JEREMIA 2:13 - Biblia Ilagho Jiboie Kwa Wandu Wose

¹³ kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 2:13 Referans Kwoze

JOHANE 4:14

ela uo uchaanywa machi nichaamneka ini, ndechaaoma jingi; angu machi agho nichaamneka, ghichawuya andenyi kwake ndoria ya machi ghivumbulukagha irangi ja kala na kala.”

JOHANE 7:37

Nao ituku ja kutua mbai, ituku ibaa ja Ndima, Jesu ukakaia kimusi na kughora kwa lwaka lubaa, “Ngera mndungi waoma, ndeche kwapo unyo.

JEREMIA 17:13

Ee BWANA oho kuko isuwirio ja Israeli, wose wikusighagha wichafushwa waya, na awo wikughalukiagha nambai, wichalaghaya sa marina ghiandikilo andonyi kwa kukaia wamsighie BWANA, uo ndoria ya machi ghiko moyo.

WUFUNUO 21:6

Nao ukanizera, “Ghabonyeka! Ini ne Alfa na Omega, uko kuzoya na uko kutua. U mundu uomagha, nichamneka machi gha ndoria ya machi gha irangi duu.

ZABURI 36:9

Oho koko ndoria ya irangi; kwa mwengere ghwako, dadawona mwengere.

WUFUNUO 22:1

Niko uja malaika ukaniwonyera moda ghwa machi gha irangi, ghuko sa igho jing'alaa-ng'ala ghufumagha kwa icho kifumbi cha nguma cha Mlungu, na cha uo Mwana wa Ng'ondi na kuidia

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

WUFUNUO 22:17

Uo Roho, na uo mwai ulowolwagha waghamba, “Choo.” Na uo mundu usikiragha ndeghambe, “Choo.” U mundu uomagha ndeche; uo ukundagha, ndeghiwuse machi gha irangi duu.

JEREMIA 4:22

BWANA waghamba, “Ni kwa kukaia wandu wapo wakaia wakelu ndewiniichi, nawo wakaia wana wiko wakelu, wisewadie kumanya kungi anduangi. Akili rawo rose ni aighu ya kubonya wuwiwi, ela kumanya kubonya ijo jiko jiboie ndewiichi.”

JEREMIA 2:11

Mbari ingi jingi yaghalue milungu yaro, hata ngera si milungu ingi? Ela wandu wapo waindanishire wubaa ghawo kwa kilambo chisewirediagha fwaida ingi.

2 PETRO 2:17

Awa wandu weeka sa ndoria ra machi riomie, na sa makungughu ghidukwagha ni mbeo. Wamerie kuwikilwa kira kibaa.

JEREMIA 2:17

Agha malagho ndekookuredia kumoni ee Israeli, kwa wundu ghwa kunisigha ini BWANA Mlungu wako, ingelo nerekoghe ngikughenja chienyi?

JEREMIA 1:16

Nani nichareda kutanya kwapo aighu ya wandu wapo, kwa wundu ghwa ugho wawiwi ghwawo ghose ghonilegha ini, na kufukiria milungu mizima marumba na kwa wundu ghwa kutasa kazi ra mikonu yawo cheni.

MCHILI 2:26

Mundu ukam'boia Mlungu, uchamneka hikima na kumanya, na kuboilwa. Ela Mlungu wadamneka mkaung'a kazi ekwanya na kutumbanya, upate kumneka uo mundu um'boiagha. Iro naro ni maza ra duu, ni sa kulwa na mbeo.

JEREMIA 15:6

Oho kwanileghie, na oho kwachurie kuwuya nyuma; niko ngaghughorua mkonu ghwapo kukukaba na kukutotesha; nasilwa ni ndighi rekurumaghia.

ISAYA 63:8

Mlungu oreghambieghe, “Kwa loli awa ni wandu wapo, wana wisedimagha kughora tee;” nao ukawuya Mkiri wawo.

ISAYA 5:13

Kwa wundu ugho, wandu wapo wichabarishwa kwa kusowa kumanya kwawo; wandu wawo wa ishima wiafwa kwa njala na wengi wawo wiafwa kwa kau.

ISAYA 1:3

Ng'ombe yamuichi ndee wake, na punda waichi kiwanda cha bwana wake, ela Israeli ndeichi, wandu wapo ndewiwuetambukilwa.”

MCHILI 2:11

Ngawoka kughipima agho ghose nighibonyere, na seji nerefungieghe ndighi kughibonya; ngawona ni kazi ya duu; ni sa kulwa na mbeo. Nderina fwaida ingi putu.

MCHILI 1:2

Mchili waghamba, Ni duu! Ni duu! Maza rose ni duu.

1 SAMUELI 12:10

Wikamkemia BWANA wikighamba, ‘Dabonyere kaung'a angu dikusighie oho BWANA na kutasa milimu Baali na Ashtorethi, ela kudikire idana disekabo ni wamaiza wedu, nesi dichakutasa.’

JEREMIA 5:31

Walodi wawuyaloda tee, na wakohani waawuyabonya nguma kwa wulongozi ghwa awo walodi; wandu wapo nawo weekunda maza rikaie woruwo, ela, mchabonya wada ngelo ra kutua?”

MCHILI 4:4

Wokoni nawonie kukaia kufunga ndighi kose, na wuya ghose ghwa kazi, ghwadashekerelwa ni mundu kukaia na iriso na mmbao. Iri naro ni maza ra duu; ni sa kulwa na mbeo.

JEREMIA 2:26

BWANA waghamba, “Seji kitoi chifwagha waya ingelo chawadwa, ni huwo koni Israeli uchaafwa waya, awo weni, na wazuri wawo, na wabaa wawo wa wandu, na wakohani wawo, na walodi wawo

MCHILI 2:21

Ngelo rimu mundu ubonyere kazi kwa hikima na kumanya na wuya, suti urisighie mndumu useribonyere ucheboilwanya naro. Agho nagho ni malagho gha duu na wuwiwi m'baa.

MCHILI 1:14

Nawonie maza rose rawuyabonywa wurumwengunyi; ela rose ni duu; ni sa kulwa na mbeo.

WATANYI 10:13

Chiaimweri na agho, morenisighieghe ini, mkadumikia milungu mizima; kwa huwo sichaamkira sena.

MIKA 6:3

BWANA waghamba, “Ee wandu wapo nam'bonyere wada? Namsirishe ndighi naki? Nitumbulienyi!

MIKA 2:8

BWANA watumbulia, “Inyo mwadawikaba wandu wapo seji ni wamaiza. Wandu wawuya kufuma wudenyi wikighesha wichakaia na sere mzinyi, ela wichasoka wandu makoti ghawo.

JEREMIA 18:14

Welee, theluji yalekagha kudika kufuma koighu ighonyi ja mghondi ghwa Lebanoni?

JEREMIA 5:26

“Wandu wawiwi wawoneka aghadi ya wandu wapo, wadalaliria karakara na wadeghi wideghagha na kulaliria wikiwesera. Wadadegha mdegho na kuwada wandu.

MCHILI 12:8

Ni maza ra duu, waghamba Mchili; maza rose ni duu.

JOHANE 4:10

Jesu ukamtumbulia, “Na ngera kodemanya inosi ja Mlungu, na nani uhu ukuzeragha, ‘Nineke machi ninyo,’ kumangu kwamlomba uo ukakuneka machi ghiko moyo.”

JOHANE 4:11

Muka ukamzera, “Bwana, oho ndekuwadie kindo chedaya machi, na kisima cheko ndenyi, kwaghipatira hao agho machi ghiko moyo?

WUKUMBUSO 31:16

Niko BWANA ukamzera Musa, “Ola oho kwalighisa kufwa, na awa wandu wichasigha kukaia waloli kwapo kwa kuitasa milungu ya kighenyi ya ijo isanga andu wighendagha kukaia, nawo wichanisigha na kujinona ilaghano japo nerejibonyereghe nawo.

ISAYA 12:3

Mchadaya machi visimenyi va kukia kwa kuboilwa.

JEREMIA 14:3

Wandu wa ishima wiaduma wadumiki wawo kulola machi, wivika kisimenyi wikaasowa machi, wikaawuya na mitungi miduu. Wafwa ngolo na kukambwa ni chongo, nawo wawadia idumbu kwa wasi.

JEREMIA 19:4

Kwa kukaia wandu wanisighie, na kukunona andu aha kwa kuifukiria milungu mizima marumba, iyo wiseiichi, hata weke ndee, hata wazuri wa Juda wiseiichi; na andu aha wakunonie kwa kudia bagha ra wandu wisewadie ikosa jingi,

EZEKIELI 47:1

Uja mundu ukanidwa na kuniwunja mnyangonyi ghwa Hekalu, ngawona machi ghikisea nandonyi ya kizingiti cha Hekalu, na kughenda cha mashariki andu Hekalu ilangayagha. Machi agho gherekoghe ghikisea kufuma chia ya kusinyi ya Hekalu na kuidiria chia ya kusinyi ya madhabahu.

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

2 WAZURI 22:17

Angu wanisighie, na kufukiria milungu mizima marumba, eri winibonye nikaie na machu kwa wundu ghwa iro kazi ra mikonu yawo. Kwa wundu ugho nichakaia na machu ghibirie aighu ya Jerusalemu, hata ndeghichaahoa.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

EZEKIELI 14:5

nipate kurighalua ngolo ra wandu wa Israeli cha kwapo, awo wilaghashiro na kufuma kwapo kwa wundu ghwa iyo milimu yawo.