JEREMIA 23:16 - Biblia Ilagho Jiboie Kwa Wandu Wose

¹⁶ BWANA wa majeshi waghora huwu, “Msesikire malagho gha walodi wimloderagha wikimneka isuwirio ja tee; waawuyaghora malagho gha akili rawo reni, ndeghifumie momunyi kwapo anduangi.

JEREMIA 23:16 Referans Kwoze

JEREMIA 14:14

Ela BWANA ukatumbulia, “Awo walodi waawuyaghora tee kwa irina japo; siwidumie kungi, hata siwilaghirie angu kudedanya nawo hata ilagho jimweri. Mawono wawuyaghighora ndeghifumie kwapo; malodi ghawo ndeghine fwaida weeghidunga weni.

EZEKIELI 13:6

Wadedie malagho ghiseko gha loli, na kulaghua malagho gha tee wikighamba, ‘BWANA waghamba,’ sena usewidumie; na ii chia wikisuwiria BWANA uwikatishire wulodi ghwawo.

MATHAYO 7:15

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie.

EZEKIELI 13:3

Bwana MLUNGU waghamba huwu, Ni bugha kwa awo walodi wikelie, winughagha mawoni gha roho rawo reni wisewonie kindo chingi!

1 JOHANE 4:1

Wakundwa, msakeirumiria kula Roho, ela muritime-time iro roho, mpate kuwona ngera ni ra Mlungu; angu walodi wa tee wengi wafumirikie, na kuwoneka wurumwengunyi.

JEREMIA 23:21

BWANA waghamba, “Ini siwidumie awa walodi, ela wikaghenda; sighorie nawo, ela sena wikafunya wulodi.

2 WAZURI 17:15

Weremenyereghe memu ya BWANA na ilaghano jake, ijo orejibonyereghe na weke ndee; ndeweretalieghe hata na mawonyero ghake. Wereinughieghe milimu ya tee wikakalikia, wikanugha tabia ra iro mbari ra wandu ireni BWANA orewikanieghe wisebonye sa awo.

MIKA 2:11

“Wandu awa weekunda mlodi umaraa-mara na tee na mikalo ukiwizera, ‘Inyo mchulwa ni divei na chofi.’

JEREMIA 23:26

Wele iri tee ridua ngolonyi kwa awa walodi wifunyagha wulodi ghwa tee hata lii, wikikalilwa ni ngolo rawo reni?

EZEKIELI 22:28

Na walodi waro, weevisa agho mawiwi sa kukushinga chokaa naighu, nawo wiawona mawono ghiseko na wuloli, na kulodera wandu tee, wikighamba, ‘Bwana MLUNGU waghamba huwu,’ na BWANA useghambie ilagho jingi.

EZEKIELI 13:23

Inyo wori kwa wundu ugho, ndemchaakaia mkiwona mawono gha tee sena, hata kulaghua, ela nichawikira wandu wapo wifume konyu. Niko mchamanya kukaia ini ne BWANA.”

EZEKIELI 13:16

Awo walodi wa Israeli werefunyagha wulodi aighu ya Jerusalemu, na kuwona mawono gha sere kwa wundu ghwaro, ingelo sere ingi iseko, ndewiko. Ini Bwana MLUNGU naghamba.

JEREMIA 29:8

Angu ini BWANA wa majeshi, uo Mlungu wa Israeli naghamba huwu, Msesighe walodi wenyu, na wandu wenyu wetambua pepo wiko aghadi konyu wimkalie, hata msakesikira ndodo rawo wilodagha;

JEREMIA 9:20

Ngaghora, “Idana inyo waka sikirenyi ilagho ja BWANA, madu ghenyu ghisikire ilagho jifumagha momunyi kwake; mfundishe wai wenyu kulila mfundishane mmbeni na mmbeni seji imfwane mlile.

JEREMIA 2:5

BWANA waghamba welee, “Ni ikosaki weke ndeyo wijiwonie kwapo, hata jikawibonya wighende kula nani; wikatasa milimu ya kisha, nawo weni wikawuya wandu wa kisha?

MAKATANISHO 19:27

Mwana wapo, kukalegha mafundisho, kuchalaghaya kusowe kumanya.

WAROMA 1:21

kwa kukaia hata ngera weremmanyireghe Mlungu, ndeweremnekieghe ishima sa Mlungu, hata kumfunyira chawucha anduangi; ela werekoghe na maririkanyo gha duu, na akili rawo ra wukelu rikachulwa nikira.

JEREMIA 9:12

Ngakotia, “Ni mundu uao uko na akili udimagha kutambukilwa ni agha malagho? Nani kwamghoria upate kudighoria? Kwaki isanga janoneka huwu na kusighwa iduu kara kara na kireti; hata mndungi usedimagha kuida aho?”

KILILO CHA JEREMIA 2:9

Mbenge raro reerikika, mirigho yaro ikaachika vipande vipande; mzuri na wandu wa ishima weebarishwa. Chuo cha Sharia ndechiwuefundishwa, na walodi ndewiwadie mafunuo ghangi kufuma kwa BWANA.

1 WAZURI 22:11

Mlodi umu uwangwagha Zedekia mwana wa Kenaana, ukabonya mbembe ra chuma ukamzera Ahabu, “BWANA waghamba huwu, kuchawisindika Wasiria na iri mbembe hata kuwitoteshe.”

2 MALAGHO GHA NGELO 18:5

Niko mzuri ukawikwanya chiaimweri walodi maghana ana ukawikotia, “Welee, dighende kulwa na Ramoth-gileadi angu niseghende?” Wikaghamba, “Joka; angu Mlungu uchakusimia.”

JEREMIA 29:23

kwa kukaia wabonyere wukelu andenyi ya Israeli, wikalaka na waka wa wambao, sena ii chia wiaghora tee wikiloda kwa irina japo nisewidumie. Ni ini niichi malagho agho sena neko mshahidi, Ini BWANA naghamba.’”