JEREMIA 4:22 - Biblia Ilagho Jiboie Kwa Wandu Wose

²² BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 4:22 Referans Kwoze

1 WAKORINTHO 14:20

Wanidu, msakekaia sa wana kwa akili renyu; kwa mawiwi mkaie sa wanake, ela kwa akili, mkaie wandu mzoghue.

WAROMA 16:19

Wandu wose waichi inyo ni wandu msikiragha, nani naboilwa kwa wundu ghonyu; ela nakunde mmanye ijo jiko icha jisewadie wukalo, na ijo jiko iwiwi wori.

JEREMIA 5:21

Sikirenyi malagho agha inyo wandu wakelu msewadie akili ringi; wandu muko na meso, ela msewonagha.

WAROMA 3:11

ndeko ungi utambukilwagha, ndeuko ungi umlolagha Mlungu.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

WAROMA 1:22

Nawo wikighamba wei wawadie suku, wikawuya wakelu;

HOSEA 5:4

Mawiwi wighibonyere ghawighirie wisewuye kwa Mlungu wawo. Wutasi milimu ghwawimaziria hata ndewidimagha kumrumiria BWANA anduangi.

JOHANE 16:3

Nawo wicham'bonya huwo kwa kukaia ndewimwichi uja Aba, hata ini anduangi.

MIKA 2:1

Ni bugha kwa wandu wilalagha wilave kwa kubonya mipango izamie. Ndoe ikaela, wichaikatisha mipango iyo iji wapata wulalo.

WUKUMBUSO 32:28

“Israeli ni mbari isena akili; ndewiwadie hikima hata kutini.

WAROMA 1:28

Na kwa kukaia wereleghieghe kumtala Mlungu, Mlungu nao orewisighanyeghe na akili ra kisha na maza risefwane.

JEREMIA 13:23

Welee, Muethiopia wadima kukughalua rangi yake, angu inge kughalua maboli ghake? Nenyo wori ndemdimagha kubonya mecha ingelo mlisire kubonya mawiwi.

ISAYA 27:11

Midi yaro ikaoma, yachika na waka wacha na kuishoa mbande na kurikora. Wandu awa ndewitambukilwagha; kwa huwo Muumbi wawo ndechaawifuya wughoma hata ndechaawibonyera wudawirio ghungi anduangi.

JEREMIA 10:8

Wose wakaia wakelu wisena akili, wifundishwagha ni milimu ya midi!

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

JEREMIA 5:4

Niko ngaghamba, “Awa ni wandu wakiwa, ndewiwadie akili ringi; kwa kukaia ndewiichi chia ya BWANA iyo sharia ya Mlungu wawo.

LUKA 16:8

Uja bwana ukamkasa mnyapara useko mloli, angu orejieghe akili; kwa kukaia wandu wa wurumwengu ughu wawadie akili rebonya malagho ghawo weni, kuchumba wandu wa mwengere.

HOSEA 4:1

BWANA oko na mashitakio aighu ya wandu wikaiagha andenyi ya iji isanga. Sikirenyi seji BWANA ughoragha inyo wandu wa Israeli, “Wuloli na lukundo ndeviko isangenyi, hata wandu ndewiwuenitala ini sa Mlungu.

WUKUMBUSO 32:6

Huwo niko mumlipagha BWANA inyo wakelu msewadie akili? Uo ni ndeyo na Muumbi onyu, wam'bonyere mkawuya mbari.

2 SAMUELI 13:3

Ela Amnoni orekoghe na mghenyi wake uwangwagha Jonadabu mwana wa Shimea mruna Daudi; na Jonadabu orekoghe mundu ukalie loli-loli.

ZABURI 36:3

Madedo ghake ghachua wuwiwi na mikalo; walekie kukaia na hikima na kubonya maza riboie.

ZABURI 53:4

Mlungu wakotia, “Welee awandu wibonyagha mawiwi weesowa suku? Wadakaia moyo kwa kuwisoka wandu wapo, hata ndewinilombagha.”

ZABURI 82:5

Inyo ndemuichi malagho; mooka wakelu! Moononeka putu, na malagho ghose ghaawuyanoneka ndoenyi.

JEREMIA 2:8

Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

JEREMIA 4:21

Bendera ya wuda niiwona hata lii, na chwaka ra tarumbeta nirisikira hata lii?

JEREMIA 9:3

Matuku ghose weeka tayari kughora tee; wachurikia andenyi ya wuwiwi na kusowa wuloli isangenyi. BWANA waghamba, “Wandu wapo waawuyaghenda imbiri kufuma wuwiwi kuvikia wuwiwi, hata ndewiniichi ini.”

EZEKIELI 16:30

“Ni beaki ihi kuko nayo ngolonyi kwako. Ini Bwana MLUNGU naghamba, ngiwona seji kubonyere maza iri rose ra wumalaya kuseko na waya!

AMOSI 3:10

BWANA waghamba, “Awandu ndewiichi kubonya hachi, waawuyachura ngome rawo na vilambo visokelo wandu na wutoi.”

KUZOYA 39:16

Nao ukaiwika ija nguwo hata mumi wake ukacha;

ZABURI 36:4

Wadapanga maza mbiwi uko wulinyi kwake; ndebonyagha ilagho jingi jiboie, hata ndeleghagha wuwiwi ghungi anduangi.

MAKATANISHO 28:5

Wandu wawiwi, ndewiichi kutanya loli, ela awo wimtasagha BWANA, watambukilwa putu.

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

JEREMIA 9:5

Kula mundu waawuyakalia mmbao, ndekuwadie ungi ughoragha loli, weezaisira chumi rawo kughora tee, wabonyere wuwiwi, hata wisedimagha kuhea, wadabonya wuwiwi, hata ndewiheagha.

MIKA 7:3

Kula mundu uafunga ndighi kubonya wuwiwi. Wabaa na Watanyi wialola kuhongwa. Mundu wa wuya ghodeda wadawighoria agho ukunde ubonyero, nawo wasea kidombo chiaimweri kupanga malagho ghizamie.