JEREMIA 2:3 - Biblia Ilagho Jiboie Kwa Wandu Wose

³ Israeli orekoghe wapo, mavalo gha imbiri gha makuwido ghapo; Wose werekukorongieghe nerewitalieghe kukaia wakosi, mawiwi ghikawichea.”

JEREMIA 2:3 Referans Kwoze

WUFUNUO 14:4

awa niwo wiserekulushireghe weni kwa waka, ni wandu wielie. Awa niwo wimnughagha uo Mwana wa Ng'ondi andu kose ughendagha, nawo wamerie kukombolwa kufuma kwa wadamu, wikaie mavalo gha imbiri kwa Mlungu na kwa Mwana wa Ng'ondi;

JAKOBO 1:18

Kwa kukunda kwake moni, oredivaeghe kwa ilagho ja loli, dipate kukaia mavalo gha imbiri gha maumbo ghake.

ISAYA 41:11

“Ola awa wikubonyeragha machu, wichafushwa waya; awo wifungagha ndighi kulwa na oho, wichawuya si kilambo chingi, nawo wichatota.

WAROMA 11:16

Ikakaia idonge ja mufu ghwa mkate jifunyiro kizongona sa mavalo gha imbiri jaelie, huwo koni mufu ghose ghooela; na ikakaia kirimba cha mudi chaelie, mbashu wori raelie.

ZEKARIA 2:8

Kwa kukaia BWANA Uwadie-Ndighi-Rose waghamba huwu aighu ya awo werewusagha vilambo venyu kukaia, uo umuadadagha inyo, uaadada mundu wa iriso japo.

JEREMIA 50:7

Awo wose werewiwonieghe werewibwaghieghe; na wamaiza wawo wikaghamba, ‘Isi ndediwadie ikosa, ela awo niwo wibonyere kaung'a kwa BWANA, na aho niko andu kwawo kokaia kwa loli, uo BWANA, uko isuwirio ja weke ndee.’

1 PETRO 2:9

Ela inyo moko kivalwa chisaghulo, wukohani ghwa kiwuzuri, mbari ielie, wandu wa Mlungu tiki, msaghulo mpate kueresha malagho gha kazi ra Mlungu ra mashiniko; uo oremmbangieghe kufuma kirenyi, mpate kungia andenyi ya mwengere ghwake ghwa mashiniko.

WAEFESO 1:4

Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

JEREMIA 12:14

BWANA waghora huwu aighu ya wambao Israeli wose wawiwi, awo wiwadie ifwa ja isanga orejinekieghe wandu wake Israeli jiwuye ifwa jawo: “Ola nichawifunya isangenyi kwawo, na kumvuvua Juda ufume aghadi kwawo.

WUKUMBUSO 14:2

Inyo mo wandu wa BWANA Mlungu onyu; wamsaghue aghadi ya wandu wose wa ndoenyi, mkaie wandu wake moni.

WUKUMBUSO 7:6

Angu inyo mo wandu msaghulo ni BWANA Mlungu onyu kufuma aghadi ya wandu wose wa ndoenyi; mkaie wake moni; nenyo mo wasaghulwa wa BWANA Mlungu onyu.

MITALO 18:12

Mavuda ghose ghiboie kuchumba, divei yose na viro viboie kuchumba, nagho ni mavalo gha imbiri gha wandu wa Israeli wimnekagha BWANA nigho namneka inyo.

WAROMA 16:5

Mujiroghuo wori ijo ikanisa jiko nyumbenyi kwawo. Mroghuonyi mkundwa wapo Epaineto, uo orekoghe wa imbiri kumghalukia Kristo isanga ja Asia.

ZEKARIA 1:15

nani neko na machu mabaa nandighi aighu ya mbari ra wandu wawuyakaia kima kwa sere; kwa kukaia ingelo neremaziriagha machu ghapo kwa wundu ghwa wandu wapo, awo wedechuria kuwikoronga.

JOELI 1:3

Jighorienyi wana wenyu, na wana wenyu wiwighorie wana, na wana wawo wichighorie kivalwa chichagha.

JEREMIA 30:16

Kwa huwo awo wimmilie wichamilwa, na wamaiza awo wose wichadwalwa wunyika awo wimkorongagha wichakorongwa, na awo wimmbingagha wichawingwa.

ISAYA 47:6

Wandu wapo werenivavirieghe ngolo, ngawilusha wandu wa ifwa japo; ngawingira mikonunyi kwako, na oho ndekorewifuyeghe wughoma hata kutini; kukawingira waghosi ghongolo ilemere nandighi.

WUKUMBUSO 26:19

Ucham'bonya wabaa kuchumba mbari ingi ya wandu uwiumbie, nenyu mchajikasa na kujibonyera ishima irina jake. Mchakaia wandu wake moni, sa iji koni orelaghirieghe.”

KUFUMA 23:16

“Iji kwakuwida viro va mavalo ghako gha imbiri, kubonye Ndima ya Makuwido. Mori ghotumbanya viro kutua kwa mwaka, kubonye Ndima ya Viwanda; iji kwakuwida matunda gha zabibu, na matunda mazima.

KUFUMA 22:29

“Kusakemuka kureda mafunyo gha makuwido ghako agheni mecha gha imbiri iji ghakaia tayari. Mchanineka wavalwa wenyu wa imbiri wa womi.

AMOSI 6:1

Ni bugha konyu inyo mkaiagha kwa raha Sioni na kwa inyo mmbonagha kukaia moko nicha Samaria; inyo wandu wabaa wa iyo mbari mbaa ya Israeli wesuwirilwa ni wandu wa Israeli.

JEREMIA 2:4

Sikirenyi ilagho ja BWANA inyo kivalwa cha Jakobo, inyo nyumba rose ra wandu wa Israeli.

HABAKUKI 1:11

Nawo wadaida sa mbeo, na kughenda chia rawo; wandu awa ni wawiwi, na wudimi ghwawo ni mlungu wawo.”