JEREMIA 32:18 - Biblia Ilagho Jiboie Kwa Wandu Wose

¹⁸ oho kuwonyeragha lukundo lukatie kwa maelfu, ela sena kwadawikaba wandu wako kwa wundu ghwa kaung'a ra weke ndee. Ee Mlungu m'baa kuwadie ndighi rose, oho irina jako kuwangwagha BWANA wa majeshi,

JEREMIA 32:18 Referans Kwoze

JEREMIA 10:16

Mlungu, wa Jakobo, ndedimagha kufwanananishwa naro, kwa kukaia nuo moni uumbie ivo vilambo vose, na Israeli ni mbari ya ifwa jake; irina jake ni BWANA wa majeshi.

KUFUMA 34:7

Nadakatisha lukundo lwapo kwa maelfu na maelfu gha wandu; nadaleka mawiwi na kaung'a, ela simtalagha mkosi kukaia ndekosere anduangi, hata wana wa wana wawo kuvikia kivalwa cha kadadu na cha kana kwa wundu ghwa kaung'a ra wavi wawo.”

MATHAYO 27:25

Wandu wose wikaghamba, “Bagha yake ndeikaie aighu yedu na aighu ya wana wedu!”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 10:21

Masighariko gha wandu wa Israeli wichammburia Mlungu wawo uko na ndighi.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

WUKUMBUSO 10:17

Angu BWANA Mlungu onyu ni Mlungu wa milungu, na BWANA wa weke bwana; ni m'baa wa kudima, nao ni Mlungu oobosha; usemtalagha mndungi kuchumba mmbao, hata ndehongwagha anduangi.

MITALO 14:18

‘Ini BWANA sijokwagha ni machu shwa-shwa; neko na lukundo lubaa, nani nadafuya wughoma na kuleka makosa; simtalagha mkosi kukaia ndekosere; nadawitalia wana makosa gha weke ndee hata kivalwa cha kadadu na cha kana’.

HABAKUKI 1:12

Ee BWANA Mlungu wapo, kuko Mweli wapo, si oho kumoni kuko wa kala na kala? Ndedifwagha kungi. Ee BWANA, ni oho kumoni kuredie Wababuloni wipate kutanya, na oho ee Mlindiri, koowimangisha wipate kudikaba.

NEHEMIA 1:5

“Ee BWANA Mlungu wa mlungunyi, oho koko m'baa, nesi dadakuobua na ndighi. Kwadajimangisha ilaghano jako kwa awo wikundagha na kuiwadia memu yako.

2 WAZURI 9:26

ukighamba, ‘Kwa loli seji niwonie bagha ya Nabothi na ya wana wake ikidika ighuo, waghamba BWANA, nichalipia kisasi ahaeni mbuwenyi.’ Kwa huwo mkumbe ahoeni mbuwenyi kara kara na ilagho ja BWANA.”

JEREMIA 31:35

BWANA, uo uwikie iruwa jifunyeghe mwengere nadime, uo ulaghirie mori na nyerinyeri rifunyeghe mwengere nakio, uo unyavuragha bahari hata mivo-mivo yake irurume, uwangwagha BWANA wa majeshi, waghamba huwu,

ZABURI 50:1

BWANA, Mlungu, Uwadie-Ndighi-Rose, wadeda ukiwanga ndoenyi kufuma mashariki hata magharibi.

WUKUMBUSO 7:21

Msakewiobua; BWANA Mlungu onyu oko aghadi konyu. Uo ni Mlungu m'baa oobosha.

KUZOYA 49:24

Ela ndana yake uo erekoghe imange, na mikonu yake erebonyeroghe kukaia na ndighi, kwa kudima kwa Uo-Uwadie-Ndighi wa Jakobo, kwa irina ja Mlisha, nao ni Mbanga ya Israeli;

LUKA 6:38

nekenyi wandu, nenyo mchanekwa kipimo kicha, chichandirilo na kusughuswa, hata chidike-dike; niko wichaamneka huwo. Angu kipimo mpimagha, nicho cheni mchaapimilwa.”

KUFUMA 34:6

Niko BWANA ukaida imbiri kwake ukaghamba, “Ini BWANA, ne Mlungu uchuagha wughoma, mmboa obonya machu, uchuagha lukundo na wuloli.

JEREMIA 10:6

Ndekuwadie ungi uko sa oho ee BWANA, oho koko m'baa, na irina jako ni ibaa sena jiwadie ndighi.

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

JEREMIA 50:34

Mkomboli wawo oko na ndighi, irina jake ni BWANA wa majeshi. Loli ucharizighana maza rawo, upate kureda kuhora ndoenyi; ela kwa wandu wikaiagha Babuloni, uchawisowia kuhora.”

DANIELI 2:45

Kwawonie ijo igho jisedumbulo ni mkonu ghwa mdamu jikisea kufuma mghondinyi na kuifasha ija fwana, chuma, na shaba, na wongo, na feza na dhahabu. Uo Mlungu m'baa wakumanyisha ee mzuri malagho ghichaakaia konyuma. Ndodo ihi ni ya loli na kutambushira kwaro wori ni kwa loli.”

ZABURI 89:9

Oho kwadaghubonyera nguma msukosuko ghwa bahari; mivo-mivo yaro ikawuka kwadaihoresha.

JEREMIA 33:2

BWANA uo uumbie ndoenyi na kuimangisha, irina jake uwangwaghwa BWANA, waghamba,