JEREMIA 30:7 - Biblia Ilagho Jiboie Kwa Wandu Wose

⁷ Ai, e ituku ja mashiniko, jisefwanane na ituku jingi; ni ngelo ya wasi kwa kivalwa cha Jakobo, elaima ugho wasi ghuchamredia kukia.”

JEREMIA 30:7 Referans Kwoze

DANIELI 12:1

“Ngelo iyo, Mikaeli uo malaika m'baa uwizighanagha wandu wako uchawuka. Ichakaia ni ngelo ya wasi jingi ghusewonekie kufuma mbari yazoya kukaia, hata iyo ngelo. Ela ngelo iyo, wandu wako awo marina ghawo ghiandikilo andenyi ya chuo cha Mlungu, wichakirwa.

MALAKI 4:1

BWANA Uwadie-Ndighi-Rose waghamba, “Ituku jiacha wandu wikukasire na wawiwi wose wichakorwa sa makanda. Ituku ijo wichakorwa hata mndungi usesigho.

DANIELI 9:12

Oho kookatisha malagho ghako, agho koreghighorieghe aighu yedu na aighu ya awo widibonyere nguma, kwa kureda bugha aighu yedu. Kwa kukaia maza ribonyero Jerusalemu nderibonyero andu kungi ndoenyi kose.

JOELI 2:11

BWANA wajifunyira momu ijeshi jake, najo ijeshi ja wandu wake wengi wiwadie ndighi jakatisha malaghiro ghake. Ituku ja BWANA ni ibaa jeobosha; nani udimagha kujirumaghia?

WAROMA 11:26

kwa huwu Waisraeli wose wichakia, sa iji iandikilo, “Mkiri uchacha kufuma Sioni nao uchaghuinja wuwiwi ghwa Jakobo

MARKO 13:19

Angu matuku agho, kuchakaia na matiriro jingi ghisewonekie kufuma kuumbwa kwa wurumwengu, hata na jingi sena ndeghichaakaia anduangi.

HOSEA 1:11

Wandu wa Israeli na wandu wa Juda wichakwanywa chiaimweri, nawo wichakusaghuya weni m'baa umweri. Wichazoghua na kuwona nicha isangenyi. Loli ituku ja Jezreeli jichakaia ibaa.

KILILO CHA JEREMIA 1:12

Muzi ghwaawuyakema, “Nizighanenyi inyo mmbose muidagha! Ndekuwadie mndungi upatire wasi sa ghwapo; wasi ghuredelo ni BWANA ngelo ya machu ghake ghibirie.

JEREMIA 30:10

“Idana msakeobua ee kivalwa cha Jakobo mdumiki wapo, msakefwa waya ee wandu wa Israeli; angu nichamkira ahoeni isanga ja kula, na kivalwa chenyu chichafuma ijo isanga weredwaloghe wunyika. Mchawuya na kukaia mhorie nicha, na mndungi ndechamuobosha sena anduangi.

ZABURI 34:19

Mundu wa hachi wadima kupatwa ni matiriro mengi, ela BWANA wadamkira nagho ghose.

WUFUNUO 6:17

angu ituku ibaa ja machu ghawo jameria kucha, nao nani udimagha kujirumaghia?”

MABONYO GHA WADUMI 2:20

Iruwa jichawuya kira, na mori ghuchawuya ghwa ngundu sa bagha imbiri Ituku ja Bwana jisechee, ijo ituku ibaa jimanyikie.

JOELI 2:31

Iruwa jichasera kira, na mori ghuchawuya ghwa ngundu sa bagha, imbiri ijo ituku ibaa ja BWANA jeobosha jisechee.

KILILO CHA JEREMIA 4:6

Wandu wapo wakabilo kuchumba wa muzi ghwa Sodoma ugho ghoretotesheroghe mikonunyi kwa Mlungu kwa indo jimweri.

KILILO CHA JEREMIA 2:13

Ee Jerusalemu, mkundwa Jerusalemu, nighora wada? Nikuhoresha wada? Na jingi mndungi ndekorongelo huwu. Wasi ghwako ndeghuwadie mpaka, ghooka sa bahari; isuwirio ndejiko.

ZABURI 25:22

Kombua wandu wako Israeli kufuma kwa wasi ghwawo ghose, ee Mlungu.

KUZOYA 32:7

Jakobo ukaja wasi na kuobua na ndighi, ukawaghanya wandu orekoghe nawo, mfugho rose na ngamila mafungu awi,

ISAYA 20:6

Na wandu wikaiagha pwani ya Filistia wichaghora ituku jija, ‘Wonenyi agha ghawipata wandu derewisuwirieghe na awo derekimbirieghe cha kwawo wipate kuditesia na kudikira na mzuri wa Waashuru! Da isi dikia wada?’”

JEREMIA 2:27

awo wighuzeragha mudi, ‘Oho ko aba,’ na igho, ‘Oho ko mao.’ Kwa kukaia waghalukie na mbai kufuma kwapo, hata ndewikunde kunizighana; ela wikapatwa ni wasi waghamba, ‘Wuka kudikire!’

JEREMIA 2:28

Da milungu yako iyo korekubonyereghe kumoni iao? Ndeiwukecho ikakaia idimagha kukukira ngelo ya wasi ghwako? Kwa kukaia eko mingi andenyi ya mizi yako ee Juda.

JEREMIA 14:8

Ee Isuwirio ja Israeli, na Mkiri wawo ngelo ya wasi; kwaki kwakaia karakara na mghenyi isangenyi kodu, sa mdambi olala kio chimweri tu.

JOELI 1:2

Zighanenyi agha malagho inyo waghosi, sikirenyi inyo mmbose wandu wa Juda; welee, jingi mwawonie ilagho sa iji, ngelo renyu angu ngelo ra weke ndeyo?

JOELI 1:15

Ituku ja BWANA jameria kuvika! Ituku BWANA wawuyareda kunoneka. Uo-Uwadie-Ndighi-Rose uchareda kunoneka koobosha ituku ijo.

ZEKARIA 14:7

hata kira. Kuchakaia na mwengere hata nakio. BWANA uekeri nuo uchaamanya maza iri.

MIKA 4:9

Idana kuliliaki nandighi huwu? Kwaki kujagha wasi sa muka ukumbagha lufu lova? Ni angu kusewadie mzuri? Mnjama wako oofwa?

HABAKUKI 3:16

Nasikire agho malagho, ngasughusika; na memu yapo ikasughusika kwa wowa. Maindi ghapo ghikateweleka, ngawoka kutighina. Nichaweseria mboaeri ituku jivike, ingelo Mlungu uchaawikaba wandu wawuyadikaba.