JEREMIA 21:4 - Biblia Ilagho Jiboie Kwa Wandu Wose

⁴ “Mumzere Zedekia huwu, BWANA, uo Mlungu wa Israeli waghamba, ‘Ola nichakwanya maswagha ghako gha wuda ghiko mkonunyi kwako, agho kwawuyatumia kulwa na mzuri wa Babuloni, na Wakaldayo, awo wakurughaia wurighenyi ghwako cha shighadi, nani nichaghireda chiaimweri ghadi na ghadi ya ughu muzi.

JEREMIA 21:4 Referans Kwoze

JEREMIA 33:5

Wamu waro wichacha kulwa na Wababuloni nawo wichabwaghwa, na kurichura iro nyumba ra awo wandu nichaawibwagha kwa machu na kubia kwapo; kwa kukaia namerie kughughalukia na mbai ughu muzi kwa wundu ghwa wuwiwi ghwawo ghose.

JEREMIA 32:5

sena uchamdwa Zedekia hata Babuloni, nao uchakaia aho hata nimchee, na ukedualwa na Wakaldayo ndechaawisima kungi.”

ISAYA 13:4

Sikirenyi ndoghoi ra izungu ibaa aighu mighondinyi, na chwaka ra wazuri na mbari ra wandu rakwanyika chiaimweri! BWANA wa majeshi waawuyakwanya ijeshi kwa wundu ghwa wuda.

ISAYA 5:5

“Idana nichamghoria ijo nichaajibonya kwa mbuwa yapo ya mizabibu. Nichainja isanju japo na wurigha ghwaro, nayo ichajighwa ni nyamandu, na kuiwadia-wadia.

ZEKARIA 14:2

BWANA uchareda mbari zima rose chiaimweri riwade Jerusalemu. Muzi ghuchawadwa, nyumba richabarwa, na waka wichadidikwa. Nusu ya wandu wichabarishwa, ela awa wichaasigharika ndewichaainjwa mzinyi anduangi.

KILILO CHA JEREMIA 2:7

BWANA waileghie madhabahu yake na kuisigha Hekalu yake ya wueli. Warumiria m'maiza ukavuchua mawurigha gharo. M'maiza ukakema kwa wusimi andu derekoghe dikitasa kwa kuboilwa.

KILILO CHA JEREMIA 2:5

BWANA waitoteshere Israeli sa m'maiza; wabonyere ngome rake rose riwuye maghacho; wawiredia wandu wa Juda wasi ghusesiagha.

JEREMIA 39:3

Jerusalemu iendawadwa, wabaa wose wa mzuri wa Babuloni wikacha na kusea kidombo andenyi ya Mbenge ya Ghadi na ghadi, chiaimweri na Nergali-shareza, Samgari-nebo, Sarsekimu na Nargali-shareza umu, na wabaa wazima wose wa mzuri wa Babuloni.

MATHAYO 22:7

Uja mzuri ukawawa ni ngolo, ukaduma masikari ghake, ukawitotesha waja wabwaghi, ukaghukora muzi ghwawo.

HOSEA 9:12

Hata ngera walela wana, nichawiinja ungi usekaie moyo. Ngawisigha awa wandu, wichachelwa ni maza rizamie.”

JEREMIA 52:18

Wikadwa nyungu na miiko, na makasi, na bakuli, na vilambo vefukiria marumba, na vilambo vose va shaba vitumilwagha kwa wudumiki andenyi ya Hekalu;

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.

JEREMIA 20:4

Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 21:3

Niko Jeremia ukawizera,

JEREMIA 32:3

Zedekia mzuri wa Juda odenifunga angu nerefunyireghe wulodi ngighamba wei BWANA waghambie, “Ola nichamneka mzuri wa Babuloni ughu muzi, nao uchaghuwusa;

JEREMIA 32:24

“‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.

JEREMIA 35:17

Kwa huwo ini BWANA, Mlungu wa majeshi, Mlungu wa Israeli naghamba huwu, Olenyi nichawiredia wandu wa Juda, na wose wikaiagha Jerusalemu mawiwi ghose nighighorie aighu yawo; kwa kukaia naghorie nawo wikalegha kusikira, ngawiwanga nawo wikalegha kudika.”

KILILO CHA JEREMIA 2:3

Wamerie ndighi rose ra wandu wa Israeli kwa machu ghake ghibirie; waleghie kuditesia ngelo derecheloghe ni wamaiza; ukadisaghisa sa modo ghuhiagha na kumeria kula kilambo.

EZEKIELI 39:3

Nichaikaba ndana yake iko mkonu ghwake ghwa kiwaka, na kughipotua mawanu ghake mkonu ghwake ghwa kiwomi.