JEREMIA 27:7 - Biblia Ilagho Jiboie Kwa Wandu Wose

⁷ Mbari rose ra wandu richamdumikia uo, na mwana wake, na wawae; hata ngelo ivike ya kughwa kwa mbari yake. Aho niko mbari nyingi, na wazuri wabaa wichaam'bonya Nebukadnezari ukaie mzumba wawo.

JEREMIA 27:7 Referans Kwoze

JEREMIA 52:31

Mwaka ghwa mirongo idadu na mfungade ghwa kudwalwa wunyika kwa Jehoiakini mzuri wa Juda, ituku ja mirongo iwi na isanu ja mori ghwa ikumi na iwi, Evil-merodaki uwurie mzuri, oremmbonieghe wughoma Jehoiakini mzuri wa Juda, ukamfunya kifungonyi.

WUFUNUO 16:19

Ugho muzi m'baa ghukawaghanyika mafungu adadu, na mizi ya iro mbari ikanonwa; Mlungu ukaghukumbuka ugho muzi m'baa Babuloni, upate kughubonya ghuangamire icho kikombe cha divei ya machu gha kubia kwake.

WUFUNUO 14:8

Na malaika umu wa kawi ukanugha ukighamba, “Ghwaghue, ghwaghue ugho muzi m'baa ghwa Babuloni! Ugho ghorewibonyereghe wandu wa mbari rose kunywa divei ya bea ra wulaki ghwake.”

HABAKUKI 2:7

Ela imbiri msemanyire, inyo msimie wambenyu mchangia silenyi; nenyo mchalazimishwa kulipa na fwaida raro. Wamaiza wichacha na kukubonya kusughusike. Wichakudwa wunyika.

ISAYA 21:9

Ola, wajoki farasi wiacha, hawaja wiacha wawi-wawi,” Nao ukatumbulia, “Ghwaghue, ugho muzi ghwa Babuloni, ghwaghue, na fwana ra milungu yake raghushwa andoenyi.”

ISAYA 13:1

Ughu ni wufunuo ugho Isaya mwana wa Amozi oreghupatireghe kufuma kwa Mlungu aighu ya Babuloni.

ZABURI 37:13

Ela BWANA wadawiseka wawiwi, ukimanya kukaia kutua kwawo kwalighisa.

JEREMIA 27:22

vichadwalwa cha Babuloni, navo vichakaia aho hata iyo ngelo uchaavizighana; niko uchaaviwunja na kuviwika sena andu aha.”

JEREMIA 34:1

BWANA oreghorieghe nani ingelo Nebukadnezari mzuri wa Babuloni, chiaimweri na ijeshi jake, na mawuzuri ghose gha ndoenyi ghiko aisi yake werekoghe wikilwa na Jerusalemu na mizi yake yose.

JEREMIA 44:30

Olenyi nichamfunya Mzuri Hofra mzuri wa Misri, na kumngira mikonunyi kwa wamaiza wake, na mikonunyi kwa awo wikunde kum'bwagha; kara kara seji neremngirieghe Zedekia mzuri wa Juda mikonunyi kwa Nebukadnezari mzuri wa Babuloni, uo orekoghe m'maiza wake orekundeghe kum'bwagha.”

JEREMIA 46:13

BWANA oreghorieghe nani ingelo Nebukadnezari mzuri wa Babuloni orechagha kujikaba isanga ja Misri:

DANIELI 2:37

Oho ee mzuri, ko mzuri wa wazuri; Mlungu wa mlungunyi wakunekie wuzuri, na kudima, na ndighi, na wubaa.

DANIELI 4:22

“Mudi ugho ni oho kumoni ee mzuri, kuzoghue na kuwuya m'baa. Wubaa ghwako ghwazoghue na kuvika mlungunyi, na nguma rako raerie hata kutua kwa ndoenyi.

HABAKUKI 2:8

Angu kusokie mbari nyingi vilambo vawo, awo wisigharikie wichakudwa wunyika; kwa kukaia kwabwaghie wandu wengi na kutotesha masanga mengi.

EZEKIELI 30:24

Nichamchuria ndighi mzuri wa Babuloni, na kumneka lufu lwapo mikonunyi kwake; ela nicharimeria ndighi ra mzuri wa Misri nao ucharuma sa mundu washoghonolwa kaavui na kubwaghwa.