JEREMIA 4:27 - Biblia Ilagho Jiboie Kwa Wandu Wose

²⁷ BWANA waghamba huwu, “Isanga jose jichawuya iduu, ela sichaajimeria putu kungi.

JEREMIA 4:27 Referans Kwoze

JEREMIA 46:28

Msakeobua ee kivalwa cha Jakobo mdumiki wapo, angu ini neko chiaimweri na inyo. Nicharinyamirisha mbari rose aho neremghenjereghe; ela inyo sichaamnyamirisha, nichamkania kwa kipimo cha hachi, na kwa ivo vose sichaamsigha kuseko na ikabo.”

JEREMIA 5:18

BWANA waghamba, “Ela hata andenyi ya matuku ghaja, sichaawimeria wandu wapo putu anduangi.

JEREMIA 5:10

Jokenyi muitoteshe mizabibu yawo, ela mseitoteshe putu; injenyi mbashu raro, kwa kukaia si ra BWANA kungi.

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

EZEKIELI 11:13

Nao iji nerekoghe ngifunya wulodi, Pelatia mwana wa Benaia ukafwa. Niko ngaghwa kiwushu-wushu, ngamlilia BWANA kwa lwaka lubaa ngighamba, “Ai e Bwana MLUNGU! Wele kuaghimeria masighariko gha wandu wa Israeli putu?”

WALAWI 26:44

Elaima kwa agho ghose, ngelo wikikaia isanga ja wamaiza wawo, sichaawisigha putu hata kuvikia kuwinona anduangi, hata sichaajiinja ilaghano japo nerejibonyereghe nawo, angu Ini ne BWANA Mlungu wawo.

EZEKIELI 33:28

Nichajibonya ijo isanga jisigho iduu putu, na iro ndighi wandu werekukasagha naro richasia; na mighondi ya Israeli ichasighwa miduu putu hata usoweke mundu oida aho.

EZEKIELI 6:14

Nani nichaghorua mkonu ghwapo kulwa nawo, hata isanga jisigho iduu andu kose wandu werekoghe wikikaia; kufuma kireti hata Ribla. Niko wichaamanya kukaia ini ne BWANA.”

JEREMIA 18:16

Wamerie kubonya isanga jawo jishinikilo, kilambo chesholelwa ngelo rose. Wandu wichaaida aho wichazighana na kushinika, nawo wichasughusa vongo vawo.

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

JEREMIA 4:7

Mtoteshi wa iro mbari ra wandu wameria kufuma sa shimba ifumagha kisachinyi chake; waawuyacha kumtotesha Juda, na mizi ya Juda ichasighwa yameria kuwuya maghacho; na mndungi okaia andenyi yaro uchaasoweka.

ISAYA 24:1

Olenyi BWANA uchaikaba ndoe, na kuiboya isigho nduu; uchaivurugha na kuwisaghisa wandu wikaiagha andenyi yaro.

2 MALAGHO GHA NGELO 36:21

Ilagho ja BWANA jereghoreloghe ni Mlodi Jeremia jipate kukatia kwaro, hata isanga jivikie kuboilwa ni sabato raro. Matuku ghose jeresighiloghe iduu jedeeka jikiwadia Sabato hata miaka mirongo mfungade ikatie.

NEHEMIA 9:31

Ela sena, kwa kukaia wughoma ghwako ghuko m'baa, ndekorewileghieghe hata kuwitotesha; oho ko Mlungu wa mvono na wa wughoma mungi.

JEREMIA 4:20

Kunoneka kwaawuyanughana, isanga jose jawuya kitungasi; hema rapo raanonwa shwa wori, na pazia rapo wori.

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

JEREMIA 25:11

Isanga jose jichasigharika iduu jimerie kunoneka, na iri mbari ra wandu richamdumikia mzuri wa Babuloni kwa miaka mirongo mfungade.

JEREMIA 44:6

Kwa huwo nerejokeloghe ni machu ghapo na kubia kwapo aighu ya mizi ya Juda, na chienyi ra Jerusalemu, nayo ikasighwa miduu seji iwonekagha idime.

EZEKIELI 20:17

“Elaima nerewiwonieghe wughoma, hata serewitoteshereghe angu kuwimeria kireti anduangi.

WALAWI 26:31

Nichabonya mizi yenyu iwue maghacho, na kunona andu konyu kotasira; nani nichavilegha vizongona venyu.

ISAYA 17:6

Wichasigharika wandu watini, na Israeli uchafwanana na mzeituni ghuwailo ndembe rake rikasigharika iwi idadu tu changalamdo, angu inya isanu huwu mbashunyi ra nandonyi, ini BWANA, uo Mlungu wa Israeli naghamba.”

KILILO CHA JEREMIA 2:7

BWANA waileghie madhabahu yake na kuisigha Hekalu yake ya wueli. Warumiria m'maiza ukavuchua mawurigha gharo. M'maiza ukakema kwa wusimi andu derekoghe dikitasa kwa kuboilwa.

ZEFANIA 1:18

Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.