JEREMIA 43:3 - Biblia Ilagho Jiboie Kwa Wandu Wose

³ ela Baruku mwana wa Neria nuo wakuduma kughore kiwiwi aighu yedu kudingire mikonunyi kwa Wababuloni wipate kudibwagha, angu kudidwa wunyika cha Babuloni.”

JEREMIA 43:3 Referans Kwoze

JEREMIA 43:6

wandu wa womi, na wa waka, na wana, na wai wa mzuri, na kula mundu oresighiloghe ni Nebuzaradani uja m'baa wa majeshi mikonunyi kwa Gedalia mwana wa Ahikamu wawae Shafani; hata ini na Baruku mwana wa Neria wikadidwa,

JEREMIA 38:4

Niko wabaa wikamzera mzuri, “Umundu yamfwana ubwagho. Kwa kukaia waawuyaredia masikari ghisigharikie andenyi ya ughu muzi wunyonge, chiaimweri na wandu wose, kwa kuwighoria malagho ghifwane huwu; kwa kukaia ndewuelola wucha ghwa wandu, ela kunoneka kwawo.”

JEREMIA 36:26

Nao mzuri ukafunya momu kwa mwana wake Jerahimeeli, na Seraia mwana wa Azrieli, na Shelemia, mwana wa Abdeeli, winiwade chiaimweri na uja muandiki Baruku, ela BWANA ukadivisa.

JEREMIA 36:10

Niko Baruku ukaghishoma agho malagho neremghorieghe kufuma chuonyi uko andenyi ya Hekalu, wandu wose wikisikira, ukaghishoma uko andenyi ya chumba cha muandiki Gemaria, mwana wa Shafani cherekoghe waza ya ighu, aho andu kongiria Mbenge Mbishi ya Hekalu ya BWANA.

JEREMIA 36:4

Niko ngammbanga Baruku mwana wa Neria, na Baruku ukaandika andenyi ya chuo malagho ghose nimghorie, agho nereghoreloghe ni BWANA.

LUKA 6:26

Ni bugha konyu iji wandu wamkuma angu niko koni weke wawa wawo werebonyereghe kwa walodi wa tee.

ZABURI 109:4

Hata ngera nawikunde, na kuwilombia, ela waawuyanishitakia.

JEREMIA 32:12

ngarineka Baruku mwana wa Neria, wawae Mahiseia imbiri ya wamii Hanameli, na imbiri ya washahidi awo werengirieghe barua eghua sahihi, na imbiri ya Wayahudi werekoghe kidombo aho wazenyi ya walindiri.

JEREMIA 41:18

kwa wundu ghwa kuwiobua Wababuloni angu Ishmaeli mwana wa Nethania orem'bwaghieghe Gedalia mwana wa Ahikamu, uo orewikiloghe ni mzuri wa Babuloni ukaie m'baa wa isanga.