JEREMIA 21:10 - Biblia Ilagho Jiboie Kwa Wandu Wose

¹⁰ Kwa kukaia namerie kughudumbuya ughu muzi ilagho jeghubonya kiwiwi, nichaghungira mikonunyi kwa mzuri wa Babuloni, nao uchaghukora na modo.’

JEREMIA 21:10 Referans Kwoze

JEREMIA 44:11

“Kwa huwo, Ini BWANA wa majeshi, Mlungu wa Israeli nichaghaluka na kum'bonya kiwiwi, na kuwitotesha wandu wa Juda putu.

AMOSI 9:4

Hata widwalo wunyika na kukaia kwa wamaiza wawo nichaduma wandu aho wiwibwaghe. Nia yapo ni kuwibwagha si kuwikira anduangi.”

JEREMIA 44:27

Olenyi naawuyamzighanira woruwu, si kwa kum'bonyera mecha ela kiwiwi; inyo mmbose wandu wa Juda mkaiagha isanga ja Misri mchabwaghwa wudenyi, na kwa njala hata mwasia putu.

EZEKIELI 15:7

Nichawizighana kiwiwi, na hata ngera wafufunuka wisehirie, ela sena modo ghuchawimeria, na inyo mchamanya kukaia ini ne BWANA ingelo nawizighana kiwiwi.

JEREMIA 52:13

Ukaikora Hekalu ya BWANA, na ngome ya mzuri, na nyumba rose ra Jerusalemu; orekorieghe kula nyumba erekoghe mbaa.

JEREMIA 39:8

Wababuloni wikaikora ngome ya mzuri, na nyumba ra wandu; wikaghuchikanya wurigha ghwa Jerusalemu.

JEREMIA 38:18

Ela kukalegha kukufunya kwa wabaa wa mzuri wa Babuloni, niko ughu muzi ghuchaangirwa mikonunyi kwa Wababuloni, nawo wichaghukora, na oho ndekuchaafufunuka wisekuwadie anduangi.”

JEREMIA 38:3

Kwa loli muzi ughu ghuchangirwa mikonunyi kwa majeshi gha mzuri wa Babuloni, nagho ghuchawadwa.”

JEREMIA 34:2

“BWANA, uo Mlungu wa Israeli ukanizera nighende kudedanya na Zedekia mzuri wa Juda nimzere, ‘Ola naawuyaghungira ughu muzi mkonunyi kwa mzuri wa Babuloni, nao uchaghukora.

2 MALAGHO GHA NGELO 36:19

Wikaikora Hekalu, na kughuchikanya wurigha ghwa Jerusalemu; wikakora ngome raro, na kunona vilambo vose va zoghori mbaa.

JEREMIA 38:23

Waka wose na wana wako wichafunywa na kughenjwa kwa Wababuloni, hata oho kumoni ndekuchaafufunuka kusewadilo, ela kuchawadwa ni mzuri wa Babuloni, na ughu muzi ghuchakorwa.”

ZABURI 34:16

BWANA wadawitangala wawiwi, na kuwibonya wisekumbuko ndoenyi.

WALAWI 26:17

Nichalwa nenyo, mpate kusimwa ni wamaiza wenyu; awo wizamilwagha ni inyo, wicham'bonyera nguma; nenyo mchakimbia, ngelo mndungi usewuemmbinga.

WALAWI 17:10

“Mndungi wa nyumba ya Israeli, angu mghenyi uko aghadi konyu, ukaja bagha iyo yose, ini BWANA nichazamilwa ni uo mundu, nani nichamuinja ufume kwa wandu wapo.

ZEKARIA 1:6

Nerewinekieghe weke ndeyo malaghiro ghapo na sharia rapo kwa chia ya wadumiki wapo walodi, wikalegha kuriwada; nani ngawikaba. Wikahea na kurumiria kukaia ini BWANA Uwadie-Ndighi-Rose nedewikaba kwa hachi.’”

JEREMIA 34:22

Olenyi nichawilaghira, nani nichawiwunja kwa ughu muzi wipate kulwa nagho, wighusime, na kughukora. Nichaibonya mizi ya Juda iwuye miduu isene wandu.”

JEREMIA 26:6

nichaibonya Hekalu ihi iwuye sa Shilo; na mbari rose ra ndoenyi wichatumia irina ja ughu muzi sa kilambo chiwadilo ni njowe.’”

JEREMIA 17:27

Ela mkalegha kunisikira na kuleghatala ituku japo ja Sabato, mkiduka misigo enyu na kungia nayo mbengenyi ra Jerusalemu ituku ja Sabato, niko nicharikora iro mbenge, na ugho modo ghuserimikagha ghuchanona ngome ra Jerusalemu.’”

JEREMIA 33:5

Wamu waro wichacha kulwa na Wababuloni nawo wichabwaghwa, na kurichura iro nyumba ra awo wandu nichaawibwagha kwa machu na kubia kwapo; kwa kukaia namerie kughughalukia na mbai ughu muzi kwa wundu ghwa wuwiwi ghwawo ghose.

JEREMIA 39:16

“Ghenda kumzere Ebedi-meleki Muethiopia huwu, ‘Ini BWANA wa majeshi, Mlungu wa Israeli naghamba nichakatisha malagho ghapo nereghighorieghe aighu ya ughu muzi; kwa kughubonya kiwiwi hata si kughubonyera nicha anduangi, nagho ghichakatia ituku ijo imbiri yako.

EZEKIELI 24:11

Nao kuiwikirie iyo nyungu modonyi iko nduu, ipate kuhia shuu, eri shaba yaro ihie itinike tini wuchafu ghusaghe, na ngama yaro iinjike.

AMOSI 2:5

Kwa huwo nichaduma modo aighu ya Juda, nagho ghuchakora ngome ra Jerusalemu.”

JEREMIA 38:17

Nao ngamzera Zedekia kukaia, BWANA, uo Mlungu wa majeshi, Mlungu wa Israeli waghamba huwu, “Kukakufunya kwa wabaa wa mzuri wa Babuloni, kuchakira irangi jako, na ughu muzi ndeguchaakorwa anduangi, na oho na nyumba yako mchakaia banana.