JEREMIA 23:3 - Biblia Ilagho Jiboie Kwa Wandu Wose

³ Nani nichatumbanya masighariko gha wandu wapo kufuma masanga ghose nerewiwingieghe, na kuwiwunja andu kwawo; nawo wichava na kuchurikia.

JEREMIA 23:3 Referans Kwoze

JEREMIA 32:37

Olenyi nichawitumbanya awo wandu kufuma kwa agho masanga nerewiwingieghe kwa wundu ghwa machu ghapo na kubia kwapo, na makai mabaa; nipate kuwiwunja andu aha, nani nichawibonya wikaie nicha.

JEREMIA 29:14

Mchaniwona, nani nichammbunja isangenyi konyu; nichamkwanya kufuma kwa mbari rose ra wandu, na andu kose neremmbingieghe; nani nichamreda kufuma kwa jija isanga moredwaloghe wunyika na kummbunja aha.’

JEREMIA 30:3

Ola matuku ghichacha nani nichaawiwunja wandu wapo Israeli na Juda kufuma wunyikenyi, wiwuye kwa isanga nerewinekieghe weke ndee jikaie jawo.”

EZEKIELI 11:17

“Kwa huwo kuwighorie kukaia ini Bwana MLUNGU nichawikwanya wifume kwa awo wandu na kuwitumbanya chiaimweri kufuma kwa agho masanga andu weresaghisiroghe; nani nichawineka isanga ja Israeli.

JEREMIA 31:8

Olenyi nichawireda kufuma isanga ja kaskazinyi, na kuwikwanya kufuma masanga gha kula gha ndoenyi; vitungure na wakelemeri wichakaia aghadi kwawo, chiaimweri na muka uko na kifu, na uo ukumbagha lufu kwa kuva; wichawuya aha izungu ja wandu ibaa nandighi.

ZABURI 106:47

Dikire ee BWANA Mlungu odu, kudiwunje kufuma kwa mbari zima, dipate kukufunyira chawucha na kujikasa irina jako ja wueli.

EZEKIELI 36:24

Nichamfunya mfume kwa iro mbari ra wandu, nani nichamtumbanya kufuma masangenyi, na kumreda kwa isanga jenyu jeni.

EZEKIELI 36:37

Bwana MLUNGU waghamba huwu, “Nichawibonya wandu wa Israeli winilombeghe, nani nichawibonya wichurikie kwa wungi sa ng'ondi.

MIKA 7:12

Wandu wako wichakuwuria kufuma kula andu. Kufuma Ashuru noko cha mashariki, na kufuma Misri noko cha kusinyi, na kufuma isanga ja Moda ghwa Eufrate, kufuma bahari ra kula na mighondi iko kula.

JEREMIA 8:3

Wandu wose wawiwi wisigharikie wa mbari ihi, wichakaia na bea efwa kuchumba kukaia moyo, andu kose niwiwingie wiendekaia;” waghamba BWANA wa majeshi.

JEREMIA 30:10

“Idana msakeobua ee kivalwa cha Jakobo mdumiki wapo, msakefwa waya ee wandu wa Israeli; angu nichamkira ahoeni isanga ja kula, na kivalwa chenyu chichafuma ijo isanga weredwaloghe wunyika. Mchawuya na kukaia mhorie nicha, na mndungi ndechamuobosha sena anduangi.

JEREMIA 31:7

BWANA waghamba huwu, “Borenyi kwa kuboilwa, kwa wundu ghwa Israeli, wusirenyi chwaka kwa wundu ghwa m'baa wa iro mbari ra wandu; ghorenyi, m'bore makaso, mghambe, ‘BWANA wamerie kuwikira wandu wake, agho masighariko gha Israeli.’

JEREMIA 46:27

“Ela msakeobua ee kivalwa cha Jakobo mdumiki wapo, hata msekambo ni chongo ee wandu wa Israeli; angu ola nichamkira kufuma kula, na kivalwa chenyu kufuma wunyikenyi. Wandu wa Israeli wichawuya na kuhora nicha, na mndungi ndechaawiobosha sena anduangi.

WALAWI 26:9

Nichamrasimia na kumneka wana wengi; nani nichajimangisha ilaghano japo nerejibonyereghe nenyo.

JEREMIA 16:15

ela wichaghamba, ‘Sa iji BWANA uko moyo, uo orewifunyireghe wandu wa Israeli isanga ja kaskazinyi, na masanga ghose agho orewiwingieghe.’ Kwa kukaia nichawiwunja isangenyi jawo jeni, ijo nerewinekieghe weke ndee.

JEREMIA 50:19

Nichabonya wandu wa Israeli wiwuye isangenyi jawo, nawo wichakaia wikija vindo vilimwagha aho Karmeli na Bashani; wichaghuda aighu ya mighondi ya Efraimu na Gileadi.

EZEKIELI 36:11

Nichawibonya wandu na nyamandu richurikie aighu yenyu, naro richava na kuchurikia, nenyo mchakailwa ni wandu sa iji koni morekoghe imbiri; nani nicham'bonyera mecha kuchumba imbiri. Niko mchamanya kukaia ini ne BWANA.

MIKA 2:12

“Ela nichamkwanya chiaimweri inyo wandu wa Israeli wisigharikie. Nichamtumbanya chiaimweri sa ng'ondi riwuyagha iranunyi. Isanga jenyu jichachulwa ni wandu sena, sa wungi ghwa ng'ondi riko mlambenyi.”