JEREMIA 22:10 - Biblia Ilagho Jiboie Kwa Wandu Wose

¹⁰ Msakemlilia Josia mzuri ufue angu kum'bonyera ifwa, ela mumlilie nandighi Joahazi uo mzuri udwalwagha wunyika; angu ndechaawuya hata kuwona isanga jake sena.

JEREMIA 22:10 Referans Kwoze

JEREMIA 22:11

BWANA waghora huwu aighu ya Joahazi mwana wa Josia, mzuri wa Juda, uo orebonyereghe nguma wulalo ghwa ndee Josia, ukafuma ukaghenda kufuma iji isanga. “Ndechaawuya aha sena,

MCHILI 4:2

Ngaririkanya kukaia wandu wimerie kufwa weko baa kuchumba wandu wiko moyo.

KILILO CHA JEREMIA 4:9

Wandu wifue wudenyi weko baa kuchumba awo wicheefwa na njala mboa mboa kwa kusowa vindo vewikaisha moyo.

ISAYA 57:1

Mundu wa hachi waawuyatota, na mndungi ndetalagha; wandu wimuobuagha Mlungu waawuyafwa wurumwengunyi, na mndungi ndetambukilwagha. Kwa kukaia mundu wa hachi waafunywa wasinyi,

2 WAZURI 22:20

Ola kuchafwa sa weke ndeyo, kuriko kwa sere; meso ghako ndeghichaawona ugho wasi ghose nichaaghuredia muzi ughu.’” Nao awo wandu wikammbunjira mzuri agho malagho.

LUKA 23:28

Jesu ukaghaluka na nyuma ukawizera, “Inyo waka wa Jerusalemu, msakenililia ini, ela mkulilie mmbeni na wana wenyu.

JEREMIA 22:18

Kwa huwo BWANA waghamba huwu aighu ya Jehoiakimu mwana wa Josia, mzuri wa Juda, “Ndewichaamlilia wikighamba, ‘Ai, o mwanidu wa womi!’ angu ‘Ai, o mwanidu wa waka!’ Ndewichaamlilia wikighamba, ‘Ai o bwana odu!’ angu ‘Ai o mzuri odu!’

2 MALAGHO GHA NGELO 36:4

Mzuri wa Misri ukam'bonya mruna Eliakimu ukaie mzuri aighu ya Juda na Jerusalemu, ukamghalusa irina jake jikaie Jehoiakimu. Ela mruna Jehoahazi ukadwalwa ni Neko cha Misri.

JEREMIA 16:7

Mndungi ndechaajanya nawo kuwihoresha kwa wundu ghofuilwa, hata mndungi ndechaawinyosha kindo chingi kwa wundu wei mundu wafuilwa ni ndee angu mae.

JEREMIA 25:27

BWANA ukanizera, “Zera wandu kukaia, Ini BWANA Uwadie Ndighi-Rose, uo Mlungu wa Israeli nawilaghira winyo hata wiwongie na kudaika; wigho hata wisedime kuwuka kwa wundu ghwa ugho wuda nighudumagha kwawo.

JEREMIA 28:4

Sena nichammbunja Jekonia mwana wa Jehoiakimu mzuri wa Juda, na wandu wose wa Juda weredwaloghe wunyika cha Babuloni; kwa kukaia nichaichikanya ghongolo ya mzuri wa Babuloni.”

JEREMIA 42:18

“BWANA wa majeshi, uo Mlungu wa Israeli waghamba huwu: ‘Sa iji koni machu ghapo na kubia kwapo korediriloghe aighu ya wandu werekoghe Jerusalemu, niko koni na machu ghapo ghichaadilwa konyu iji mwaghenda cha Misri. Mchawuya sa vilambo va kisha, wandu weshinikilwa, wandu wa njowe, na wandu wesekwa. Ndemchaajiwona iji isanga sena.’

JEREMIA 44:14

eri mndungi usigharikie wa Juda, awo wichee kukaia isanga ja Misri usefufunuke, angu kukia, angu kuwuya cha isanga ja Juda, ijo wawuyakaia na bea ewuya wiendejikaia; kwa kukaia ndewichaawuya, ela awo wakimbii watini tu niwo wichaawuya.”

EZEKIELI 24:16

“Mwana wa mdamu, ola nalighisa kumuinja umundu kumkunde kuchumba, ufume kwako kwa ikabo jimweri. Kuselile hata kusekeme; hata kusetonyo ni mbori.

2 WAZURI 23:29

Ngelo rake, Mzuri Neko mzuri wa Misri, orejokieghe kwa mzuri wa Waashuru hata Moda ghwa Eufrate; na Mzuri Josia ukasea kulwa nao, Farao Neko uendammbona ukam'bwagha aho Megido.

JEREMIA 22:27

Mchakaia na bea ewuya isanga morevailoghe, ela mdua jingi msewurie aho sena.”