JEREMIA 3:2 - Biblia Ilagho Jiboie Kwa Wandu Wose

² Zighana nokoighu cha mighondinyi kuwone ngera koko andu kungi kusighilo kusetasire milungu mizima! Korekoghe kukiwesera wandu wetasa milungu mizima chiaimweri nakumoni achienyi kara kara na Muarabu ulaliriagha wandu kireti. Kwanonie isanga kwa kutasa milungu mizima kwako.

JEREMIA 3:2 Referans Kwoze

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 2:7

Nerewiredieghe andenyi ya isanga jinorie, wipate kuja matunda na manori gharo. Ela wiendacha werejinonieghe isanga japo, wikajibonya ifwa japo kukaia wuchafu.

KUZOYA 38:14

ukaiinja ija nguwo ya kimuka mkiwa, ukarwa wuzima na kukufinikira kitambaa, ukasea kidombo mbengenyi engia Enaimu muzi ghuko chienyi eghenda cha Timna. Orewonieghe worinyi Shela wazoghua, ela nderemnekeloghe umlowuo.

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

WUKUMBUSO 12:2

Mnone andu kose kotasira milungu kwa awo wandu mchaawisoka isanga; aighu ya mighondi iko ighu, na mighondi mitini, na aisi ya kula mudi ghuko na malemba mawishi.

LUKA 16:23

Wokoni uja mzuri ukafwa, ukarikwa, nao uko matirironyi kwa wafu, ukammbona Lazaro kula koni uko kaavui na Abrahamu.

EZEKIELI 16:16

Korewusireghe marwao ghamu ghako kukapamba nagho andu kotasira, na kubonya wumalaya aho. Maza sa iro jingi nderebonyeka, hata nderichaabonyeka sena anduangi.

JEREMIA 7:29

“Lilenyi, muare maridia ghenyu, mghikumbe noko ee wandu wa Jerusalemu; kemenyi ngemi aighu mighondinyi, kwa kukaia ini BWANA nawileghie na kuwisigha wandu wiwusiragha machu ghapo.

JEREMIA 3:21

Lwaka lwasikirika aighu mghondinyi, kulila na kulalama kwa wandu wa Israeli, kwa kukaia wailaghashire chia yawo, na kumliwa BWANA Mlungu wawo.

JEREMIA 3:9

Orewonieghe wumalaya kukaia ilagho jiangue kwake, ukanona isanga kwa kubonya wulaki ghotasa magho na midi.

JEREMIA 2:23

Kwadima wada kughamba, ‘Ini silushiro, ini sinughie weke Baali?’ Zighana chia rako aja vololonyi, kuwone seji kubonyere. Kooka sa ngamila ya waka, ikimbiagha ii chia na ii chia.

MAKATANISHO 23:28

Wadalaliria sa kiting'a, na kuwibonya womi wengi wisowe wuloli.

MAKATANISHO 7:11

Orekoghe na wuwana ghodeda kuseko na waya; usemangagha nyumbenyi.

2 WAZURI 23:13

Mzuri Josia ukakulusha aho andu kotasira milimu mighondinyi korebonyeroghe ni Solomoni, mzuri wa Israeli aho kusinyi ya Mghondi ghwa Kunoneka kwa wundu ghwa mlungu ghwa waka Ashtorethi ugho wuchafu ghwa Wasidoni na Kemoshi, ugho wuchafu ghwa Moabu, na Moleki, ugho wuchafu ghwa Waamoni.

1 WAZURI 11:3

Orelowueghe wai wa wazuri maghana mfungade, na waka wekanya maghana adadu. Waka awo wikaghalua ngolo ya Solomoni ukatasa milungu mizima.

EZEKIELI 20:28

Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.

ZABURI 106:38

Wikabwagha wana wawo wisewadie ikosa jingi; wikawifunya wana wawo vizongona kwa milimu ya Kanaani, ndoe ikalushwa ni uko kubwagha.

JEREMIA 3:13

Rumiria ikosa jako tu, kukaia, korenileghieghe ini BWANA Mlungu wako, kukakufunya kutasa milungu ya kighenyi, aisi ya kula mudi m'baa ghupambie, hata ndekorelusikireghe lwaka lwapo anduangi.

JEREMIA 12:12

Watoteshi wacha aighu ya mighondi miduu yose kireti, kwa kukaia ini BWANA naredie wuda kutotesha kufuma kutua uku hata kutua uku kwa isanga; na mndungi ndewadie sere.

HOSEA 2:5

Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’