JEREMIA 4:28 - Biblia Ilagho Jiboie Kwa Wandu Wose

²⁸ Kwa wundu ghwa agha, ndoenyi ichakaia na wasi, na mlungunyi kuchawuya kwa chilu; kwa kukaia namerie kughora, namerie kubonya mipango; sichaaleka, hata sichaawuya nyuma.”

JEREMIA 4:28 Referans Kwoze

MITALO 23:19

Mlungu si mdamu udimagha kughora tee, angu mwana wa mdamu udimagha kuhea. Wele ughora sena ulemo ni kubonya? Angu udede, sena ulemo ni kukatisha?

HOSEA 4:3

Kwa wundu ugho isanga jaoma, na wandu wose wiko andenyi yaro wichatota; nyamandu na nyonyi na samaki richafwa.”

JEREMIA 12:4

Isanga na nyasi ra mbuwenyi rikaia riomie hata lii? Nyamandu ra isakenyi na nyonyi ramerie kutota, kwa wundu ghwa wuwiwi ghwa awo wandu wiko andenyi yaro; wandu waghambie, “Mlungu ndedimagha kuwona agho dawuyabonya.”

ISAYA 50:3

Nadaredia mawingunyi wuchilu, hata kukaie sa mundu urwae nguwo ra magunia.”

ISAYA 5:30

Wicharuma ituku jija sa kuruma kwa bahari, na uo uchaazighana uchawona kira na wasi; mwengere ghwaro ghwafinikirwa ni mawingu gharo.

WUFUNUO 6:12

Hata iji uo Mwana wa Ng'ondi oreghufungueghe ugho muhuri ghwa karandadu, nerezighanireghe, nao ola korekoghe na msughusiko m'baa ghwa ndoe; iruwa jikawuya ja chilu sa nguwo ya igunia, na mori ghukawuya ghwa ngundu sa bagha,

WAEBRANIA 7:21

Awo wandu werewuyagha wakohani imbiri, wada-wada kazi rawo kuseko na ighemi. Ela Jesu orewurieghe mkohani kwa ighemi huwu, “Bwana waghemie, nao ndewuyaaghaluka; ‘Oho ko mkohani kwa kala na kala.’”

WAEFESO 1:11

Andenyi kwake Kristo, kunughana na ugho mpango ghwa Mlungu, uo uvikatishagha vilambo vose, karakara na njama ya lukundo lwake,

WAEFESO 1:9

Angu Mlungu wadimanyishire iyo ngasu ya lukundo lwake, kwa hikima yose na kumanya, kunughana na mpango ghwake oreghuwikieghe andenyi ya Kristo

LUKA 23:44

Nao sa saa irandadu, korekoghe na kira isanga jose, hata saa ikenda.

MARKO 15:33

Na iji yavika saa irandadu, kukangia kira isanga jose hata saa ikenda.

MATHAYO 27:45

Nao kufuma saa irandadu, kira chikasea isanga jose, hata saa ikenda.

JOELI 1:10

Mbuwa reewuya ikara; ndoe yaoma, angu viro vanonwa, mizabibu yaoma, na mizeituni yaoma.

HOSEA 13:14

Nichawikira awandu na wurumwengu ghwa wafu; nichawikombua na ndighi ra kifwa. Ee kifwa luvia lwako loko hao? Sichaakaia na wughoma ghungi,

EZEKIELI 24:14

Ini BWANA naghamba, agho malagho ghichakatia; nichaghibonya nimoni. Sichaawuya nyuma, hata sichaalekia, angu kughaluka; ela kunughana na chia ra mabonyo ghako, nichakutanya. Ini Bwana MLUNGU naghamba.”

JEREMIA 30:24

Machu gha BWANA ghibirie ndeghichaawuya nyuma hata ghameria kukatisha seji ughidumie, kukatisha agho ughiririkanyire. Mchamanya agho ngelo ra kutua.

JEREMIA 23:20

Machu gha BWANA ndeghichaawuya nyuma, hata ghakatisha makusudio ghake, sa iji koni waghesha kubonya. Malagho agha ghichamtambukia nicha ngelo richagha.

JEREMIA 23:10

Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

JEREMIA 14:2

“Juda waawuyalila, na mizi yake yaawuyasia. Wandu wake waalala andonyi wikilila kwa wasi, na kililo chaawuyasikirika kufuma Jerusalemu.

JEREMIA 12:11

Wamerie kujibonya isanga jikaie iduu, jawurie iduu hata jianililia isanga jose jeewuya kireti, ela ndekuwadie mndungi wawuyajiririkanya ngolonyi kwake anduangi.

JEREMIA 7:16

“Na oho Jeremia, kusakewilombia awa wandu, hata kusakenililia angu kunivoya kwa wundu ghwawo, kwa kukaia sichaakusikira anduangi.

ISAYA 34:4

Majeshi ghose gha mlungunyi ghichasagha, na mawingunyi kuchakuchwa sa karatasi. Majeshi gharo ghose ghichapotoka sa malemba gha mizabibu na gha mtini.

ISAYA 24:4

Ndoenyi kwanyaya na kuoma, wurumwengu ghwaawuyasia na kuoma, na mlungunyi kwaawuyasianya na ndoenyi.

1 SAMUELI 15:29

Sena Mlungu, uo uko Wubaa ghwa Israeli ndeghoragha tee hata ndeghalukagha sa mdamu anduangi.”

JEREMIA 51:12

Josenyi kiweto aighu ya mawurigha gha Babuloni, wikenyi wulindiri ghumange; wikenyi walindiri, boisenyi andu kokuvisa; kwa kukaia ini BWANA namerie kubonya mpango, ngaghukatisha sa iji nereghorieghe aighu ya wandu wikaiagha Babuloni.

KILILO CHA JEREMIA 2:17

BWANA wabonya sa iji koni oreghorieghe. Waditotesha kuseko wughoma sa iji koni oreghambieghe.

ZEKARIA 8:14

BWANA Uwadie-Ndighi-Rose waghamba, “Iji weke wawayo werenibonyereghe ngajokwa ni machu, nerebonyereghe mipango ya wuwiwi kwawo, nani serewonyeragha wughoma ghungi kwawo.