi, na kuwika fwana ra mlungu ghwa waka Ashera, na fwana ra milimu imbiri usekuserie moni ghaandikilo andenyi ya Malagho gha Ngelo gha Mmboni.

2 MALAGHO GHA NGELO 33:12

Nao iji orekoghe andenyi ya wasi, ukamvoya BWANA Mlungu wa weke ndee.

2 MALAGHO GHA NGELO 32:26

Ela Hezekia uendakusera, uo moni na wandu wikaiagha Jerusalemu, BWANA ndechewikaba matuku ghake.

2 WAZURI 22:19

na kwa kukaia kwaherie na kukusera imbiri kwapo ngelo koresikireghe sa iji nighorie aighu ya muzi ughu na wandu wake, seji wichaachelwa ni wuduu na njowe, kukarashua nguwo rako na kulila imbiri kwapo, nanimoni nakusikira; ini BWANA naghamba.

1 WAZURI 21:29

“Kwawuyammbona Ahabu seji wakusera imbiri kwapo? Angu wakusera huwo imbiri kwapo, sichaareda ugho wuwiwi matuku ghake, ela nichairedia nyumba yake agho mawiwi matuku gha mwana wake.”

KUFUMA 10:3

Nao Musa na Haruni wikaghenda na kungia kwa Farao wikamzera, “Bwana, uo Mlungu wa Waebrania waghamba huwu, ‘Kuchalegha kukusera imbiri kwapo hata lii? Sigha wandu wapo wighende winidumikie.

KUFUMA 9:30

Elaima sena namanya angu oho na wandu wako mwaduagha msemuobuagha BWANA Mlungu anduangi.”

KUFUMA 9:17

Kwaduagha kukikujosa aighu ya wandu wapo, hata ndekukunde kuwisigha wighende.

ZABURI 78:10

Ndewerejiwadieghe ilaghano jawo na Mlungu, wikalegha kusikira sharia rake.

JEREMIA 6:15

Welee, werewonieghe waya ingelo werebonyereghe wuwiwi ghwawo? Hata kutini; ndewerewonieghe waya hata kufwa waya anduangi. Kwa huwo wichaghwa aghadi ya awo wimerie kughwa, ingelo nichaakaia ngiwineka adhabu, nawo wichakumbwa noko,” waghamba BWANA.

JEREMIA 26:4

Kuwizere, ‘BWANA waghamba huwu: Mkalegha kunisikira na kunugha sharia rapo niriwikie imbiri konyu,

JEREMIA 32:23

nawo wikangia na kujiwusa. Ela ndewerekusikireghe hata kughenda kwa sharia rako. Ndewerebonyereghe ilagho jingi ja agho korewilaghirieghe wibonye. Kwa huwo niko kubonyere wikachelwa ni ughu wuwiwi ghose.

JEREMIA 44:23

Ni kwa wundu ghwa inyo kuifukiria milungu mizima marumba, na kum'bonyera BWANA kaung'a mselusikiragha lwaka lwake kwa kughenda kwa sharia rake, memu yake na mashuhudio ghake, niko ughu wuwiwi ghose ghumerie kumchea sa iji koni mughuwonagha idime.”

ISAYA 42:24

Nani ukumbie wana wa Jakobo mikonunyi kwa mnoni, na Israeli kwa viting'a? Welee, si BWANA uo werem'bonyerieghe kaung'a? Uo wisereghendieghe kwa chia rake, na uo wiserewadieghe sharia rake?

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.