JEREMIA 2:8 - Biblia Ilagho Jiboie Kwa Wandu Wose

⁸ Awo wakohani ndewicheekotia, ‘BWANA oko hao?’ Awo wandu weni wereiwadieghe Sharia walemelo ni kunimanya vilongozi vikanilegha; walodi wikaloda kwa chia ya Baali, wikanugha vilambo visewadie fwaida ingi.

JEREMIA 2:8 Referans Kwoze

HABAKUKI 2:18

Mlimu ghoko na fwaidaki? Ni kilambo chimu tu chibonyero ni mdamu chisedimagha kukughoria ilagho jingi ela tee nduu. Chabonyeragha fundi waro ilaghoki jiboie eri uchirumirie, mlungu ghusedimagha kudeda!

JEREMIA 10:21

Kwa kukaia walisha wasowa akili, hata ndewilombagha njama kwa BWANA; kwa huwo ndewiwonagha mecha, na mfugho rawo rose reesaghisika.

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

2 WAKORINTHO 4:2

Ela darilegha iro chia rivisikie ra waya, na kulegha kughenda na mikalo, hata ndedikunde kujighalusa ilagho ja Mlungu anduangi. Ela dadeda worinyi malagho gha loli, eri kula mundu udimanye seji diko imbiri ya Mlungu.

JOHANE 16:3

Nawo wicham'bonya huwo kwa kukaia ndewimwichi uja Aba, hata ini anduangi.

HOSEA 4:6

Wandu wapo waawuyatoteshwa kwa kulegha kunimanya. Inyo wakohani mwasowie kunimanya, na mafundisho ghapo wori mwaghileghie. Kwa huwo nichamlegha; na wana wenyu wori nichawilegha wisekaie wakohani wapo.

JOHANE 8:55

Inyo ndemumwichi, ela ini namwichi; nani ngaghamba simwichi, nichakaia mtee karakara na inyo; ela ini namwichi sena nadamsikira.

LUKA 11:52

“Ni bugha konyu inyo walimu wa Sharia, angu mwaghuinjire mfunguo ghwa kumanya, inyo mmbeni ndemorengirieghe, na awo werengiagha mkawighiria.”

MATHAYO 16:26

ela uo ujilaghashagha irangi jake kwa wundu ghwapo uchajipata sena. Ichamfwana mundu kii ukaghupata wurumwengu ghose na kujilaghasha irangi jake? Angu uchafunya kii kuindana na irangi jake?

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 12:10

Wabonyi nguma wengi wa kighenyi wamerie mbuwa yapo ya mizabibu, wikaiwadia na maghu ghawo, na kujibonya isanga japo jiboie jiwuye kireti kiduu.

JEREMIA 7:8

“Wonenyi seji mrumirie malagho gha tee ghisefwanagha.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 2:11

Mbari ingi jingi yaghalue milungu yaro, hata ngera si milungu ingi? Ela wandu wapo waindanishire wubaa ghawo kwa kilambo chisewirediagha fwaida ingi.

JEREMIA 2:6

Ndewicheeghora, ‘Uja BWANA udijosere kufuma isanga ja Misri lee oko hao, uo oredighenjereghe kireti isanga ja teri na makorongo; andenyi ya isanga jiomie ja kira kibaa, isanga jiseidwagha hata kukailwa ni mndungi?’

ISAYA 30:5

kula umu wa wandu wa Juda uchafushwa waya, kwa wundu ghwa wandu wisechaawitesia ilagho jingi, awo wisedimagha kuwiredia fwaida ingi hata wutesia ghungi, ela waya mduu.”

ISAYA 29:10

Kwa kukaia BWANA wamerie kudia aighu konyu roho ya dilo nyingi, nao wamerie kughitungurisha meso ghenyu inyo walodi msewone, na kufinikira vongo venyu inyo wawoni.

ISAYA 28:7

Mkohani na mlodi nawo wori wakaia wawongeri wetatarika kwa divei na chofi ibirie, walaghashwa ni ugho wuwongeri ghwa divei na kutatarishwa ni chofi ibirie, na kusowa mafunuo, nawo walaghalwa ni kutanya hachi.

1 WAZURI 18:40

Elija ukawizera, “Wadenyi awo walodi wa Baali; msemfufunushe ungi.” Wandu wikawiwada. Elija ukawighenja hata kamoda ka Kishoni, ukawibwagha.

1 WAZURI 18:29

Wikakema na kudeda hata ngelo efunya kizongona cha nakenyi, ela ndekorekoghe na lwaka hata mndungi nderetumbulieghe anduangi.

1 WAZURI 18:22

Niko Elija ukawizera wandu, “Ni ini moni niekeri nasigharika mlodi wa BWANA, ela walodi wa Baali weko maghana ana na mirongo misanu.

1 SAMUELI 12:21

Mseghaluke mkinugha vilambo va duu visemnekagha fwaida ingi, hata visedimagha kumkira, kwa kukaia vilambo ivo vose ni wuduu.

1 SAMUELI 2:12

Wana wa Eli werekoghe wandu wisefwane, kwa kukaia ndeweremtalieghe BWANA,

WUKUMBUSO 33:10

Wichawifundisha wandu wako kuisikiria Sharia yako; wichafunya vizongona aighu ya madhabahu yako.

JEREMIA 9:14

ela weenugha nia ra ngolo rawo rikurie, wikanugha Baali sa iji koni weke ndee werewifundishireghe.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

EZEKIELI 22:26

Wakohani wawo wainona sharia yapo, na kuvilusha vilambo vapo va wueli; walemelo ni kusawua vilambo va wueli, na vilambo vizima, hata ndewifundishire wandu kusasawua iro maza rizamie na iro rielie; ndewiritalie Sabato rapo, na aho ngalushwa aghadi kwawo.

EZEKIELI 34:2

“Mwana wa mdamu, funya wulodi aighu ya walisha wa Israeli kuwizere kukaia ini Bwana MLUNGU naghamba huwu: Ni bugha kwa walisha wa Israeli wikulishagha weni! Welee, ndeiwifwane walisha kulisha ng'ondi?

AYUBU 35:10

Ela mndungi ndemlolagha Mlungu Muumbi wake, uo unekagha wandu isuwirio ngelo wakambwa ni chongo.