JEREMIA 22:2 - Biblia Ilagho Jiboie Kwa Wandu Wose

² “Sikira ilagho ja BWANA ee Mzuri wa Juda, kuseagha kidombo aighu ya kifumbi cha nguma cha Daudi; oho, na wadumiki wako, na wandu wako wingiriagha iri mbenge;

JEREMIA 22:2 Referans Kwoze

LUKA 1:32

Uchakaia m'baa, nao uchawangwa Mwana wa Uo-Uko-Aighu-Nandighi; na Bwana Mlungu uchamneka kifumbi cha nguma cha ndee Daudi.

JEREMIA 22:4

Angu loli mkamsikira, wazuri wichaidiria kwa iri mbenge, awo wiseagha kidombo aighu ya kifumbi cha nguma cha Daudi, wikijoka magare na aighu ya farasi, awo, chiaimweri na wadumiki wawo na wandu wawo.

ISAYA 9:7

Kubonya nguma kwake kwa sere ndekuchaakaia na kutua kungi; Uchaseria kifumbi cha nguma cha ndee Daudi, ukighumangisha wuzuri ghwake kwa hachi na loli; kufuma idana hata kwa kala na kala. BWANA wa majeshi nuo uchaabonya agha.

ISAYA 1:10

Sikirenyi lwaka lwa BWANA, inyo wabonyi nguma wa Sodoma; deghenyi madu msikire mafundisho gha Mlungu odu, inyo wandu wa Gomora.

AMOSI 7:16

Kwa huwo idana sikira ilagho ja BWANA. Kwaghamba nisefunye wulodi aighu ya Israeli, hata nisechilie wandu wa Israeli.

EZEKIELI 34:7

“Idana inyo walisha sikirenyi seji ini BWANA nighoragha,

JEREMIA 36:30

Kwa huwo ini BWANA naghamba huwu aighu yako Jehoiakimu mzuri wa Juda, Ndekuchaakaia na kivalwa cheseria kifumbi cha nguma cha Daudi, na gharia yako ichadegwa shighadi a mrukenyi ghwa iruwa ja dime, na mbeo ngelo ya nakio.

JEREMIA 29:20

Sikirenyi seji Ini BWANA nighoragha konyu inyo mmbose moredwaloghe wunyika, ngamghenja kufuma Jerusalemu hata Babuloni.’

JEREMIA 19:3

Kuchaghamba, ‘Sikirenyi malagho gha BWANA ee Wazuri wa Juda na wandu mkaiagha Jerusalemu; BWANA wa majeshi, uo Mlungu wa Israeli waghamba: Ola nichareda wuwiwi aighu ya andu aha, ugho, hata wandu wikasikira wichaturukia.

JEREMIA 13:18

BWANA ukanizera, “Ghoria mzuri, na mzuri-mae, wikusere kufuma vifumbinyi vawo va nguma; kwa kukaia virumbu vawo vighokie vamerie kupotoka kufuma vongonyi kwawo.

JEREMIA 7:2

“Ghenda kukaie kimusi mbengenyi ya BWANA, kughore malagho agha, sikirenyi ilagho ja BWANA inyo wandu wose wa Juda mchagha na kungia iri mbenge kuendamtasa BWANA.

ISAYA 28:14

Sikirenyi ilagho ja BWANA inyo wandu mmenyagha; inyo muwibonyeragha nguma wandu wiko Jerusalemu!

1 WAZURI 22:19

Mikaia ukaghamba, “Idana sikira ilagho ja BWANA: Neremmbonieghe BWANA wasea kidombo aighu ya kifumbi chake cha nguma; na majeshi ghose gha mlungunyi ghikakaia kimusi kummaria mbai mbai chia rose.

JEREMIA 22:1

BWANA orenizerieghe nisee ngomenyi kwa mzuri wa Juda, nighore agha malagho,

JEREMIA 34:2

“BWANA, uo Mlungu wa Israeli ukanizera nighende kudedanya na Zedekia mzuri wa Juda nimzere, ‘Ola naawuyaghungira ughu muzi mkonunyi kwa mzuri wa Babuloni, nao uchaghukora.