JEREMIA 22:3 - Biblia Ilagho Jiboie Kwa Wandu Wose

³ BWANA waghamba, m'bonye malagho gha loli na gha hachi, mmbunje kilambo cha uo usokelo ni mkorongi. Msebonye kiwiwi, angu kumkita mghenyi, angu mwana mkiwa, angu muka mkiwa, angu kudia bagha ya mundu usena ikosa andu aha.

JEREMIA 22:3 Referans Kwoze

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

JEREMIA 22:17

Ela mawoni gha ngolo yako ni aighu ya fwaida risefwanagha, na kudia bagha ra wandu wisewadia ikosa jingi, na kukuzaisira maza rekoronga wandu.”

JAKOBO 1:27

Dini ielie isewadie wuchafu imbiri ya Mlungu Aba, ni ihi: ni kuwighendia na kuwitesia wana wakiwa, na waka wifuilo ni womi wawo kwa wasi ghwawo, na kukulindia moni uselusho ni wurumwengu.

EZEKIELI 22:7

Wavi ndewitalwagha andenyi kwako, waghenyi wadakorongwa aghadi kwako, mwadawikita awo wifuilo ni weke ndee na waka wakiwa.

MALAKI 3:5

BWANA Uwadie-Ndighi-Rose waghamba, “Niko aho nichamchea kaavui kumtanya, nani nichakaia wa shwa-shwa kushuhudia aighu ya walaghui, na walaki, na awo wighemagha kwa tee, na awo wikitagha wapakazi na malipo ghawo, na waka wakiwa, na wana wakiwa, na awo wilaghashagha hachi ya mghenyi, wiseniobuagha ini.

JOELI 3:19

“Misri ichawuya ikara, na Edomu ichawuya kireti; kwa kukaia werebonyereghe lung'eto kwa wandu wa Juda, wikabwagha wandu wake wisewadie makosa.

JEREMIA 9:24

Ela uo ukukasagha ndekukase kwa ilagho iji: kukaia, wawuyaelelwa na kunimanya ini angu ne BWANA uo ubonyagha lukundo lukatie, loli na hachi ndoenyi; kwa kukaia ini nadaboilwa andenyi ya maza iro.”

JEREMIA 5:28

ni wandu wibandie widendere. Mabonyo ghawo ghizamie ndeghina kipimo; ndewiichi kutanya hachi kwa mwana mkiwa usewadie ndee, hata uwone nicha; ndewidederiagha hachi ra uo uko ukitiro.

ISAYA 1:23

Wabaa waro wawuya waleghi, wakaia wangara wa vitoi. Kula umu onyu ookunda kuhongwa, na kuwusa manosi; ndewidederiagha wana wakiwa, hata ndewimtanyiagha hachi muka mkiwa anduangi.

MAKATANISHO 23:10

Kuseinje igho ja mwano ghwa kala, hata kusewuse mbuwa ra wana wakiwa.

ZABURI 68:5

Mlungu, uo ukaiagha andenyi ya Hekalu yake, nuo ndee wa wana wakiwa, na mlindiri wa waka wifuilo ni womi.

2 WAZURI 24:4

na kwa wundu ghwa kubwagha wandu wa hachi. Kwa kukaia Manase orebwaghieghe wandu wa hachi wengi wa Jerusalemu, na BWANA nderekoghe tayari kumfuya wughoma.

WUKUMBUSO 24:7

Mundu ukawadwa ukiiwa mruna Muisraeli na kum'bonya mzumba, angu kumuuza, icho kitoi chibwagho. Na kwa chia iyo, mchaaghuinja ugho wuwiwi aghadi konyu.

JEREMIA 26:16

Niko wabaa wa wandu wose wikawizera wakohani na walodi, “Ndeifwane umundu utanyo kifwa, kwa kukaia waghora nesi kwa irina ja BWANA Mlungu odu.”

MAKATANISHO 6:17

kuzighana kwa lukaso, kughora tee, kubwagha mundu usewadie ikosa;

ZABURI 94:21

Wawadana chiaimweri kulwa na mundu wa hachi na kumtanya mundu usewadie ikosa jingi ubwagho.

ZABURI 94:6

Wawibwagha waka wakiwa, na waghenyi, na wana wakiwa.

AYUBU 24:9

(Mwana mkiwa wainjwa nyodonyi kwa ndighi; mwana mkoo wa mkiwa wawadwa kwa wundu gholipia sile.)

AYUBU 22:9

Kwawiwunjire waka wakiwa mikonu miduu, kukawikita na kuwisoka wana wakiwa.

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

WUKUMBUSO 27:19

“‘Mundu ukailaghasha hachi ya mghenyi omara-mara, angu ya mwana mkiwa, angu ya muka mkiwa, uwado ni njowe.’ Na wandu wose widikie, ‘Amen.’

WUKUMBUSO 25:1

“Wandu wawi wikakwanywa ni ilagho jingi, nawo wiche mwandunyi kutanywa, na watanyi widumbuo mwandu na kumlekera umundu usekosere, na kumtanya umundu ukosere,

WUKUMBUSO 10:18

Wadabonya maza riko ra loli kwa wana wakiwa na waka wakiwa, nao wadamkunda mghenyi, na kumneka vindo na nguwo.

WALAWI 19:15

“Iji kwakatanya kusevise hachi; kusebonye wuchumbano ghungi kwa mkiwa, na kukaia wuzima kwa uo uko m'baa, ela kumtanye mmbenyu kwa hachi.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

KUFUMA 22:22

Kusakemkita mka mkiwa angu mwana mkiwa.

MATHAYO 23:23

“Ni bugha konyu inyo walimu wa Sharia na Mafarisayo, waji-kuwi! Angu mwafunya ifungu ja ikumi hata kwa mbogha ra malemba ghinukie nicha, na bizari, ela mwasigha agho malagho ghiko gha suti gha Sharia na hachi, na wughoma, na irumirio. Kumangu agha mwaghibonyere, chiaimweri na ghaja mazima wori.

KUFUMA 22:21

“Kusakem'bonyera kiwiwi mghenyi hata kumkoronga, angu na inyo morekoghe waghenyi isanga ja Misri.

ISAYA 58:6

“Nechi kufunga tumu nikukunde ini ni uku: kuvifungua vifungo va makorongo, kuinja ghongolo isena hachi, na kumlekeria uo ukorongelo ukaie huru, chiaimweri na kuchikanya kula ghongolo?

ISAYA 58:7

Nechi ni kummbaghia vindo vako uo usowie, na kumngira nyumbenyi kwako uo mkiwa usena wulalo; na iji kwammbona mundu uko duu, kumrushe nguwo, hata kuseleghe kumtesia mndungi wa kichuku chako.

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

JEREMIA 19:4

Kwa kukaia wandu wanisighie, na kukunona andu aha kwa kuifukiria milungu mizima marumba, iyo wiseiichi, hata weke ndee, hata wazuri wa Juda wiseiichi; na andu aha wakunonie kwa kudia bagha ra wandu wisewadie ikosa jingi,

KILILO CHA JEREMIA 3:36

BWANA waichi iji hachi yalaghashwa kotinyi.

EZEKIELI 18:12

na kumkoronga mkiwa usowagha, na kusoka, usewunjagha wufunga ghwa kilambo orekopeshereghe, utasagha milimu na kubonya wuchafu.

EZEKIELI 45:9

“Ini Bwana MLUNGU naghamba huwu: Uko kutumia ndighi konyu na kukoronga wandu kwakata ee wabaa wa wandu wa Israeli. Sighenyi agho, m'bonye maza ra loli na hachi; sighenyi kusoka wandu wapo. Ini Bwana MLUNGU naghamba.

AMOSI 5:24

Ela hachi ndeidike-dike sa machi, na loli idike sa kamoda kiseomagha.

WUKUMBUSO 24:17

“Kuselaghashe hachi ya mghenyi omara-mara, hata mwana mkiwa, hata kusewadie nguwo ya mka-mkiwa ikaie wufunga;

ZABURI 82:4

Wivuvuonyi awo wanyonge; wikirenyi kufuma mikonunyi kwa wawiwi.”

EZEKIELI 18:7

Usekorongagha mndungi, ela wadammbunjira msile wake icho orechiwikieghe wufunga; ndesokagha, ela wadamneka vindo uo uko na njala, na kumneka nguwo uo uko na zuna.

AMOSI 5:15

Menyenyi mawiwi, mkunde mecha, mtanye hachi kotinyi. Kewada BWANA uchawiwonia wughoma masighariko gha wandu wa mbari ihi.