JEREMIA 2:21 - Biblia Ilagho Jiboie Kwa Wandu Wose

²¹ Ela sena nerekuwaeghe karakara na mzabibu ghusaghulo, ghufumie kwa mbeu ndicha. Kwaghalukie-ghalukie wada, kukawuya mzabibu ghwa isakenyi?

JEREMIA 2:21 Referans Kwoze

ISAYA 5:4

Welee, niki chisigharikie niserechibonyereghe kwa mbuwa yapo ya mizabibu? Iji neresuwirieghe ive zabibu, yakaia wada ikava zabibu ra isakenyi?

KUFUMA 15:17

Oho kuchawireda na kuwiwika aighu ya mghondi ghwako ghoni andu korekuboisireghe kukaie wulalo ghwako ghokaia ee BWANA, andu kwa wueli korekumangishireghe kwa mikonu yako ee BWANA.

JOHANE 15:1

“Ini ne mzabibu ghwa loli, na Aba nuo mlimi waro.

ZABURI 44:2

Korewingieghe mbari ra wandu kumoni, kukawiwika weke aba aho; korewitiririeghe awo wandu, kukawibonya weke aba wiwone mecha.

ZABURI 80:8

Korediredieghe sa mzabibu kufuma Misri, kukariwinga mbari zima na kughuwa isangenyi kwawo.

WUKUMBUSO 4:37

Na angu orewikundeghe weke ndeyo, oresaghueghe kivalwa chawo; ukakufunya Misri moni kwa ndighi rake mbaa.

LUKA 20:9

Niko Jesu ukawighoria wandu mfwano ughu: “Korekoghe na mundu umu orewaeghe mbuwa ya mizabibu, ukaipangisha walimi, ukadamba noko cha isanga ja kula kwa ngelo ndacha.

MARKO 12:1

Jesu ukazoya kughora nawo kwa mifwano. “Mundu umu orelimieghe mbuwa ya mizabibu, ukairighia masanju, ukakota kina chekamia zabibu, ukaagha mnara. Ukaipangisha mbuwa iyo kwa walimi, nao moni ukadamba cha isanga izima.

WUKUMBUSO 32:32

Wamaiza wawo, winonekie sa Sodoma na Gomora, weeka sa mzabibu ghuvagha zabibu ra sumu riwawie,

MATHAYO 21:33

Nao Jesu ukawizera, “Sikirenyi mfwano ghumu. Mundu wa nyumba umu orelimieghe mbuwa ya mizabibu, ukaibonyera wurigha, ukakota kina chekamia zabibu, ukaagha mnara na kuipangisha walimi; nao ukadamba cha isanga izima.

ISAYA 61:3

kuwineka awo wiko na wasi Sioni, kiremba cha maua gha kuboilwa wulalo ghwa maivu gha wasi; na mavuda gha kuboilwa wulalo ghwa wasi, na lumbo lokasa wulalo ghwa roho ya wasi; eri wiwango mialoni ya hachi iwalo ni BWANA, nao upate kunekwa wubaa.

ISAYA 60:21

Wandu wako wose wichakaia webonya hachi, nawo wichajiwusa ijo isanga kwa kala na kala. Awo ni mavalo ghapo na kazi ya mikonu yapo, eri nipate kunekwa wubaa.

ISAYA 41:8

“Ela inyo wandu wa Israeli mo wadumiki wapo kivalwa cha Jakobo neremsaghueghe, kivalwa cha Abrahamu mghenyi wapo.

ISAYA 1:21

Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.

ZABURI 105:6

ee kivalwa cha Abrahamu mdumiki wake, na Jakobo msaghulwa wake.

JOSHUA 24:31

Waisraeli wikamdumikia BWANA matuku ghose gha Joshua, na gha waghosi awo werekwanyeghe na Joshua, awo wose wererimanyireghe iro kazi BWANA orebonyereghe kwa Waisraeli.

KILILO CHA JEREMIA 4:1

Dhahabu yedu ing'alaa-ng'ala eefuwia; magho gha zoghori mbaa gha Hekalu gheesasarika achienyi.

KUZOYA 32:28

Uja mundu ukamzera, “Ndekuchaawangwa Jakobo sena, ela kuchawangwa Israeli, angu kwasimana na Mlungu na wandu kukasima.”

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

ISAYA 27:2

Ngelo iyo, BWANA uchaghora aighu ya mzabibu ghwake:

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

ZABURI 80:9

Koreghuboisireghe ndoe; ghukadunga miri ndenyi, na kuera isangenyi.

JEREMIA 5:10

Jokenyi muitoteshe mizabibu yawo, ela mseitoteshe putu; injenyi mbashu raro, kwa kukaia si ra BWANA kungi.

JEREMIA 11:16

Ngelo imu ini BWANA nerekuwangieghe irina ja ‘Mzeituni ghuko na malemba mawishi, na matunda ghiboie;’ ela nichaghuomera kwa kiremba kibaa sa modo, na mbashu rake richachika.

EZEKIELI 15:2

“Mwana wa mdamu, mudi ghwa mzabibu ghwachumbie mudi mzima ghwa isakenyi naki?