JEREMIA 28:4 - Biblia Ilagho Jiboie Kwa Wandu Wose

⁴ Sena nichammbunja Jekonia mwana wa Jehoiakimu mzuri wa Juda, na wandu wose wa Juda weredwaloghe wunyika cha Babuloni; kwa kukaia nichaichikanya ghongolo ya mzuri wa Babuloni.”

JEREMIA 28:4 Referans Kwoze

JEREMIA 22:24

BWANA waghamba, “Sa iji koni nikaiagha moyo, hata ngera Jehoiakini mwana wa Jehoiakimu, mzuri wa Juda odeeka sa pete ya muhuri chalenyi chapo cha mkonu ghwa kiwomi, nadamfunya noko

JEREMIA 28:2

BWANA wa majeshi, uo Mlungu wa Israeli waghambie huwu, “Namerie kuchikanya ghongolo ya mzuri wa Babuloni.

JEREMIA 24:1

Nyuma ya Nebukadnezari mzuri wa Babuloni kuwidwa wunyika Jehoiakini mwana wa Jehoiakimu mzuri wa Juda, na wabaa wake, mafundi ghake ghewacha na gechana vuma, kufuma Jerusalemu, BWANA orenifunukuyeghe ngawona vikapu viwi va tini verewikiloghe imbiri ya Hekalu ya BWANA.

NAHUMU 1:13

Nichawimeria Wasiria, na kuiinja minyororo erekufungieghe.”

JEREMIA 30:8

BWANA wa majeshi waghamba, “Ituku ijo nicharichikanya ghongolo rifume singonyi kwawo, na vilingo wifungilo navo; waghenyi ndewichaawibonya wikaie wadumiki wawo sena anduangi.

JEREMIA 28:10

Niko Hanania ukavifunya ivo vilingo va ghongolo verekoghe singonyi kwa mlodi Jeremia, ukavichikanya.

JEREMIA 24:5

“BWANA, uo Mlungu wa Israeli waghamba huwu, Nichawitala wandu wa Juda awo niwibonyere widwalo wunyika cha isanga ja Wakaldayo, kukaia waboie kara kara na iri tini riboie.

JEREMIA 22:10

Msakemlilia Josia mzuri ufue angu kum'bonyera ifwa, ela mumlilie nandighi Joahazi uo mzuri udwalwagha wunyika; angu ndechaawuya hata kuwona isanga jake sena.

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

ISAYA 9:4

Kwa kukaia kwaichikanyire ghongolo erewilemerieghe, na ghuja mzata ghorewikabagha maongenyi; ugho mzata ghwa mkorongi, kwaghuchikanyire seji koresimieghe majeshi gha Midiani.

KUZOYA 27:40

Kuchakaia moyo kwa lufu lwako, na oho kuchamdumikia mwanyinyu. Ela iji kwafufunuka, kuchaichikanya iyo ghongolo yake ifume singonyi kwako.”

JEREMIA 27:8

“‘“Ela mbari angu wuzuri ghungi ghukalegha kumdumikia Nebukadnezari mzuri wa Babuloni, na kurumiria kungira singo rawo andenyi ya ghongolo yake, nichaikaba ija mbari kwa wuda, na kwa njala, na kwa saka izamie, waghamba BWANA; hata nam'bonya Nebukadnezari uwimerie putu.

WALAWI 26:13

Ini ne BWANA Mlungu onyu, uo oremfunyireghe kufuma isanga ja Misri, eri msekaie wazumba wawo. Namerie kudumbua vifungo va ghongolo renyu, na kum'bonya mghende mghorokie.

2 WAZURI 24:14

Nebukadnezari orewidwaeghe wunyika wandu wose wa Jerusalemu sa wafungwa, wabaa wa wandu wose, na mang'oni gha wuda, wandu elfu ikumi; mafundi ghose ghewacha vilambo na ghechana vilambo; mndungi nderesigharikieghe, ela awo werekoghe wakiwa wichumbie isangenyi.

JEREMIA 13:19

Mizi ya Juda ya kusinyi yamerie kurughwa, ndekuwadie mndungi orugua minyango yaro; wandu wose wa Juda wamerie kudwalwa, wose putu wamerie kudwalwa cha wubarishonyi.

JEREMIA 29:1

Agha nigho malagho gha barua nereandikieghe ini mlodi Jeremia kufuma Jerusalemu kwa waghosi weredwaloghe wunyika, na kwa wakohani, na walodi na wandu wose awo weredwaloghe wunyika ni Nebukadnezari kufuma Jerusalemu hata Babuloni.

JEREMIA 29:2

Aho ni nyuma ya mzuri Jekonia na mae kudwalwa wunyika chiaimweri na weke kolowi, na wabaa wa Juda na Jerusalemu, mafundi, na wachani vuma, kufuma Jerusalemu.