JEREMIA 4:19 - Biblia Ilagho Jiboie Kwa Wandu Wose

¹⁹ Luwawo lubirie! Luwawo lubirie! Niaghala-ghala kwa ulo luwawo! Ai kondenyi ngolonyi kwapo! Ngolo yapo yaawuyakaba icho kisha, sidimagha kunyama kima; kwa kukaia naawuyasikira lwaka lwa tarumbeta, lwaka lwa wuda.

JEREMIA 4:19 Referans Kwoze

HABAKUKI 3:16

Nasikire agho malagho, ngasughusika; na memu yapo ikasughusika kwa wowa. Maindi ghapo ghikateweleka, ngawoka kutighina. Nichaweseria mboaeri ituku jivike, ingelo Mlungu uchaawikaba wandu wawuyadikaba.

ISAYA 22:4

Niko ngaghamba, “Nileke! Nisighe nilile kwa kuwawa, hata kusesumbuke kuninyamirisha, angu nawawa ni uko kunoneka kwa wandu wapo.”

ISAYA 16:11

Kwa huwo niaililia Moabu na muzi ghwa Kir-heresi.

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

ISAYA 21:3

Malagho nighiwonie kwa mawono agho ghanioboshere na kunivavira, ngawawa sa muka ukumbagha lufu kwa kuva; agho nighisikire, ghanikambirie chongo, nafwa waya hata sidimagha kuzighana.

WAGALATIA 4:19

Wana wapo nimkunde, nakaia na luwawo sa lwa muka ukumbagha lufu kwa wundu ghonyu, hata Kristo uumbike andenyi konyu.

DANIELI 8:27

Ini Danieli ngalemwa na kuwuya mkongo kwa matuku mengi. Niko ngawuka na kuzoya kubonya kazi ra mzuri, ela nereshinuloghe ni agho mawono, hata seredimieghe kughitambua anduangi.

DANIELI 7:15

“Na ini Danieli, nerekoghe ngija wasi na kusumbulwa ni agho mawono andenyi kwapo.

ISAYA 15:5

Ngolo yapo ialilia isanga ja Moabu, wandu wake wiakimbiria isanga ja Soari na Eglathi-shelishia, wamu wiajokeria na mshoromoto ghwa Luhithi wikilila, na wamu wiaghenda wikilila kwa wasi cha Horonaimu.

ZABURI 116:7

Hora ee roho yapo; BWANA wakubonyere maza ndicha.

WAROMA 10:1

Wanidu, bea ya ngolo yapo na ilombi japo kwa Mlungu ni angu wamzedu wikie.

AMOSI 3:6

Tarumbeta yadima kukabwa mzinyi nao wandu wilemo ni kuobua? Welee wuwiwi ghwadima kungia mzinyi ghuselaghirilo ni BWANA?

DANIELI 7:28

Uku niko kutua kwa maza iro; na ini Danieli, ngaja wasi andenyi ya maririkanyo ghapo loli loli, hata fwana yapo ikaghaluka; ela ngawika iro maza ngolonyi kwapo.”

KILILO CHA JEREMIA 2:11

Meso ghapo ghasera kira kwa kulila; roho yapo eko na kuwawa kubaa. Wasi ghwanisirisha ndighi kwa wundu ghwa kutoteshwa kwa wandu wapo. Wanake na awo wiongagha wiadumbuka achienyi ra muzi.

KILILO CHA JEREMIA 1:16

“Kwa wundu ugho naawuyalila; ndekuwadie mndungi onihoresha hata onikumba ngolo. M'maiza wanisima; wandu wapo ndewiwadie kindo chingi chasigharika.

JEREMIA 23:9

Nafwa ngolo andenyi kwapo, maindi ghapo ghose ghaawuyasughusika; nakaia sa mmbongeri wasirwa ndighi ni chofi kwa wundu ghwa BWANA na kwa wundu ghwa malagho ghake ghielie.

JEREMIA 20:9

Ngaghamba, “Sichaamghora BWANA angu kughora kwa irina jake,” jiaghaluka ngolonyi kwapo seji ni modo ghuakagha, ghwarughilwa andenyi ya maindi ghapo; nani nalemwa ni kijighiria sidimagha kujikania.

JEREMIA 13:17

Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 4:21

Bendera ya wuda niiwona hata lii, na chwaka ra tarumbeta nirisikira hata lii?

JEREMIA 4:5

Ereshenyi malagho andenyi ya Juda na Jerusalemu mkeme, “Kabenyi tarumbeta isangenyi, Kemenyi kwa lwaka mghambe, ‘Kwanyikenyi dighende cha mizinyi ya ngome.’

ZABURI 146:1

BWANA ndekaso! Mkase BWANA, ee roho yapo!

ZABURI 119:136

Niadikwa ni mbori sa machi, angu wandu wisewadiagha sharia yako.

ZABURI 119:53

Ngawona wawiwi wikiinona Sharia yako, nadajokwa ni machu nandighi.

ZABURI 103:1

Mkase BWANA ee roho yapo, na irangi japo jose ndejikase irina jake ja wueli.

ZABURI 16:2

Nadamzera BWANA, “Oho ko BWANA wapo; siwadie kindo chingi kicha kuchumba oho.”

WATANYI 5:21

Machi mengi gha Kishoni gherewidwaeghe noko, agho machi mengi gha Moda ghwa Kishoni, ghiseagha shwa-shwa. Ghenda imbiri kwa ndighi ee roho yapo!

MITALO 10:9

Iji mwaghenda wudenyi kukwana na m'maiza onyu wawuyamkoronga isangenyi konyu, mkabe tarumbeta ya lwaka loturusa, eri mpate kukumbukwa imbiri yapo ini BWANA Mlungu onyu, nani nichamkira na wamaiza wenyu.

KUZOYA 49:6

Kusakengia njamenyi kwawo ee roho yapo, hata kusakengia ikwanyikonyi jawo ee roho yapo. Angu werewibwaghieghe wandu kwa machu ghawo, na kwa wutukutu ghwawo wereridemieghe njau, na kuridumbua mighenu.

1 WAKORINTHO 14:8

Ngera tarumbeta yakabwa isemanyikagha lwaka, nani uchaakuwika tayari kwa wuda?

JEREMIA 6:24

Wandu wa Jerusalemu waghamba, “Dasikire agho malagho na mikonu yedu ikadateweleka. Dapatwa ni luwawo lubaa sa lwa muka ukumbagha lufu.

JEREMIA 8:21

Angu kukabwa kwa wandu wapo ni kukabwa kwapo, nalila, na kufwa waya.

JEREMIA 42:14

kwa kughamba, ‘Hata! Isi dichaghenda cha isanga ja Misri, andu disechaawona wuda, angu kusikira lwaka lwa tarumbeta, angu kusowa vindo; nesi dichakaia aho,’

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

JEREMIA 50:22

Ndoghoi ya wuda yasikirika, na kunoneka kubaa kwakaia isangenyi.

DANIELI 4:19

Niko Danieli, uo uwangwagha Belteshazari, ukakambwa ni chongo kwa ngelo vui, ukiririkanya jeghora. Mzuri ukaghamba, “Belteshazari, iyo ndodo na kutambushira kwaro isekukambire chongo.” Belteshazari ukatumbulia, “Bwana wapo, iyo ndodo ndeikaie ya awo wizamilwagha ni oho, na kutambushira kwaro kukaie kwa wamaiza wako!

2 WAZURI 4:19

Ukamzera ndee, “Aba, chongo chapo! Chongo chapo!” Ndee ukamzera umu wa wadumiki wake, “Mghenje kwa mae.”

2 WAZURI 8:11

Ukamkuya meso hata Hazaeli ukakambwa ni chongo; nao Elisha ukalila.

ISAYA 21:4

Nakambwa ni chongo, na kiture chaningia; ugho mwengere naghusuwiriagha, ghwaachawuya kusughusika.

JEREMIA 8:18

Wasi ghwapo ndeghudimagha kuhoreshwa, ngolo yapo yakaia mkongo andenyi kwapo.

KILILO CHA JEREMIA 1:20

“Zighana wasi na kuwawa kwapo kwa ngolonyi ee BWANA! Ngolo yapo yawawa kwa wundu ghwa kaung'a rapo. Wandu waawuyabwaghwa achienyi, hata nyumbenyi wori kifwa cheko aeni.