JEREMIA 4:6 - Biblia Ilagho Jiboie Kwa Wandu Wose

⁶ Wusirenyi kiweto chekimbiria Jerusalemu, kimbirienyi wusalama msemuke; kwa kukaia naawuyareda wuwiwi kufuma kaskazinyi, kunoneka kubaa nandighi.

JEREMIA 4:6 Referans Kwoze

JEREMIA 50:2

“Ghoria iro mbari kughambe, wusira kiweto kughore, hata kusesighe ilagho jingi: ‘Babuloni wameria kuwadwa Mlimu Beli ghwamerie kufushwa waya. Ugho mlungu Merodaki ghwakambwa ni chongo. Milimu yake yameria kufushwa waya, fwana rake rakambwa ni chongo.’

JEREMIA 51:27

“Josenyi kiweto ndoenyi, kabenyi tarumbeta aghadi ya mbari ra wandu, wikenyi iro mbari nicha, ripate kulwa na Babuloni; wangenyi mawuzuri gha Ararati, na Mini, na Ashkenazi wichelwa nao; mmbike m'baa olongoza wuda gholwa nao, mrede farasi nyingi sa izungu ja zighe.

JEREMIA 51:12

Josenyi kiweto aighu ya mawurigha gha Babuloni, wikenyi wulindiri ghumange; wikenyi walindiri, boisenyi andu kokuvisa; kwa kukaia ini BWANA namerie kubonya mpango, ngaghukatisha sa iji nereghorieghe aighu ya wandu wikaiagha Babuloni.

JEREMIA 25:9

ola nichaduma malagho kwa mbari rose rikaiagha cha kaskazinyi, na kwa mdumiki wapo Nebukadnezari mzuri wa Babuloni, wipate kucha na kulwa na wandu wikaiagha iji isanga; na wandu wose wikaiagha mbai mbai yaro. Nani nichawitotesha putu na kuwibonya kilambo cheobosha kusholelwa, wikaie winonekie kwa kala na kala.

JEREMIA 6:22

BWANA waghamba huwu, “Olenyi wandu wichacha kufuma isanga ja kaskazinyi, mbari mbaa yanyavurika kufuma isanga ja kula nandighi ja ndoenyi kubonya wuda.

JEREMIA 6:1

Kimbirienyi wusalama inyo wandu wa Benjamini! Fumenyi Jerusalemu! Kabenyi tarumbeta aho Tekoa, wonyerenyi alama aho Beth-Hakeremu, kwa kukaia wuwiwi ghwa kunoneka m'baa nandighi ghwaawuyacha kufuma kaskazinyi.

JEREMIA 4:21

Bendera ya wuda niiwona hata lii, na chwaka ra tarumbeta nirisikira hata lii?

ISAYA 62:10

Inyo wandu wa Jerusalemu, fumenyi m'boise chia, boisenyi chia mbaa, muinje magho, wandu wenyu wiwuyagha wipate kungia; josenyi kiweto wandu wipate kuwona.

ZEFANIA 1:10

“Ituku ijo mchasikira kililo kibaa Mbenge ya Samaki, andenyi ya Jerusalemu. Mchasikira kililo kufuma muzi mmbishi ghwa kaavui, na lwaka lwa kilambo chibarikagha mighondinyi.

JEREMIA 51:54

BWANA waghamba, “Sikirenyi kililo kufuma Babuloni, kililo cha kunoneka kubaa kufuma kwa Wababuloni!

JEREMIA 50:22

Ndoghoi ya wuda yasikirika, na kunoneka kubaa kwakaia isangenyi.

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 18:11

Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 22:7

Nichakuwikia watoteshi, kula umu na iswagha jake nawo wichadema nguro rako ra misida ireni riboie, na kurikumba modonyi.

ZEKARIA 6:6

Igare jerekokotwagha ni farasi ra chilu, jadaghenda cha isanga ja kaskazinyi aho Babuloni; ijo ja farasi ra chokwa jadaghenda cha isanga ja magharibi, na ijo ja farasi ra maboli gha fusi fusi jadaghenda cha isanga ja kusinyi.

JEREMIA 10:22

Sikirenyi malagho ghacha! Ndoghoi ya wandu wichagha kufuma kaskazinyi, wipate kuibonya mizi ya Juda iwuye miduu, andu kokailwa ni mizozo.

EZEKIELI 9:1

Niko ngasikira Mlungu ukiwanga kwa lwaka lubaa ukighamba, “Soghodenyi kaavui inyo wandu weghukaba ughu muzi; kula mundu udo iswagha jake jenona.”

EZEKIELI 9:2

Shwa wori ngawona wandu warandadu wacha kufuma chia ya mbenge ya lughu ya Hekalu ilangayagha cha kaskazinyi; kula umu uko na iswagha jake jebwagha mkonunyi kwake. Werekwanyeghe na mndumu urwae nguwo ya kitani, uwadie kilambo cheandika luwarunyi kwake. Wikaghenda na kukaia kimusi kaavui na madhabahu ya shaba.