JEREMIA 20:12 - Biblia Ilagho Jiboie Kwa Wandu Wose

¹² Ee BWANA wa majeshi, oho kuwitimagha wahachi; oho kuwonagha ngolo na nia, kunineke kuwona kukilipa kisasi chako aighu yawo, angu nakusaghika kwako.

JEREMIA 20:12 Referans Kwoze

JEREMIA 11:20

Niko ngalomba, “Ee BWANA wa majeshi, kutanyagha kwa hachi oho kuritimagha ngolo na nia ra wandu, nakulomba kunineke kuwona kukilipa kisasi chako aighu yawo, kwa kukaia irangi japo najisaghika kwako.”

ZABURI 62:8

Rumirienyi Mlungu ngelo rose ee wandu, mumghorie wasi ghonyu ghwa ngolonyi; Mlungu nuo andu kodu kokimbiria.

ZABURI 54:7

Kwanikirie na wasi ghwapo ghose, nani ngawiwona wamaiza wapo wisimilo.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

ZABURI 59:10

Mlungu wapo kwa kunikunda na lukundo lukatie, uchanikiria; nao uchanibonya niwizighane wamaiza wapo wasimwa.

ZABURI 139:23

Kunizighane ee Mlungu kuimanye ngolo yapo! Kunitime kumanye maghesho ghapo.

ZABURI 7:9

Ee Mlungu wa hachi, kuzighanagha nia na ngolo ra wandu; meria kiwiwi cha wandu wizamie, na kuwimangisha wahachi.

JEREMIA 17:18

Watiriri wapo ndewifusho waya, kunilindie nisefusho waya. Kuwibonye wichulo ni kiture, ela ini niseobuo kindo chingi. Kuwiredie ituku ja wasi, kuwibonye winoneke mando awi.

ISAYA 37:14

Hata iji Mzuri Hezekia waiwada iyo barua kufuma kwa wadumiki wa mzuri wa Waashuru, ukaishoma. Niko Hezekia ukaghenda Hekalunyi kwa BWANA na kuiwika iyo barua imbiri ya BWANA;

ZABURI 17:3

Kukanitima ngolo yapo, na kunichea nakio, iji kwanitima, ndekuchaawona wuwiwi ghungi andenyi kwapo anduangi. Ini sidedagha kiwiwi chingi.

ZABURI 11:5

BWANA wadawitima wahachi na wawiwi, nao wadazamilwa ni wang'eti.

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 6:10

nawo wikakema kwa lwaka lubaa wikighamba, “Ee Bwana kuwadie nguma, mweli na mloli, ni lii kuchaatanya na kudiluya lugho bagha yedu kwa wandu wiko ndoenyi?”

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

1 PETRO 4:19

Kwa huwo, awo wandu witirirwagha kunughana na lukundo lwa Mlungu, ndewibonye nicha, na kuwika roho rawo mikonunyi kwake uo Muumbi mloli.

1 PETRO 2:23

Iji oredukaniroghe, nderetumbulieghe kwa kudukana; iji oretiriroghe, nderekumbieghe mndungi wowa; ela orekusaghikieghe kwa Mlungu uo utanyagha hachi.

JEREMIA 12:8

Wasaghulwa wapo wamerie kunighaluka, wikawuya sa shimba iko kilembenyi; Waawuyaniborosokia, kwa huwo na ini wanizamia.

ISAYA 38:14

Nakema karakara na mbeumbeu angu ichachula; nashononia karakara na mbughi. Meso ghapo ghasilwa kwa kuzighana nokoighu. Ee BWANA, nakorongeka, kaia mlindiri wapo.

ZABURI 86:4

Kunineke kuboilwa ini mdumiki wako, angu nalomba ngikuwika kwa wulindiri ghwako ee BWANA.

2 MALAGHO GHA NGELO 24:22

Mzuri Joashi ukalemwa ni kukumbuka wucha ubonyero ni Jehoiada ndee Zekaria, ukam'bwagha mwana wake. Hata iji Zekaria orekoghe ukifwa ukaghamba, “BWANA ndewone, ulipie kisasi!”

1 SAMUELI 1:15

Ela Hana ukatumbulia, “Ii hata bwana wapo, ini ne muka niko na wasi m'baa; sinyue divei hata chofi anduangi, ela nedeeka ngimneka BWANA wasi ghwa ngolo yapo.

ZABURI 58:10

Mhachi uchaboilwa kuwona kisasi chikilipwa, maghu ghake ghicharogha bagha ya wawiwi ukighenda.