JEREMIA 28:5 - Biblia Ilagho Jiboie Kwa Wandu Wose

⁵ Niko mlodi Jeremia ukamzera mlodi Hanania imbiri ya wakohani na imbiri ya wandu wose werekoghe kimusi andenyi ya Hekalu ya BWANA,

JEREMIA 28:5 Referans Kwoze

JEREMIA 28:1

Mwaka ugho ghoni, Zedekia mzuri wa Juda ukizoya kubonya nguma, mori ghwa kasanu ghwa mwaka ghwake ghwa kana, Hanania mwana wa Azuri, mlodi ufumie Gibeoni, ukadedanya na ini andenyi ya Hekalu, imbiri ya wakohani na wandu wose, ukanizera wei,

JEREMIA 26:2

ukaghamba, “Kaia kimusi awazenyi ya Hekalu, kughorie wandu wa mizi yose ya Juda, awa wawuyacha kutasa Hekalunyi, malagho ghose nichaakulaghira kuwizere; kuseghirie ilagho jingi.

JEREMIA 19:14

Niko Jeremia ukafuma Tofethi, andu BWANA oremdumieghe kufunya wulodi, ukakaia kimusi wazenyi ya Hekalu na kuwizera wandu wose,

JEREMIA 7:2

“Ghenda kukaie kimusi mbengenyi ya BWANA, kughore malagho agha, sikirenyi ilagho ja BWANA inyo wandu wose wa Juda mchagha na kungia iri mbenge kuendamtasa BWANA.

1 MALAGHO GHA NGELO 3:19

Wana wa Pedaia ni: Zerubabeli na Shimei; na wana wa Zerubabeli ni: Meshilamu, Hanania na mruna wa waka Shelomithi;