JEREMIA 24:10 - Biblia Ilagho Jiboie Kwa Wandu Wose

¹⁰ Nani nichaduma wuda na njala na saka izamie wipate kubwaghwa, hata wameria kutoteshwa putu kufuma isanga ijo nerewinekieghe awo na weke ndee.”

JEREMIA 24:10 Referans Kwoze

ISAYA 51:19

Kwapatiro ni malagho awi, wasi na kunoneka, njala na wuda; ndekuwadie mndungi okuhoresha.

EZEKIELI 33:27

“Kuwighorie malagho kukaia, Sa iji ini Bwana MLUNGU nikaiagha moyo, naghamba loli awo wawuyakaia andenyi ya andu kunonelo wichabwaghwa wudenyi, na uo uko cha mbuwenyi nichamfunya kwa nyamandu ujigho, na awo wikuvisire ngomenyi na mbangenyi wichafwa kwa saka izamie.

EZEKIELI 7:15

“Cha shighadi ni wuda ghwa lufu, na cha nandenyi ni saka izamie na njala. Uo uko cha mbuwenyi uchabwaghwa kwa lufu, na uhu uko mzinyi uamerelwa ni njala na saka izamie.

JEREMIA 34:17

Kwa huwo ini BWANA naghora huwu, Mwalemelo ni kunisikira muereshe wuhuru kula mundu kwa mruna na kwa mmbao; olenyi ini namueresha wuhuru ghobwaghwa wudenyi na ghowadwa ni saka izamie, na ghwa njala. Nichabonya mbari rose ra ndoenyi rimshinikie.

JEREMIA 27:8

“‘“Ela mbari angu wuzuri ghungi ghukalegha kumdumikia Nebukadnezari mzuri wa Babuloni, na kurumiria kungira singo rawo andenyi ya ghongolo yake, nichaikaba ija mbari kwa wuda, na kwa njala, na kwa saka izamie, waghamba BWANA; hata nam'bonya Nebukadnezari uwimerie putu.

JEREMIA 19:7

Mipango wereibonyereghe wandu wa Juda na Jerusalemu andu aha nichainona, na kuwibonya wandu wawo wibwagho wudenyi ni wamaiza wawo, na awo wilolagha kughitotesha marangi ghawo. Nicharineka nyonyi ra mbeonyi na nyamandu ra isakenyi gharia ra mimbi yawo.

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 15:2

Nawo wikakukotia, ‘Welee, dighende hao?’ Kuchawitumbulia, ‘BWANA naghamba huwu: “Wandu webwaghwa ni saka izamie, wichafwa kwa saka izamie, na awo webwaghwa wudenyi, wichafwa wudenyi, na awo webwaghwa ni njala, wichabwaghwa ni njala, na awo webarishwa, wichabarishwa.” ’

JEREMIA 9:16

Nichawisasara aghadi ya mbari ra wandu wiseriichi, hata weke ndee wisererimanyireghe; nani nichawidumia majeshi hata wameria kutoteshwa.”

JEREMIA 5:12

Wadedie kiwiwi aighu ya BWANA, wikighamba, “Ndedimagha kubonya ilagho jingi, hata ndedichelwagha ni wuwiwi ghungi; ndedichaawona wuda ghungi hata njala.

WUFUNUO 6:8

Ngawona farasi ya fusifusi, na uo oreijokieghe, irina jake orewangiloghe Kifwa, na Andu Kwa Wafu korenughaneghe nao; nawo werenekeloghe nguma aighu ya ifungu ja kana ja ndoenyi; wibwaghe kwa lufu, na kwa njala, na kwa saka izamie, na kwa nyamandu ra isakenyi ra ndoenyi.

WUKUMBUSO 28:21

BWANA uchakuredia makongo ghizamie, hata ukumerie putu isangenyi ijo kungiagha kujiwusa.

JEREMIA 21:9

Uo ose uchaakaia andenyi ya ughu muzi, uchabwaghwa wudenyi, na kwa njala, na saka izamie; ela uo uchaafuma na kukungira mikonunyi kwa Wakaldayo awo wamrughaia, uchakira irangi jake, nao uchapata irangi jake sa zawadi ya wuda.

JEREMIA 42:17

Wandu wose wichaakufunya kwendakaia Misri, wichabwaghwa wudenyi, na kwa njala, na kwa saka izamie; ndekuchaakaia na masighariko ghangi angu mndungi okaia moyo kufumanya na ugho wuwiwi nichaawiredia.’

1 WAZURI 14:15

BWANA uchaikaba Israeli, nayo ichasughusika sa mrangi ghusukwaa-sukwa ni mbeo amachinyi. Uchawiinja wandu wa Israeli wifume ijo isanga jiboie orewinekagha weke wawae, na kuwisasara noko kimonu cha Moda ghwa Eufrate; kwa kukaia wawusirie machu ghake kwa kubonya fwana ra mlungu ghwa waka Ashera.

JEREMIA 9:15

Kwa huwo BWANA wa majeshi, uo Mlungu wa Israeli waghora huwu, Nichawineka wandu awa midi iwawie wipate kuja, na machi gha sumu wipate kunywa.

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

JEREMIA 29:17

BWANA wa majeshi waghora huwu: ‘Olenyi nichawiredia wuda, na njala na saka izamie; nawo wichakaia sa matunda gha tini ghizamie, ghisedimagha kujika.

JEREMIA 29:18

Nani nichawinugha kwa wuda na njala na saka izamie, na kuwibonya wishinikilo ni mawuzuri ghose ghiko ndoenyi; wiwuye wa njowe, weshinikilwa, wezomelwa, na wesholelwa andu uko kose nichaawighenja kwa mbari rose;

JEREMIA 32:24

“‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.

JEREMIA 32:25

Ela sena oho ee Bwana MLUNGU kwanizerie huwu: “Ghua mbuwa kwa pesa, na kukupatira washahidi” - hata ngera saki ughu muzi ghwawadilo ni Wababuloni.’”

JEREMIA 42:22

Kwa huwo manyenyi loli angu mchabwaghwa wudenyi, na kwa njala, na kwa saka izamie, andenyi ya ijo isanga mwawuyakaia na bea eghendajikaia.”

EZEKIELI 6:11

Bwana MLUNGU waghamba huwu, “Kabenyi lagha, mtume tiri mghambe, Wei Ngai! Kwa wundu ghwa mawiwi ghose gha wuchafu ghwa wandu wa Israeli; kwa kukaia wichafwa kwa wuda, na kwa njala, na kwa saka izamie.