JEREMIA 23:10 - Biblia Ilagho Jiboie Kwa Wandu Wose

¹⁰ Isanga jeechulwa ni wandu wisowie wuloli na BWANA; kwa wundu ghwa iyo njowe, isanga jaawuyalila, na malisho gha kireti gheeoma. Mighendo yawo ni ya wuwiwi, na wudimi ghwawo si ghwa hachi anduangi.

JEREMIA 23:10 Referans Kwoze

ZABURI 107:34

wadaghalua ndoe inorie iwuye ya munyu, kwa kushekerelwa ni wuwiwi ghwa waisanga waro.

JEREMIA 9:10

Ngaghamba, “Nichaililia mighondi kwa kudikwa ni mbori, na kwa wundu ghwa malisho gha kireti nichalila; kwa kukaia ghamerie kunoneka mndungi usedimagha kuida aho; hata ng'ombe nderiwuesikirika rikidoka, nyonyi ra mbeonyi na nyamandu wori rose rameria kughenda.”

JEREMIA 9:2

Na wei nadapata andu kungi kolala kireti, andu kolala kwa wandu widambagha, kumangu nawisigha wandu wapo nipate kughenda na kukaia kula nawo. Kwa kukaia wose ni walaki, izungu ja wandu wa mikalo.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

ISAYA 24:6

Kwa huwo ndoe yamerelwa ni njowe, na wandu waro wapatwa ni wasi kwa wundu ghwa mawiwi ghawo, wandu wa ndoenyi wakorwa hata awo wisigharikagha ni watini.

JAKOBO 4:4

Inyo walaki! Wele ndemmanyire kubonya wughenyi na wurumwengu ni wumaiza kwa Mlungu? Kwa huwu uhu ukundagha kukaia mghenyi wa wurumwengu wakubonya moni kukaia m'maiza wa Mlungu.

WAEBRANIA 13:4

Ndoa ineko ishima ni wandu wose, na awo wilowuane wikaie waloli kula mundu na mmbao; angu Mlungu uchawitanya walaki, na awo wiselagha na waka wa wandu.

1 TIMOTHEO 1:10

na walaki; womi wilakagha na womi, waiwi wandu, watee, na waghemi wa tee, chiaimweri na maza zima rose risewadanagha na mafundisho gha loli;

JOELI 1:10

Mbuwa reewuya ikara; ndoe yaoma, angu viro vanonwa, mizabibu yaoma, na mizeituni yaoma.

JEREMIA 14:2

“Juda waawuyalila, na mizi yake yaawuyasia. Wandu wake waalala andonyi wikilila kwa wasi, na kililo chaawuyasikirika kufuma Jerusalemu.

JEREMIA 7:9

Kwani mwadima kuiwa, na kubwagha, na kulaka, na kughema kwa tee, na kufukiria Baali marumba, na kutasa milungu mizima msereimanyireghe,

WALAWI 5:1

“Mndungi ukawangwa kufunya wushahidi ghwa maza urisikire angu kuriwona, nao ulemo ni kughora; uchatalwa kukaia mkosi.

ISAYA 5:18

Ni bugha kwa awo wirudagha kaung'a na kamba ra mikalo, na wuwiwi sa kuruda na kamba ra magare.

JEREMIA 9:12

Ngakotia, “Ni mundu uao uko na akili udimagha kutambukilwa ni agha malagho? Nani kwamghoria upate kudighoria? Kwaki isanga janoneka huwu na kusighwa iduu kara kara na kireti; hata mndungi usedimagha kuida aho?”

JEREMIA 12:11

Wamerie kujibonya isanga jikaie iduu, jawurie iduu hata jianililia isanga jose jeewuya kireti, ela ndekuwadie mndungi wawuyajiririkanya ngolonyi kwake anduangi.

HOSEA 7:4

Wose ni wakalii wisewadie wuloli ghungi. Kuzamilwa kwawo kooka sa modo ghuko irikonyi ghusesindikirwagha ni muochi mikate, hata mufu waghukanda ghwameria kungirwa chachu.

EZRA 10:18

Awa niwo wandu werelowueghe waka wa kighenyi, Wakohani kunughana na vichuku vawo; Kichuku cha Joshua na waruna wana wa Jehosadaki, Maaseia, Eliezeri, Jaribu na Gedalia.

JEREMIA 6:13

Weechulwa ni bea wose, kufuma mtini hata m'baa wawo; wakunda kupata fwaida risena hachi, kufuma mlodi hata mkohani, kula umu uabonya mikalo.

ZEFANIA 3:4

Walodi wake ni wa tee, wandu wisena wuloli; wakohani wake wadalusha vilambo va wueli, na kughalusa sharia ra Mlungu kwa fwaida rawo.