JEREMIA 23:22 - Biblia Ilagho Jiboie Kwa Wandu Wose

²² Ngera loli wedeeka andenyi ya njama rapo, kumangu waghorie wandu wapo ilagho japo, na kumangu wandu wapo waghalukie na kusigha chia rawo mbiwi, na mabonyo ghawo ghizamie.

JEREMIA 23:22 Referans Kwoze

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

JEREMIA 25:5

wikighamba, ‘Ghalukenyi idana, kula umu onyu ufume kwa mighendo yake ya wuwiwi na mabonyo ghake ghizamie, mpate kujikaia isanga ijo BWANA oremnekieghe inyo na weke ndeyo kufuma koicho hata kwa kala.

JEREMIA 23:18

Ela nani ungi wawo ukaie andenyi ya njama ra BWANA, kujizighana na kujisikira ilagho jake, angu nani wawo ujisikirie ilagho jake na kujiwadia?

MABONYO GHA WADUMI 20:27

angu na jingi sereleghieghe kummbonyera njama yose ya Mlungu.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

1 WATHESALONIKE 5:6

Kwa huwo disakelala seji wazima wilalagha, ela dichereshe na kukaia na akili.

EZEKIELI 3:17

ukighamba, “Mwana wa mdamu, nakubonya kukaie mlindiri aighu ya wandu wa Israeli; kukasikira ilagho jingi kwapo, kuwionye.

EZEKIELI 2:7

Na oho kuchawighoria malagho ghapo wisikiragha angu wisesikire; kwa kukaia awo ni wandu welegha.

EZEKIELI 18:30

“Kwa wundu ughu nichamtanya inyo ee wandu wa Israeli, kula umu onyu kunughana na mabonyo ghake, ini Bwana MLUNGU naghamba. Heenyi mghaluke, msighe makosa ghenyu, msechenoneka kwa wundu ghwa mawiwi ghenyu!

JEREMIA 36:3

Kewada wandu wa Juda wichasikira agho mawiwi ghose nighambie nichawibonyera, na kewada wadima kughaluka kula umu wawo wihee, nani nipate kuwifuya wughoma wuwiwi ghwawo na kaung'a yawo.”

JEREMIA 9:12

Ngakotia, “Ni mundu uao uko na akili udimagha kutambukilwa ni agha malagho? Nani kwamghoria upate kudighoria? Kwaki isanga janoneka huwu na kusighwa iduu kara kara na kireti; hata mndungi usedimagha kuida aho?”

JEREMIA 23:14

Ela kwa walodi wa Jerusalemu, nawonie ilagho jizamie kuchumba; awo waawuyalaka na kughora tee. Wabonyi kiwiwi waawuyawifungisha ndighi, hata mndungi ndewueghaluka usighe wuwiwi ghwake anduangi; wose weewuya kwapo sa Sodoma, na wandu wikaiagha andenyi yaro sa Gomora.”

EZEKIELI 13:5

Ndem'wuelindia andu kunonelo, hata ndemuaghie wurigha kwa wundu ghwa wandu wa Israeli, wipate kumanga wudenyi ngelo ya ituku ja BWANA.

AMOSI 3:7

Kwa loli Mlungu ndebonyagha ilagho jingi, usezoe kande kufunukua mpango ghwake kwa wadumiki wake walodi.

MALAKI 2:6

Wikafundisha mafundisho gha loli, hata si agho ghiseko gha loli. Wikakaia wecha kwapo, na kutesia wandu kusigha mawiwi.