JEREMIA 20:5 - Biblia Ilagho Jiboie Kwa Wandu Wose

⁵ Aighu ya agho, nichaneka wamaiza wenyu mali rose ra ughu muzi: fwaida raro rose, zawadi rose winekelo, na mashamo ghose gha wazuri wa Juda wichaghiwada na kughidwa wunyika noko cha Babuloni.

JEREMIA 20:5 Referans Kwoze

EZEKIELI 22:25

Wabaa wa isanga jawo weeka sa shimba irurumagha ikirashua madiwo ghake; wabwaghie wandu na kuwusa mali na vilambo vawo va zoghori mbaa, na kusigha waka wifuilo ni womi wengi isangenyi jawo.

JEREMIA 15:13

Wuzuri ghwako ghwa mali na mashamo ghako nichaghineka ghidwalo wunyika duu, kwa wundu ghwa kaung'a rako richue isangenyi.

KILILO CHA JEREMIA 1:10

Wamaiza wawisokie mali rawo rose. Werewiwonieghe wikingia Hekalunyi cheni tiki, andu BWANA orewighirieghe wandu wa mbari zima wisengie.

JEREMIA 17:3

na mighondi mibaa iko isanga ja wurindi. Wuzuri ghwawo na mashamo ghawo ghose nichaghifunya ghidwalo wunyika, ikaie malipo gha kaung'a yawo wiibonyere isangenyi jawo jose.

2 MALAGHO GHA NGELO 36:10

Ghadi na ghadi ya mwaka, mzuri Nebukadnezari ukaduma wandu wikamreda Babuloni na vilambo va zoghori mbaa va Hekalu; Nebukadnezari ukam'bonya mruna Sedekia ukaie mzuri aighu ya Juda na Jerusalemu.

DANIELI 1:2

BWANA ukamngira Jehoiakimu mzuri wa Juda mikonunyi kwake chiaimweri na vilambo vimu va Hekalunyi. Ukavireda isanga ja Babuloni kwa nyumba ya mlungu ghwake, na vilambo va hekalunyi ukaviranganya na vilambo va mlungu ghwake.

KILILO CHA JEREMIA 4:12

Ndekuwadie mndungi angu m'bonyi nguma ungi wa masanga gha kighenyi, orerumirieghe wei oko ungi udimagha kuwadia mbenge ra Jerusalemu.

KILILO CHA JEREMIA 1:7

Wandu wa Jerusalemu wakumbuka kuboa kwa muzi ghwawo kwa kala ngelo wiko matirironyi. Ngelo werewadiloghe ni wamaiza, ndekorekoghe na mndungi owitesia. Wandu wiwisimie wikaseka kwa kughwa kwawo.

JEREMIA 39:8

Wababuloni wikaikora ngome ya mzuri, na nyumba ra wandu; wikaghuchikanya wurigha ghwa Jerusalemu.

JEREMIA 39:2

Ituku ja ikenda ja mori ghwa kana, mwaka ghwa ikumi na imweri ghwa kubonya nguma kwa Zedekia, wurigha ghwa muzi ghorechikanyiroghe.

JEREMIA 12:12

Watoteshi wacha aighu ya mighondi miduu yose kireti, kwa kukaia ini BWANA naredie wuda kutotesha kufuma kutua uku hata kutua uku kwa isanga; na mndungi ndewadie sere.

JEREMIA 4:20

Kunoneka kwaawuyanughana, isanga jose jawuya kitungasi; hema rapo raanonwa shwa wori, na pazia rapo wori.

JEREMIA 3:24

“Ela kufuma wanake ghodu, ughu wutasi ghwa milimu ghodifusha waya ghwanonie mali rose weke aba werepatireghe kwa wudumiki ghwawo, ng'ondi na ng'ombe rawo, na wana wawo wa womi na wa waka.

ISAYA 39:6

Ola matuku ghichacha na vilambo vose viko nyumbenyi kwako, na ivo verewikiloghe ni weke ndeyo hata ituku iji vichadukwa noko cha Babuloni, hata ndechichaasigharika kilambo chingi.

JEREMIA 32:24

“‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.

HOSEA 13:15

hata ngera Israeli wawoneka kukaia nicha aghadi ya waruna, ela nichawetesha mbeo ya mruke ghwa mashariki ifumagha cha kireti, nayo ichaomera ndoria rake ra machi na viriwa. Iyo mbeo ichakaba na kughusha stoo ra mali rake na ra vilambo vake va zoghori mbaa.