JEREMIA 2:35 - Biblia Ilagho Jiboie Kwa Wandu Wose

³⁵ kwadaghamba, ‘Ini siwadie ikosa, na kwa loli BWANA walekie kunibonyera machu.’ Ola nichakutanya kwa wundu ghwa oho kughamba wei ndekubonyere kaung'a ingi.

JEREMIA 2:35 Referans Kwoze

MAKATANISHO 28:13

U mundu uvisagha makosa ghake ndepatagha mecha, ela uhu ughirumiriagha na kughisigha uchafuilwa wughoma ni Mlungu.

WAROMA 7:9

Ini moni nerekoghe moyo iji Sharia iserekoghe; ela ghuja momu ghuendacha, kaung'a eeruka, nani moni ngaafwa.

JEREMIA 25:31

Mrurumo ghwake ghuchafunya lwaka hata kutua kwa ndoenyi, kwa kukaia BWANA oko na mwandu aighu ya iro mbari ra wandu, uchawitanya wandu wose, na kuwibwagha wawiwi kwa lufu.’”

JEREMIA 2:29

Kwaki munishitakiagha na hoku mmbose moonilegha?

JEREMIA 2:23

Kwadima wada kughamba, ‘Ini silushiro, ini sinughie weke Baali?’ Zighana chia rako aja vololonyi, kuwone seji kubonyere. Kooka sa ngamila ya waka, ikimbiagha ii chia na ii chia.

JEREMIA 2:9

“Kwa huwo nichareda mashitakio ghapo aighu ya wandu wapo; nichareda mashitakio ghapo hata aighu ya weke wawa wawo.

ISAYA 58:3

Wandu wakotia BWANA, “Kwaki difungie tumu sena kusewonagha? Kwaki dakusera na ndighi huwu, na oho ndekutalie ilagho ijo?” Na BWANA wawitumbulia huwu, “Olenyi mwadakuboia mmbeni ngelo yenyu efunga tumu, na kuwikoronga wabonyi kazi wenyu.

AYUBU 33:9

‘Naelie, sina ikosa jingi; neko nicha, siwadie wuwiwi ghungi.

EZEKIELI 17:20

Nichamdeghia nyavu, nao uchawadwa ni mdegho ghwapo; nani nichamreda kutanyonyi Babuloni kwa wundu ghwa ikosa jake unikosere.

JEREMIA 16:10

“Ngelo kuchaawighoria malagho agha ghose, wichakotia, ‘Kwaki BWANA waghora malagho mabaa ghing'ane huwu aighu yedu? Wuwiwi ghodu niki? Ni kaung'aki dam'bonyera BWANA Mlungu odu?’