JEREMIA 4:29 - Biblia Ilagho Jiboie Kwa Wandu Wose

²⁹ Kwa kusikira tiri ra wandu wa farasi, na ra wandu wa ndana, kula mundu uko mzinyi uchakimbia cha isakenyi, wamu wichajoka cha maghambenyi; na mizi yose ichasighwa miduu, na mndungi ndechaasigharika ukikaia andenyi yaro anduangi.

JEREMIA 4:29 Referans Kwoze

JEREMIA 4:7

Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

LUKA 23:30

Niko wichazoya kuizera mighondi mibaa, ‘Dighuyenyi,’ na ija mitini ‘Difinikirenyi,’

AMOSI 9:1

Neremmbonieghe BWANA wakaia kimusi mbai na mbai ya madhabahu ukighamba, “Kaba koighu nguronyi ra Hekalu hata vizingiti visughusikie; kuvichikanye-chikanye aighu ya chongo cha kula mundu; mndungi ukasigharika, nicham'bwagha wudenyi. Ndekuwadie ungi uchaakimbia angu kufufunuka.

JEREMIA 52:7

Niko wandu wikaturua mruma a wurighenyi ghwa muzi, na masikari ghose ghikafuma mzinyi nakio, wikinugha chia ya mbengenyi iko ghadi na ghadi ya mawurigha awi kaavui na mbuwa ya mzuri, ingelo Wababuloni werekoghe wikighurughaia muzi. Nao wikaghenda wikinugha chia ya Araba.

ISAYA 30:17

Wandu wenyu elfu imweri, wichamkimbia mundu umweri wa wamaiza wenyu, na mkaturuswa ni wandu wasanu, mchakimbia mmbose putu. Mndungi onyu ndechaasigharika, ela mlingoti ghwa bendera ghoni aighu mghondinyi.

2 MALAGHO GHA NGELO 33:11

Kwa huwo BWANA ukawiredia vilongozi va ijeshi ja mzuri wa Ashuru, wikamngira Manase kiloo cha mbua, wikamfunga na pingu ra shaba, na kumghenja Babuloni.

1 SAMUELI 13:6

Waisraeli wiendawona kukaia wangia andenyi ya mashaka mabaa, angu werekoghe wamarwa chia rose, wikakuvisa wamu mbangenyi, na wamu mirumenyi, na maghonyi na makaburinyi na visimenyi visewadie machi.

ISAYA 6:12

na ini BWANA niwiinje wandu na kuwighenja noko, na andu kulazi kusigho kuduu isangenyi.

JEREMIA 6:23

Wadwae ndana na mafumu ghawo; wang'etere hata ndewiwadie wughoma ghungi. Tiri ra kughenda kwawo ni kara kara na kururuma kwa bahari; wajoka aighu ya farasi na kukupanga sa mundu uko tayari kwa wuda, wipate kulwa na oho ee Jerusalemu.”

JEREMIA 16:16

“Olenyi nichadumiria wawadi samaki wengi nawo wichawiwada awo wandu; konyuma nichadumiria wadiwi, nawo wichawidiwa awa wandu kula mghondi na kula mghondi mtini, hata na chukororonyi ra magho.