JEREMIA 32:10 - Biblia Ilagho Jiboie Kwa Wandu Wose

¹⁰ Ngangira sahihi kwa ija barua eighua, na kuikaba muhuri, ngapata washahidi, na kupima rija pesa ratilinyi.

JEREMIA 32:10 Referans Kwoze

JEREMIA 32:44

Mbuwa richaghulwa kwa pesa, na barua reghua richangirwa sahihi, naro richakabwa muhuri na kushuhudilwa andenyi ya isanga ja Benjamini, na andu kose kuko kaavui na Jerusalemu, na andenyi ya mizi ya Juda, na mizi ya isanga ja mighondinyi, andenyi ya mizi ya Shefela, na mizi ya Negebu; kwa kukaia nichawiwunja sena isangenyi kwawo, ini BWANA naghamba.”

JEREMIA 32:12

ngarineka Baruku mwana wa Neria, wawae Mahiseia imbiri ya wamii Hanameli, na imbiri ya washahidi awo werengirieghe barua eghua sahihi, na imbiri ya Wayahudi werekoghe kidombo aho wazenyi ya walindiri.

JEREMIA 32:25

Ela sena oho ee Bwana MLUNGU kwanizerie huwu: “Ghua mbuwa kwa pesa, na kukupatira washahidi” - hata ngera saki ughu muzi ghwawadilo ni Wababuloni.’”

ISAYA 44:5

“Na mndumu uchaghora, ‘Ini ne wa BWANA,’ mzima uchakuwanga kwa irina ja Jakobo, umu uchakuandika mkonunyi kwake, ‘Wa BWANA;’ na kukuwanga moni kwa irina ja Israeli.”

AYUBU 14:17

Kuchanifuya wughoma ikosa japo, na kuiinja kaung'a yapo.

WUKUMBUSO 32:34

“BWANA wawuyakumbuka agho ghibonyero ni wamaiza; waawuyaweseria uwikabe kwa kimu charo.

WUFUNUO 9:4

Naro rerezereloghe riseribonye nyasi ra ndoenyi ilagho jingi, hata malemba, hata mudi ghungi, ela awo wandu weni wisewadie muhuri ghwa Mlungu chamunyi kwawo.

WUFUNUO 7:2

Ngawona malaika umu sena, ukisea kufuma aja iruwa jibukiagha, uko na muhuri ghwa Mlungu uko moyo; nao ukawiwanga kwa lwaka lubaa awo weke malaika bana werenekeloghe ndighi rebonya ndoe na bahari ilagho;

WAEFESO 4:30

Hata msakemvavira Roho Mweli wa Mlungu, uo morekabiloghe muhuri andenyi kwake, hata ituku ja kukombolwa konyu.

WAEFESO 1:13

Andenyi ya Kristo, inyo wori moresikireghe ilagho ja loli, ijo Ilagho Jiboie ja kukia konyu; nenyo mwendamrumiria, morekabiloghe muhuri kwa Roho Mweli wa ilaghiro;

2 WAKORINTHO 1:22

ukadikaba muhuri dikaie wake, na kudineka Roho wake andenyi ya ngolo redu ukaie wufunga ghodu.

JOHANE 6:27

Msakebonya kazi kwa wundu ghwa vindo vinonekagha, ela bonyenyi kazi kwa wundu ghwa ivo viduagha hata irangi ja kala na kala. Navo mchanekwa ni Mwana wa Mdamu, angu nuo moni urumirilo ni uja Aba, Mlungu moni.”

JOHANE 3:33

Uo ughurumiriagha wushuhuda ghwake wadahakikisha kwa ilagho iji: Mlungu ni mloli.

DANIELI 8:26

Agho mawono gha vizongona va nakenyi na va nakesho kuwonyero ni gha loli. Ela kuseghighore, angu ni gha ngelo nyingi richagha.”

ISAYA 30:8

Mlungu ukanizera nighende na kuandika imbiri kwawo aighu ya kishawalata cha igho, na andenyi ya chuo, ghupate kukaia wushuhuda ghwa toe ghowonyera seji wandu awa wizamie.

LUMBO 8:6

Kusengire mndungi ngolonyi kwako ela ini niekeri; kusewadie ungi mkonunyi kwako ela ini niekeri; kwa kukaia lukundo lwawadie ndighi sa kifwa; iriso jaro jeeng'eta sa kaburi. Jadabusa modo kondenyi, na kukumba lumu lubirie.

JOSHUA 18:9

Niko awo wandu wikaghenda, wikaida andu kose isangenyi, wikaandika michoro chuonyi seji wajiwagha isanga mafungu mfungade, na kuandika mizi yaro; niko wikacha kambinyi kwa Joshua aho Shilo.

MATHAYO 27:66

Nao wikaghenda na kuilindia kaburi kwa kujikaba jija igho muhuri, na kwa kuwika walindiri.

KUZOYA 23:16

Abrahamu ukarumiriana na Efroni, nao ukammpimia vibelele maghana ana va feza, sa iji koni oreghorieghe Wahiti wose wikisikira, kunughana na vipimo va pesa ra kibiashara.

KUZOYA 23:20

Niko huwo iyo mbuwa ya Wahiti na mbanga yaro verewurieghe mali ya Abrahamu, na kubonywa andu korikia wandu.

RUTHU 4:1

Boazi ukaghenda hata andu kokwania mbengenyi ya muzi, ukasea kidombo aho. Nao uo mundu wa ifwa ja Elimeleki oremghoragha ukacha. Niko Boazi ukaghamba, “Ghaluka iichia mghenyi wapo kusee kidombo aha.” Ukaghaluka, ukasea kidombo.