JEREMIA 39:11 - Biblia Ilagho Jiboie Kwa Wandu Wose

¹¹ Nebukadnezari mzuri wa Babuloni ukafunya momu aighu yapo kwa kumlaghira Nebuzaradani uo m'baa wa majeshi ukighamba,

JEREMIA 39:11 Referans Kwoze

MABONYO GHA WADUMI 24:23

Ukafunya momu kwa m'baa wa masikari angu Paulo ulindilo, ela ukaie na wuhuru ghumu; na mghenyi ungi wake ukundagha kumtesia kwa ilagho jingi useghirilo.

JEREMIA 15:21

Nichakukira kufuma mikonunyi ya wandu wawiwi, na kukukombua kufuma kwa wakorongi.”

JEREMIA 37:2

Ela uo angu ungi wa wadumiki wake, hata na wandu wa isangenyi, ndewereghisikireghe malagho gha BWANA ughighorie kwa kunitumia ini mlodi Jeremia.

JEREMIA 15:11

BWANA ukaghamba, “Kwa loli nichakukira kwa wundu ghwa wucha, kwa loli nichawibonya wamaiza wako wikuvoye ngelo ya wasi.

AYUBU 5:19

Kukapatwa ni wasi mando arandadu, uchakukira; hata indo ja mfungade, ndekuchaapatwa ni kiwiwi chingi.

AYUBU 5:15

Ela Mlungu wadawikira wana wakiwa wisebwagho ni wamaiza wawo; wadawikira na ndighi ra awo wiwadie kudima.

AYUBU 5:16

Kwa huwo wakiwa wawineka isuwirio, na wawiwi wawinyamirisha.

JEREMIA 1:8

Kusakeobua wandu, angu ini neko andwamweri na oho kukukira.”

JEREMIA 15:20

Nichakubonya kukaie sa wurigha ghwa ngome ghwa shaba kwa wandu awa; wichalwa na oho, nawo ndewichaakusima, kwa kukaia ini neko chiaimweri na oho nipate kukukira na kukuvuvua.

JEREMIA 40:1

BWANA oreghorieghe nani nyuma ya Nebuzaradani uja mbaa wa majeshi kunifungua aho Rama, iji orenidwaeghe nifungilo na minyororo chiaimweri na wose weredwaloghe wunyika kufuma Jerusalemu na Juda, na kughenjwa wubarishonyi cha Babuloni.

JEREMIA 40:4

Idana zighana nakufungua ihi minyororo iko mikonunyi kwako idime. Iji kwawona nicha kughendanya nani cha Babuloni, choo tu nichakulindia; ela kukawona si nicha kughendanya na ini cha Babuloni, kuseche. Wona isanga jose jeko imbiri kwako; ghenda andu uko kose kuwonagha nicha kughenda.

JEREMIA 52:12

Ituku ja ikumi, ja mori ghwa kasanu, nagho ni mwaka ghwa ikumi na ikenda ghwa kubonya nguma kwake Nebukadnezari mzuri wa Babuloni, uja Nebuzaradani m'baa wa majeshi gha Babuloni, uo orekoghe ukimdumikia mzuri, orengirieghe Jerusalemu.