JEREMIA 42:10 - Biblia Ilagho Jiboie Kwa Wandu Wose

¹⁰ ‘Iji mwakaia andenyi ya iji isanga, niko nichammangisha hata sichaamvuchua anduangi. Nichammbika aeni hata sichaamuinja anduangi; kwa kukaia nawawa ni agho mawiwi nim'bonyere.

JEREMIA 42:10 Referans Kwoze

EZEKIELI 36:36

Aho niko iro mbari ra wandu risigharikie rimmarie chia rose richamanya kukaia ini BWANA, namerie kuiagha iyo mizi, na kuibonya iyo mizi eresighiloghe miduu ikailo ni wandu. Ini BWANA najighora ilagho iji, nani nichajikatisha.”

JEREMIA 31:28

Na ichakaia sa iji koni nerewiinjireghe na kuwifunya noko, kuwinona na kuwiredia wuwiwi, huwo koni nichawiagha na kuwiwika.

JEREMIA 24:6

Nichakaia ngiwizighana kwa wundu ghwa mecha, nani nichawiwunja kwa iji isanga; nichawiagha hata sichaawivuchua, nichawimangisha hata sichaawiinja anduangi.

JOELI 2:13

Rashuonyi ngolo renyu nguwo mbai.” Wuyenyi kwa BWANA, Mlungu onyu. Uo wachua mvono na wughoma, wachua irumaghio, nao wadamaziria malaghiro ghake; wadafuya wughoma na kuleka kukaba.

AMOSI 7:6

Nao BWANA ukaghalusa maghesho aighu ya ilagho ijo ukaghamba, “Hata iji wori ndejichaabonyeka kungi.”

JEREMIA 33:7

Nichawiwunjira Juda na Israeli mecha ghawo, na kuwiagha sa iji koni werekoghe imbiri.

JONA 4:2

Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

JONA 3:10

Mlungu ukawona seji wabonya, na seji waghaluka na kuchisigha kiwiwi chawo; niko ukaghalusa maghesho na kusigha icho kiwiwi orekundieghe kuwibonyera, ukakaia usechibonyere.

AMOSI 7:3

Nao BWANA ukaghalusa maghesho aighu ya ilagho ijo ukaghamba, “Ndejichaabonyeka kungi.”

HOSEA 11:8

“Nidima wada kukuleka ee Israeli? Nidima wada kulegha kukutala? Nidima wada kukubonya sa Adma, angu kukubonyera sa Zeboiimu? Lukundo lwapo cha kwako looka lubaa, nani sidimagha kukubonyera kiwiwi.

KUFUMA 32:14

Nao BWANA ukaghalusa nia, ukaleka kuwiredia wandu wake agho mawiwi.

MABONYO GHA WADUMI 15:16

‘Nyuma ya agha nichawuya na kuiagha sena nyumba ya Daudi ighue; nichaghiagha sena maghacho ghake, na kuiwusira.

JEREMIA 26:19

Welee, Hezekia mzuri wa Juda, chiaimweri na wandu wose wa Juda werem'bwaghieghe Mika? Welee, nderemuobughe BWANA na kuvoya uvikilo ni wughoma ghwa BWANA? Welee, BWANA ndereghalusireghe nia na kusigha kughureda ugho wuwiwi m'baa oreghughorieghe aighu yawo anguwada? Diamba dikuredie wuwiwi isi diweni.”

ZABURI 106:45

Kwa wundu ghwawo, ukakumbuka ilaghano jake, na kwa wundu ghwa lukundo lwake lukatie, ukahoresha machu ghake.

ZABURI 102:16

Kwa kukaia BWANA uchaiagha Sioni, nao uchawonyera wubaa ghwake.

ZABURI 69:35

Mlungu uchaikira Jerusalemu, na kuiagha sena mizi ya Juda. Wandu wake wichakaia aho, na kujiwusa isanga.

ZABURI 37:3

Msuwirie BWANA kubonye nicha, na oho kuchakaia nicha na kudua banana isangenyi.

2 SAMUELI 24:16

Hata iji malaika orekoghe tayari kughorua mkonu ghwake cha Jerusalemu eri ughukabe, BWANA ukaghalua nia ebonya ugho wuwiwi, ukamzera, “Yakata, leka.” Uja malaika wa BWANA orekaieghe kimusi aja wazenyi eelia viro ya Arauna, Mjebusi.

WATANYI 2:18

Kula ngelo BWANA orewiwusirieghe mtanyi, BWANA orekoghe andwamweri na uo mtanyi; ukawikira Waisraeli kufuma kwa wamaiza wawo, ngelo rose uo mtanyi orekoghe moyo; kwa kukaia BWANA orewadiloghe ni wughoma ghwawo kwa wundu ghwa uko kuruma kwawo na kusirimika kwa wandu werekoghe wikiwikoronga.

WUKUMBUSO 32:36

BWANA uchawivuvua wandu wake, ukawona wameria kusirilwa ni ndighi putu. Uchakaia na wughoma kwa awo wawuyamdumikia.

JEREMIA 27:11

Ela mbari iyo yose ichaarumiria kungira ghongolo ya mzuri wa Babuloni na kumdumikia, nicham'bonya ukaie isangenyi jake jeni, ujilime na kukaia aho, Ini BWANA naghamba.”’”

JEREMIA 43:4

Kwa huwo Johanani mwana wa Karea na wabaa wose wa majeshi na wandu wose, wikalegha kumsikira BWANA, wipate kusigharika isanga ja Juda.

JONA 3:4

Jona ukazoya kungia mzinyi, ukabonya mwendo ghwa ituku jimweri. Ukachila ukighamba, “Ghaasighwa matuku mirongo ina, nao muzi ghwa Nineve ghuatoteshwa.”