JEREMIA 34:3 - Biblia Ilagho Jiboie Kwa Wandu Wose

³ Ndekuchaafufunuka kusewadilo, ela kwa loli kuchawadwa na kungirwa mkonunyi kwake; kuchawonana na kudedanya nao wushu kwa wushu, na kughenda Babuloni.’

JEREMIA 34:3 Referans Kwoze

JEREMIA 32:4

na Zedekia mzuri wa Juda ndechaafufunuka usewadilo ni Wababuloni, ela kwa loli uchangirwa mikonunyi kwa mzuri wa Babuloni; nao uchadedanya nao wushu kwa wushu wikizighanana;

JEREMIA 21:7

Konyuma, nichamfunya Zedekia mzuri wa Juda, chiaimweri na wadumiki wake, na wandu wiko andenyi ya ughu muzi; awo wichaasigharika wisebwaghilo ni saka izamie, wuda angu njala; wingie mikonunyi kwa Nebukadnezari mzuri wa Babuloni, na kwa wamaiza wawo, awo wilolagha marangi ghawo. Uchawibwagha kwa lufu, ndechaawiwonia wughoma, kuwilekeria hata kuwifuya wughoma ghungi.’

JEREMIA 34:21

Nani nichamngira Zedekia na wabaa wake mikonunyi kwa wamaiza wake, na mikonunyi kwa awo wilolagha kutotesha marangi ghawo, ijo ijeshi ja mzuri wa Babuloni wiwisighie na kughenda chia rawo.

EZEKIELI 21:25

Na oho ee m'bonyi nguma wa Israeli, mmbiwi kuseelie, ituku jako, ijo ituku ja kutanywa kwako kwa kutua jamerie kuvika.

EZEKIELI 12:13

Nani nichakuchua nyavu yapo aighu yake, nao uchawadwa ni mdegho ghwapo; Nichamreda Babuloni isanga ja Wakalidayo; ela sena ndechaajiwona, nao uchafwa aho.

JEREMIA 38:18

Ela kukalegha kukufunya kwa wabaa wa mzuri wa Babuloni, niko ughu muzi ghuchaangirwa mikonunyi kwa Wababuloni, nawo wichaghukora, na oho ndekuchaafufunuka wisekuwadie anduangi.”

JEREMIA 37:17

Mzuri Zedekia ukaduma niredo kwake. Mzuri ukanikotia kivisonyi ngomenyi kwake ukighamba, “Ilagho jingi jeko jafuma kwa BWANA?” Ngatumbulia, “Jeko.” Niko ngamzera, “Kuchangirwa mikonunyi kwa mzuri wa Babuloni.”

JEREMIA 27:22

vichadwalwa cha Babuloni, navo vichakaia aho hata iyo ngelo uchaavizighana; niko uchaaviwunja na kuviwika sena andu aha.”

JEREMIA 32:3

Zedekia mzuri wa Juda odenifunga angu nerefunyireghe wulodi ngighamba wei BWANA waghambie, “Ola nichamneka mzuri wa Babuloni ughu muzi, nao uchaghuwusa;

JEREMIA 32:28

Ola nichaghungira ughu muzi mikonunyi kwa Wababuloni na kwa Nebukadnezari mzuri wa Babuloni, nao uchaghuwada.

JEREMIA 34:4

Ela sena ee Zedekia mzuri wa Juda, sikira seji ini BWANA nighoragha; Naghamba huwu aighu yako, ‘Ndekuchaabwaghwa wudenyi anduangi.

EZEKIELI 17:15

Ela mzuri wa Juda ukamlegha na kuduma wandu wake Misri wipate kumneka farasi na ijeshi ibaa. Keni huwo loli ukaia nicha? Mundu wadima kubonya maza iro ufufunuke? Mundu wadima kuchikanya ilaghano ufufunuke?

JEREMIA 38:23

Waka wose na wana wako wichafunywa na kughenjwa kwa Wababuloni, hata oho kumoni ndekuchaafufunuka kusewadilo, ela kuchawadwa ni mzuri wa Babuloni, na ughu muzi ghuchakorwa.”

EZEKIELI 17:16

“Sa iji ini Bwana MLUNGU nikaiagha moyo naghamba kukaia, uo mzuri wa Juda oresaghuloghe ukaie mzuri, usaghulo, sena ukamenya ighemi na kuchikanya ilaghano werebonyereghe, uchafuya Babuloni.