Biblia Todo Logo
Bib sou entènèt

- Piblisite -




JEREMIA 2:20 - Biblia Ilagho Jiboie Kwa Wandu Wose

20 Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

Gade chapit la Kopi




JEREMIA 2:20
50 Referans Kwoze  

Mnone andu kose kotasira milungu kwa awo wandu mchaawisoka isanga; aighu ya mighondi iko ighu, na mighondi mitini, na aisi ya kula mudi ghuko na malemba mawishi.


Ini ne BWANA Mlungu onyu, uo oremfunyireghe kufuma isanga ja Misri, eri msekaie wazumba wawo. Namerie kudumbua vifungo va ghongolo renyu, na kum'bonya mghende mghorokie.


ingelo wana wawo wikumbukagha madhabahu ghawo na Ashera mlungu ghwawo ghwa waka, mbai na mbai ya kula mudi ghuko na malemba mawishi na aighu ya mighondi mitini,


Ngamzera, “Suti kukaie mkwapo wa matuku mengi; ndekuwuyaalaka sena, hata kuwuyakaia na mundu mzima; ini nichakaia wokoni mloli kwako.”


BWANA wa majeshi waghamba, “Ituku ijo nicharichikanya ghongolo rifume singonyi kwawo, na vilingo wifungilo navo; waghenyi ndewichaawibonya wikaie wadumiki wawo sena anduangi.


Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.


Nichawimeria Wasiria, na kuiinja minyororo erekufungieghe.”


Angu mae wabonyere wumalaya uo muka orewidukieghe kifunyi wabonyere malagho gha waya. Angu oreghambieghe, ‘Nichanughana na wakundwa wapo, awo wichaanineka mkate na machi, nguwo rapo ra sufu na ra kitani, mavuda na chofi.’


“Ohola ukazoya kubonya wumalaya dikwanye; ukachulwa ni bea nyingi na wakundwa wake Waashuru;


Angu iji nerewiredieghe isanga nerewilaghirieghe kuwineka, werezoeghe kufunya vizongona vawo aighu ya kula mghondi wereghuwonieghe, na aisi ya kula mudi m'baa ghukambie, wikawusira machu ghapo wikifukira marumba aho, na kufunya vizongona venywa.


Wichakora nyumba rako na kukutanya imbiri ya waka wengi; nani nichakusighisha ugho wumalaya ghwako, hata ndekuchaafunya malipo ghangi kwa wakundwa wako sena.


Kwaaghie nyumba rako retasira kutuonyi kwa kula chia, na kubonya wumalaya kwa kula chia mbaa; sena ndekorekoghe sa ilaya, kwa kukaia ndekorelombieghe malipo.


Na wokoni kwabonyere wumalaya na Waashuru, angu kusekatwagha; kwabonyere wumalaya nawo sena kukakaia kusekato.


Nichawitotesha Waashuru andenyi ya isanga japo ja Israeli, na kuwiwadia-wadia aighu ya mighondi yapo; na ghongolo yawo ichafuma kwa wandu wapo, na msigo ghwawo ghuchainjika maweghenyi kwawo.


Ngelo iyo nichaghuinja msigo ghwa makorongo ghawo ghuinjike maweghenyi konyu, na ghongolo yawo nichaichikanya ifume singonyi konyu.”


Kwa kukaia kwaichikanyire ghongolo erewilemerieghe, na ghuja mzata ghorewikabagha maongenyi; ugho mzata ghwa mkorongi, kwaghuchikanyire seji koresimieghe majeshi gha Midiani.


Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.


Jeroboamu ukawika ndima ya kidini, ituku ja ikumi na isanu ja mori ghwa wunyanya, kara kara na iyo iwikwagha isanga ja Juda. Ukafunya vizongona madhabahunyi kwa iro ngache oreribonyereghe aho Betheli. Ukawika wakohani Betheli kwa wundu ghwa iro nyumba retasira oreriaghieghe mighondinyi.


Wikamkemia BWANA wikighamba, ‘Dabonyere kaung'a angu dikusighie oho BWANA na kutasa milimu Baali na Ashtorethi, ela kudikire idana disekabo ni wamaiza wedu, nesi dichakutasa.’


Joshua ukaandika agho malagho andenyi ya chuo cha Sharia ya Mlungu, ukashoa igho ibaa, ukajidunga kimusi aisi ya mualoni ghuko andu kwa wueli kwa BWANA.


Awo wandu wikamzera Joshua, “Dichamdumikia BWANA Mlungu odu, na kumsikira.”


Nao wikamtumbulia Joshua, “Agho ghose kwadilaghira dichaghibonya na andu uko kose kuchaadiduma dichaghenda.


Idime mwameria kughora kukaia BWANA ni Mlungu onyu, na kukaia inyo mchabonya seji ukunde, na kuwadia sharia rake na memu yake, na malaghiro ghake, na kusikira seji ughoragha.


Kumbukenyi angu nenyo wori morekoghe wazumba isanga ja Misri, na BWANA Mlungu onyu ukamkombua; niko nawuyakulaghira huwo idime.


Oho Musa, ghenda kaavui kusikire malagho ghose BWANA Mlungu odu uchaaghighora, ima kuchedighoria agho malagho ghose BWANA Mlungu odu waghora; nesi dichasikira na kughibonya.’


Angu ghoko mlungu ghungi jingi ghutimie kughenda na kuwusa wandu kufuma kwa mbari imu wikaie kwa chia ya matimo, na weke mwakilimbiti, na mashiniko, na kwa wuda, na kwa mkonu ghwa wusimi ghuwadie ndighi, na maza reobosha karakara na seji BWANA Mlungu onyu orebonyereghe Misri kwa wundu ghonyu mkiwona?


Ela BWANA wammbwadie inyo, ukamfunya Misri modonyi ghwa iwiwi ja chuma; ukamfunya mpate kukaia wandu wake moni seji iko idime.


Musa ukacha na kuwighoria wandu memu na Sharia rose ra BWANA; na wandu wose kwa wumweri wikatumbulia, “Dichabonya maza rose sa iji BWANA waghora.”


Wandu wose wikamtumbulia wikighamba, “Dichabonya malagho agho ghose BWANA ughorie.” Musa ukamghoria BWANA seji wandu weretumbulieghe.


niko nasea nipate kuwikira kufuma mikonunyi kwa Wamisri; niwifunye na kuwireda isanga jiboie, ibaa, isanga jinorie nandighi; isanga ja Mkanaani, Mhiti, Muamori, Mperizi, Mhivi, na Mjebusi.


Nao umu wa waja weke malaika werekoghe na bakuli mfungade ukanichea na kunizera, “Choo nikuwonyere seji jija ilaya ibaa jitanywagha, ijo jiseagha kidombo aighu ya machi mengi;


Kwa kukaia nawo weni werekuaghieghe andu kotasira milimu; wikadunga nguro ra magho retasa, na kuwika fwana ra Ashera aighu ya kula mghondi na aisi ya midi ikambie.


Ukawifunya wasinyi andenyi ya kira kibaa, na kudumbua minyororo yawo vipande vipande.


Na inyo ee mbari ya Israeli, nisikirenyi ini BWANA. Huwo neewuya kireti angu kira chikambie kwa Israeli? Kwaki sena wandu wapo wighambagha, ‘Isi deko huru, ndedichawuya kwako sena?’


Rumiria ikosa jako tu, kukaia, korenileghieghe ini BWANA Mlungu wako, kukakufunya kutasa milungu ya kighenyi, aisi ya kula mudi m'baa ghupambie, hata ndekorelusikireghe lwaka lwapo anduangi.


Nichawighendia vilongozi, nani nichaghora nawo; kwa kukaia awo waiichi chia ya BWANA, iyo sharia ya Mlungu wawo.” Ela wose kwa nia imweri waleghie kubonyerwa nguma ni BWANA, na kulegha kumsikira.


Namerie kughuwona wuchafu ghwako; kulaka kwako, na bea rizamie, na wumalaya ghuchumbie, aighu mighondinyi na mbuwenyi. Ni bugha kwako ee Jerusalemu! Kudua mchafu kuseoghoshero hata lii?”


Waawuyafunya vizongona vawo aighu mighondinyi, na kufukira marumba ghawo aighu ya mighondi mitini, na aisi ya midi ikambie angu iko na viju viboie. “Kwa huwo wai wenyu waawuyalaka sa waka wa wana wenyu.


Niko wandu wa Israeli wikam'bonyera BWANA kaung'a, wikawoka kudumikia weke Baali.


Wikasigha kumtasa BWANA, na kuidumikia milungu mizima, weke Baali na Maashtorethi.


Wandu wa Israeli wikam'bonyera BWANA kaung'a sena; wikawidumikia weke Baali na Ashtarothi, chiaimweri na milungu ya Siria, na Sidoni, ya Moabu na ya Waamoni, na milungu ya Wafilisti, wikamsigha BWANA hata ndeweremdumikieghe anduangi.


Nawo waghamba, “Ndedileghe wisedibonyere nguma, hata kufungwa ni sharia rawo.”


Iji BWANA orezoyagha kudedanya na Hosea oremzerieghe, “Ghenda kulowuo muka mlaki; kupate wana wichaafwanana nao, kwa kukaia iji isanga jeechulwa ni wulaki kwa wundu ghwa kunisigha.”


Wandu wa Israeli, msebonye ndima mkiboilwa sa wandu wa iro mbari. Inyo mwaghalukie mkamsigha Mlungu onyu, hata ndemkaie waloli kwake anduangi. Mwakuuzire isangenyi kose mkawuya malaya kwa mlimu Baali, mkaboilwa ni viro moregheshereghe ni malipo ghenyu.


Swiv nou:

Piblisite


Piblisite