JEREMIA 30:16 - Biblia Ilagho Jiboie Kwa Wandu Wose

¹⁶ Kwa huwo awo wimmilie wichamilwa, na wamaiza awo wose wichadwalwa wunyika awo wimkorongagha wichakorongwa, na awo wimmbingagha wichawingwa.

JEREMIA 30:16 Referans Kwoze

JEREMIA 10:25

Machu ghako ndeghikaie aighu ya iyo mbari ya wandu wisekuichi oho, na kwa awo wandu wisejiwangiagha irina jako; kwa kukaia wamerie kuwibwagha wandu wa Israeli, wawibwaghie na kuwimeria putu, hata isanga jawo jeesighwa iduu.

ISAYA 33:1

Ni bugha kwako oho kunonagha kusenonelo; oho kukaliagha, kusekalilo. Kukameria kunona, kuchanonwa. Kukameria kukalia, kuchakalilwa.

KUFUMA 23:22

Ela kukamsikira na kubonya agho nikulaghiragha, nichalwa na wamaiza wako wose.

ZEKARIA 2:8

Kwa kukaia BWANA Uwadie-Ndighi-Rose waghamba huwu aighu ya awo werewusagha vilambo venyu kukaia, uo umuadadagha inyo, uaadada mundu wa iriso japo.

WUFUNUO 13:10

Ikakaia mndungi wawikilo udwalo wunyika, uchadwalwa wunyika ngera mndungi wabwagha kwa lufu, uchabwaghwa kwa lufu. Aha niko jikundikie irumaghio na irumirio ja waeli.

ZEKARIA 12:2

“Nichabonya Jerusalemu ikaie sa kikombe cha divei. Mbari riko mbai mbai yaro wichachinywa na kutatarika sa wawongeri. Wikaghurughaia muzi ghwa Jerusalemu, mizi isigharikie ya Juda icharughailwa wori.

JOELI 3:8

Nichawiuza wana wenyu wa womi na wa waka kwa wandu wa Juda, nawo wichawiuza kula kwa wandu wa Sheba; ini BWANA naghamba.

ISAYA 14:2

Na wandu wa iro mbari wichawitesia wandu wa Israeli kuwuya isangenyi jawo, nawo wichakaia andenyi ya isanga werenekeloghe ni Mlungu. Waja wandu wichawuya wazumba wawo wa womi na wa waka; awo wandu weni werewidwaeghe wunyika, niwo weni sena wandu wa Israeli wichaawidwa wunyika na kuwibonyera nguma.

ZABURI 129:5

Awandu wose wizamilwagha ni Sioni, ndewisimo na kuwunjwa nyuma.

ZEFANIA 2:8

BWANA Uwadie-Ndighi-Rose waghamba, “Nasikire madukano gha Moabu na masholio gha Waamoni, seji wiwidukanire wandu wapo, na kukukasa aighu ya isanga jawo.

HABAKUKI 2:16

Na oho wokoni kuchafushwa waya nandighi wulalo ghopata ishima. Kuchanywa hata kutatarike. BWANA uchakubonya kunyo kikombe chako chekabwa, na ishima jako jichaghaluswa jiwuye waya.

NAHUMU 1:8

Ela uchawimeria wamaiza wake putu sa kudwalwa ni machi mengi; uchawighenja wamaiza wake cha kifonyi.

MIKA 7:10

Niko m'maiza wapo uchawona na kufwa waya; uo oreghambagha, “BWANA Mlungu wake oko hao?” Nichammbona ukiwadilwa andonyi sa mazozo gha chienyi.

MIKA 4:11

Mbari ra wandu wengi rakwanyika kulwa na oho. Waghamba, “Ni suti Jerusalemu itotesho! Dichawona muzi ughu ghukinonwa.”

EZEKIELI 35:5

Angu korekoghe na wumaiza ghwa toe na wandu wa Israeli, kwa Waisraeli, kukawifunya wibwagho wudenyi ngelo ya wasi ghwawo, ngelo ya kukabwa kwawo kwa kutua.

EZEKIELI 29:6

“Niko aho wandu wose wa Misri wichamanya kukaia Ini ne BWANA; kwa kukaia oho kodeeka sa mzata ghwa mrangi kwa wandu wa Israeli.

KILILO CHA JEREMIA 1:21

“Sikira seji nisirimikagha, ndekuwadie mndungi onihoresha. Wamaiza wapo waboilo angu kuniredie wasi. Bonya ijo ituku kujilaghirie jivike, kuwibonye wamaiza wapo witiririke karakara na ini.

JEREMIA 2:3

Israeli orekoghe wapo, mavalo gha imbiri gha makuwido ghapo; Wose werekukorongieghe nerewitalieghe kukaia wakosi, mawiwi ghikawichea.”

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

ISAYA 54:15

Mndungi ukakufunya kulwa na oho, ugho wuda ndeghufumie kwapo; uo ose uchaabonya wuda na oho uchaghwa moni.

ZEKARIA 14:2

BWANA uchareda mbari zima rose chiaimweri riwade Jerusalemu. Muzi ghuchawadwa, nyumba richabarwa, na waka wichadidikwa. Nusu ya wandu wichabarishwa, ela awa wichaasigharika ndewichaainjwa mzinyi anduangi.

ZEKARIA 1:14

Niko uo malaika orekoghe ukidedanya nani ukanizera nighore kukaia BWANA Uwadie-Ndighi-Rose waghamba, “Neko na lukundo na msigo m'baa aighu ya Jerusalemu muzi ghwapo ghwa wueli;

JEREMIA 50:28

“Sikirenyi wandu weredwaloghe wunyika wikimbiagha kufuma Babuloni, wipate kueresha kulipa kisasi kwa BWANA Mlungu onyu andenyi ya Sioni, kwa wundu ghwa Hekalu yake.

JEREMIA 25:12

“Ela nyuma ya iyo miaka mirongo mfungade kukatia, nichaikaba mbari ya Babuloni chiaimweri na mzuri waro. Nichajitotesha ijo isanga ja Wakaldayo, kwa wundu ghwa mawiwi ghawo, kujibonya jiwuye iduu kwa kala na kala.

JEREMIA 12:14

BWANA waghora huwu aighu ya wambao Israeli wose wawiwi, awo wiwadie ifwa ja isanga orejinekieghe wandu wake Israeli jiwuye ifwa jawo: “Ola nichawifunya isangenyi kwawo, na kumvuvua Juda ufume aghadi kwawo.

JEREMIA 8:16

Mrurumo ghwa farasi ra wamaiza wedu ghwasikirika kufuma Dani, lwaka lwa farasi rawo ra womi, lwasughusa ndoe yose. Wacha kujimeria isanga chiaimweri na kula kilambo chiko andenyi yaro, ugho muzi na wandu wikaiagha andenyi yaro.”

JEREMIA 30:15

Kwaki mlalamikagha aighu ya kushoghonoka konyu? Luwawo lonyu ndeluchaasia; kwa kukaia wuwiwi ghonyu ni m'baa na kaung'a renyu ni nyingi, niko nim'bonyere agho malagho.

WUKUMBUSO 30:7

BWANA Mlungu onyu uchawiwasira wamaiza wenyu wimkorongie njowe iri rose.

1 SAMUELI 17:53

Waisraeli wikawuya kufuma kuwiwinga Wafilisti, wikawada kambi yawo.

MAKATANISHO 22:23

BWANA uchawidederia, nao uchawiredia wasi awo wawuyawisoka.

KILILO CHA JEREMIA 1:22

“Kuwitanye kwa wundu ghwa mawiwi ghawo; wikabe seji kunikabie kwa wundu ghwa kaung'a rapo. Nasirimika kwa wasi, na ngolo yapo yakaia mkongo.”

ZEKARIA 1:15

nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga.

ZEKARIA 2:12

Juda uchawuya ifungu ja BWANA aighu ya mghondi ghwake ghwa wueli, na Jerusalemu ichakaia muzi ghwake ghukundikie na andu kwake kokaia.