JEREMIA 39:5 - Biblia Ilagho Jiboie Kwa Wandu Wose

⁵ Ela ijeshi ja Wababuloni jikawinugha, wikammbwada Zedekia aho wurindinyi ghwa Jeriko, nawo wikamreda kwa Nebukadnezari mzuri wa Babuloni aho Ribla isanga ja Hamathi. Nebukadnezari ukamtanya aho.

JEREMIA 39:5 Referans Kwoze

2 WAZURI 23:33

Farao Neko ukamfunga aja Ribla isanga ja Hamathi, eri usebonye nguma Jerusalemu; ukawilawia wandu wa isanga ja Juda kodi ya kilo elfu idadu na maghana ana ra feza, na kilo mirongo idadu na inya ra dhahabu.

JOSHUA 5:10

Ngelo wandu wa Israeli weredungieghe kambi Gilgali, werebonyereghe Pasaka luma lwa kenyi lwa ituku ja ikumi na inya ja ugho mori.

JEREMIA 38:23

Waka wose na wana wako wichafunywa na kughenjwa kwa Wababuloni, hata oho kumoni ndekuchaafufunuka kusewadilo, ela kuchawadwa ni mzuri wa Babuloni, na ughu muzi ghuchakorwa.”

JEREMIA 38:18

Ela kukalegha kukufunya kwa wabaa wa mzuri wa Babuloni, niko ughu muzi ghuchaangirwa mikonunyi kwa Wababuloni, nawo wichaghukora, na oho ndekuchaafufunuka wisekuwadie anduangi.”

JOSHUA 4:13

Wandu elfu mirongo ina wikaida imbiri ya BWANA, wirwae maswagha kwa wuda wurindinyi ghwa Jeriko.

KILILO CHA JEREMIA 4:20

Wammbwadie mzuri oresaghuloghe ni BWANA, orekoghe asili ya wubanana ghodu; uo deremsuwirieghe uchadilindia disengirilo.

KILILO CHA JEREMIA 1:3

Wandu wa Juda wadwalo wunyika na kubonywa wazumba; wakaia isanga izima jiseko jawo jeni. Warughailwa ni wamaiza wisedimagha kufufunuka.

JEREMIA 4:12

ela chichakaia kiremba chiwadie ndighi, chafuma kwapo. Ni ini nighoragha kwa kureda kutanya aighu kwawo.”

2 MALAGHO GHA NGELO 33:11

Kwa huwo BWANA ukawiredia vilongozi va ijeshi ja mzuri wa Ashuru, wikamngira Manase kiloo cha mbua, wikamfunga na pingu ra shaba, na kumghenja Babuloni.

2 WAZURI 25:6

Niko wikammbwada Mzuri Sedekia na kumghenja kwa mzuri wa Babuloni aja Ribla; wikamtanya aho.

2 WAZURI 17:24

Nao mzuri wa Ashuru ukareda wandu kufuma Babuloni, Kuthu, Ava, Hamathi, na Sefavaimu; ukawiwika mizi ya Samaria wulalo ghwa wandu wa Israeli, wikawusa Samaria chiaimweri na mizi yaro.

2 SAMUELI 8:9

Nao Toi mzuri wa Hamathi ukasikira kukaia Daudi wamerie kusima ijeshi jose ja Hadadezeri.

WATANYI 3:3

Iro mbari reresigharikieghe isangenyi ni wabaa wasanu wa Wafilisti, Wakanaani wose, Wasidoni, na Wahivi awo werekoghe wikikaia mighondi ya Lebanoni, kufuma Mghondi ghwa Baal-herimoni, hata Mbenge ya Hamathi.

JOSHUA 13:5

na isanga ja Wagebali, na Lebanoni yose kulangaya cha mashariki; kufuma Baal-gadi iko naisi ya Mghondi ghwa Hermoni hata andu kongiria Hamathi.

MITALO 13:21

Nao wikaghenda, wikajizighana isanga; kufuma kireti cha Sini, hata Rehobu kaavui na kungia Hamathi.

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 24:8

Ela nicham'bonyera Zedekia mzuri wa Juda karakara na iri tini rizamie risedimagha kujika; chiaimweri na wabaa wake, na masighariko gha wandu wa Jerusalemu wiko iji isanga chiaimweri na awo wikaiagha isanga ja Misri.

JEREMIA 44:30

Olenyi nichamfunya Mzuri Hofra mzuri wa Misri, na kumngira mikonunyi kwa wamaiza wake, na mikonunyi kwa awo wikunde kum'bwagha; kara kara seji neremngirieghe Zedekia mzuri wa Juda mikonunyi kwa Nebukadnezari mzuri wa Babuloni, uo orekoghe m'maiza wake orekundeghe kum'bwagha.”

JEREMIA 49:23

BWANA waghamba huwu aighu ya Dameshki, “Wandu wa mizi ya Hamathi na Arpadi wakambwa ni chongo, angu wasikira malagho ghizamie. Wakaia na wowa m'baa na kujawasi sa mivo-mivo ya bahari isedimagha kunyama.

EZEKIELI 23:24

Nawo wichacha kufuma kaskazinyi kukukaba, wiko na magare na ijeshi ja wandu. Wichakukaba kwa kula chia, wiko na ngao ndini na mbaa, na kofia ra shaba. Nichawineka nguma retanya, nawo wichakutanya oho karakara na mawoni ghawo.

HABAKUKI 1:7

Ni wandu wa ndengwa, wioboshagha; wandu wikukasire wisena sharia.

ISAYA 22:3

Wabonyi nguma wenyu wose wakimbia chiaimweri; wawadwa wisekumbie hata iwanu. Na wose werekuloghe, werewadiloghe; hata ngera werekimbirieghe kula.