JEREMIA 23:15 - Biblia Ilagho Jiboie Kwa Wandu Wose

¹⁵ Kwa huwo, BWANA wa majeshi waghora huwu aighu ya walodi wa Jerusalemu, “Olenyi nichawijisha vindo viwawie, na kuwinyosha machi ghibirie; kwa kukaia wamerie kueresha kuja kuleghamuobua Mlungu isangenyi jose.”

JEREMIA 23:15 Referans Kwoze

JEREMIA 8:14

Wandu wakotia, “Kwaki dinyamagha kima? Kwanyikenyi chiaimweri, nndokonyi diighendie mizi ya ngome, diendetotera aeni aho; kwa kukaia BWANA Mlungu odu wamerie kudifunya ditote, nao wadinekie machi ghiko na sumu dipate kunywa; kwa kukaia damerie kum'bonyera kaung'a.

JEREMIA 9:15

Kwa huwo BWANA wa majeshi, uo Mlungu wa Israeli waghora huwu, Nichawineka wandu awa midi iwawie wipate kuja, na machi gha sumu wipate kunywa.

KILILO CHA JEREMIA 3:15

Wanighudishire matiriro ghibirie, wulalo ghwa vindo na kunywa.

KILILO CHA JEREMIA 3:5

Wanirughie na kuningira kifungonyi cha wasi na matiriro.

ZABURI 69:21

Wereninekieghe sumu, wulalo ghwa vindo; Iji nereomieghe, wikanineka siki.

WUFUNUO 8:11

Iyo nyerinyeri yawangwagha Kuwawa. Na ifungu ja kadadu ja machi jikawawa, na wandu wengi wikafwa kwa wundu ghwa agho machi, angu gherewawiroghe.

MATHAYO 27:34

wikamneka divei iranganyiro na nyongo upate kunywa; ela iji waitoa, ukalegha kuinywa.

KILILO CHA JEREMIA 3:19

Uko kughesha luwawo lwapo, na uko kusowa muzi kwapo, ni sa sumu ibirie.

WUKUMBUSO 29:18

Mkulindie, isechekaia mndungi onyu aghadi konyu wa womi angu wa waka, angu kinyumba, angu kichuku kughaluka na kumsigha BWANA Mlungu odu, uendetasa milungu ya ija mbari; uchekaia sa mudi ghuvagha matunda gha sumu, ghibirie aghadi konyu.

JEREMIA 14:15

Kwa huwo ini BWANA naghora huwu aighu ya walodi awo wilodagha kwa irina japo nisewidumie, wikighora wei ‘Iji isanga ndejichaachelwa ni kifwa cha lufu na njala;’ awo weni wichabwaghwa kwa lufu na njala.

ZEKARIA 13:2

Ngelo iyo, nichainja marina gha milimu isangenyi, na mndungi ndechaaikumbuka sena anduangi. Nichainja mundu uo ose ukuwangagha mlodi, na kuimeria bea etasa milimu.

JEREMIA 9:14

ela weenugha nia ra ngolo rawo rikurie, wikanugha Baali sa iji koni weke ndee werewifundishireghe.