JEREMIA 33:11 - Biblia Ilagho Jiboie Kwa Wandu Wose

¹¹ lwaka lwa kuseka na kuboilwa, na lwaka lwa bwana na bibi arusi, na chwaka ra awo wiboragha wikireda mafunyo gha chawucha andenyi ya Hekalu ya BWANA wikighamba, ‘Funyenyi chawucha kwa BWANA wa majeshi, angu BWANA ni mucha, na lukundo lwake lukatie lwadua kwa kala na kala.’ Kwa kukaia nichajibonya isanga jikaie sa iji koni jerekoghe, waghamba BWANA.”

JEREMIA 33:11 Referans Kwoze

1 MALAGHO GHA NGELO 16:34

Mfunyirenyi BWANA chawucha angu ni mucha; lukundo lwake lukatie lwadua kwa kala.

ZABURI 107:22

Ndewimfunyire vizongona va chawucha, na kughora malagho gha mabonyo ghake kwa chumbo na kuboilwa.

ZABURI 107:1

Mfunyirenyi BWANA chawucha, angu ni mucha; lukundo lwake lukatie lwadua matuku ghose!

ZABURI 106:1

BWANA ndekaso! Mfunyirenyi BWANA chawucha angu ni mucha; lukundo lwake lukatie lwadua kwa kala.

WAEBRANIA 13:15

Idana ndedimfunyire Mlungu kizongona cha makaso tulituli kwa chia ya Jesu, nacho ni madedo gha memu ujishuhudiagha irina jake.

ISAYA 51:11

Niko aho wandu wa BWANA wikombolo wichawuya, wichacha Jerusalemu wikibora, nawo wichakaia na maboilo gha kala na kala; wichakaia na iseko na kuboilwa, wasi na kulila ndeghuchaakaia kwawo anduangi.

2 MALAGHO GHA NGELO 29:31

Niko Hezekia ukaghamba, “Idana angu mwameria kukuwika mmbeni wakfu kwa BWANA, redenyi vizongona na mafunyo gha chawucha Hekalunyi.” Wandu wikareda vizongona na mafunyo gha chawucha; na awo werekoghe na ngolo efunya, wikareda vizongona vekora.

2 MALAGHO GHA NGELO 5:13

nayo edeeka ni kazi ya wakabi tarumbeta na wabori kuwusira chwaka rawo wisikirike chiaimweri iji wakamfunyira BWANA chawucha), na lumbo kuborwa kwa tarumbeta na banjo na vombo vizima va muziki kwa kumkasa BWANA, na kughamba, “BWANA ni mucha, angu lukundo lwake lukatie lwadua matuku ghose,” Hekalu ya BWANA ikachulwa ni iwingu,

WUFUNUO 18:23

na mwengere ghwa taa, ndeghuchaang'ala-ng'ala andenyi kwako, hata lwaka lwa mmbusi muka na uo ulowolwagha, ndeluchaasikirika andenyi kwako sena anduangi. Angu washami wako werekoghe wandu wabaa wa ndoenyi, na wandu wa mbari rose werekaliloghe kwa wusawi ghwako.

JOHANE 3:29

Uo uko na muka nuo bwana arusi, ela mghenyi wa bwana arusi, uo ukaiagha kimusi na kumsikira, wadaboilwa kumsikira bwana arusi ukideda. Idana kuboilwa kwapo kwakatishwa.

1 MALAGHO GHA NGELO 16:8

Mnekenyi BWANA chawucha mumtase; ghorienyi wandu wa mbari zima malagho gha mabonyo ghake.

ZEKARIA 8:19

“Kufunga tumu kubonyero mori ghwa kana, na ghwa kasanu, na ghwa mfungade, na ghwa ikumi, kuchawuya ndima ra kuseka na kuboilwa kwa wandu wa Juda. Muikunde loli na sere.”

ZEFANIA 3:14

Borenyi mkeme kwa kuboilwa inyo wandu wa Israeli! Boilonyi na kuzuma kwa ngolo renyu rose inyo wandu wa Jerusalemu!

JEREMIA 33:7

Nichawiwunjira Juda na Israeli mecha ghawo, na kuwiagha sa iji koni werekoghe imbiri.

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

ISAYA 52:9

Wusirenyi chwaka m'bore chiaimweri, inyo maghacho gha Jerusalemu; kwa kukaia BWANA wawihoresha wandu wake, waghukombua muzi ghwa Jerusalemu.

ZABURI 116:17

Nichakufunyira kizongona cha chawucha na kubonya malombi ghapo kwako.

2 MALAGHO GHA NGELO 7:3

Wandu wa Israeli wose wiendawona modo ghwasea, na wubaa ghwa BWANA aighu ya Hekalu, wikaghoghoma na mawushu ghawo ghikadunga andonyi sakafunyi; wikatasa na kumfunyira BWANA chawucha wikighamba, “BWANA ni mucha, angu lukundo kwake lukatie lwadua matuku ghose.”

ZEKARIA 10:7

Wandu wa Israeli wichakaia na ndighi sa masikari; wichakaia na kuboilwa sa wandu wanywa divei. Wana wawo wichakumbuka wusimi ughu na kuboilwa, kwa wundu ghwa agho BWANA ughibonyere.

ZEKARIA 9:17

Maza richakaia nicha saki! Wandu wa irika wichakaia na ndighi kwa wundu ghwa viro na divei.

JONA 2:9

Ela ini nichakufunyira kizongona cha makaso na chawucha, na kufunya malipo gha ilaghiro nerebonyereghe kwako; kukia kwadafuma kwa BWANA.”

JEREMIA 33:26

aho niko nichaalegha kivalwa cha Jakobo, na mdumiki wapo Daudi, nani sichaamsaghua ungi wa kivalwa chake ubonye nguma aighu ya kivalwa cha Abrahamu, Isaaka na Jakobo. Angu nichawifuya wughoma na kuwiwunja andu kwawo.”

JEREMIA 25:10

Nichawiinjira chwaka ra kuboilwa; lwaka lwa bwana-arusi na bibi-arusi, lwaka lwa magho ghishagha, na mwengere ghwa taa.

JEREMIA 16:9

Angu ini BWANA wa majeshi uo Mlungu wa Israeli naghamba, Nichanyamirisha chwaka ra kuboilwa na maseko ra wandu wiko aha kukiwona, ngelo ya matuku ghako, hata chwaka ra bwana na bibi arusi nderichaasikirika anduangi.

NEHEMIA 12:43

Ituku ijo wandu wikafunya vizongona vingi kwa kuboilwa kubaa, ungi Mlungu orewinekieghe kuboilwa kubaa. Waka na wanake wori wereboiloghe. Ndoghoi ya maboilo agho ikasikirika kula.

NEHEMIA 8:12

Niko wandu wose wikaghenda chia rawo, wipate kuja na kunywa, na kuwidumia wambao vindo vimu na kukaia na kuboilwa kubaa, kwa kukaia weretambukiloghe ni malagho wereghoreloghe.

EZRA 6:22

Wikabonya Ndima ya Mkate Ghusewadie Chachu matuku mfungade kwa kuboilwa; angu BWANA orewinekieghe kuboilwa ukam'bonya mzuri wa Ashuru uwikunde, hata ukawitesia kazi eagha Hekalu ya Mlungu, uo Mlungu wa Waisraeli.

ISAYA 51:3

Angu ini BWANA nichaghuwonia wughoma na kughuhoresha muzi ghwa Jerusalemu, nichareda wuhoreshi andenyi ya muzi ghuwunjiro kukaia ighacho, na ikara jawo jichawuya sa Edeni, sa iyo mbuwa ya BWANA. Muzi ugho ghuchachulwa ni iseko na kuboilwa, na chwaka ra kubora na kufunya chawucha richasikirika.

2 MALAGHO GHA NGELO 20:21

Wendameria kubonya njama na wandu, ukawika wandu wem'boria BWANA na kumkasa wirwae nguwo ra wueli; wikakiria naimbiri ya ijeshi wikighamba, “Mfunyirenyi BWANA chawucha, angu lukundo lwake lukatie lwadua matuku ghose.”

ISAYA 35:10

Awo wikombolo ni BWANA wichawuya Jerusalemu wikibora; wichachulwa ni kuboilwa kwa kala na kala, wichakaia na iseko na kuboilwa, wasi na kusirimika vichasia putu.

JEREMIA 17:26

Na wandu wichafuma mizi ya Juda, na andu kuzima kose kumarie Jerusalemu; kufuma isanga ja Benjamini na kufuma Shefela, na isanga ja mighondinyi, hata kufuma Negebu wikireda vizongona vekora, na vizongona, na mafunyo gha viro, na marumba, na mafunyo gha chawucha andenyi ya Hekalu ya BWANA.

JEREMIA 30:19

Chumbo na kubora kwa makaso kuchafuma kwawo, na chwaka ra kuboilwa richasikirika. Nichawichuria nawo wichazegha, nichawibonya wineko ishima, nawo ndewichaakaia watini anduangi.

JEREMIA 32:44

Mbuwa richaghulwa kwa pesa, na barua reghua richangirwa sahihi, naro richakabwa muhuri na kushuhudilwa andenyi ya isanga ja Benjamini, na andu kose kuko kaavui na Jerusalemu, na andenyi ya mizi ya Juda, na mizi ya isanga ja mighondinyi, andenyi ya mizi ya Shefela, na mizi ya Negebu; kwa kukaia nichawiwunja sena isangenyi kwawo, ini BWANA naghamba.”

NAHUMU 1:7

BWANA waboie; wadawilindia wandu wake ngelo ya wasi. Wadawilindia awo wimrumiriagha.

ZABURI 85:7

Kudiwonyere lukundo lwako lukatie ee BWANA, kudineke kukia kwako.

ZABURI 147:13

Wabonya mbenge rako rikaie rimange, na kuwirasimia wandu wako wiko andenyi.

ISAYA 52:8

Sikira! Chwaka ra walindiri wako, wabora chiaimweri kwa kuboilwa; angu wammbona BWANA ukiwuya cha Jerusalemu, worinyi mesonyi kwawo.

JEREMIA 29:14

Mchaniwona, nani nichammbunja isangenyi konyu; nichamkwanya kufuma kwa mbari rose ra wandu, na andu kose neremmbingieghe; nani nichamreda kufuma kwa jija isanga moredwaloghe wunyika na kummbunja aha.’

JEREMIA 30:3

Ola matuku ghichacha nani nichaawiwunja wandu wapo Israeli na Juda kufuma wunyikenyi, wiwuye kwa isanga nerewinekieghe weke ndee jikaie jawo.”

AMOSI 9:14

Nichawiwunja wandu wapo Israeli isangenyi kwawo. Wichaagha sena maghacho gha mizi yawo inonelo, na kuikaia; wichawa mizabibu na kunywa divei yaro; wichalima mbuwa na kuja matunda gharo.