JEREMIA 19:15 - Biblia Ilagho Jiboie Kwa Wandu Wose

¹⁵ “BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”

JEREMIA 19:15 Referans Kwoze

JEREMIA 7:26

ela ndewerenisikireghe hata kunideghia kudu; wikachuria kughilika, na kubonya mawiwi kuchumba weke ndee.

JEREMIA 17:23

Elaima sena ndeweresikireghe, hata kudegha madu ghawo kwapo, ela wikaghilisha singo, eri wisechesikira na kuwada mafundisho.

NEHEMIA 9:29

Korewiwonyereghe wisikire mafundisho ghako, ela wikalegha kuwadia Sharia rako kwa lung'eto, hata ngera kuja kuisikira Sharia yako ni irangi, ela wereleghieghe kusikira, wikaghilika na kukurisha singo rawo.

NEHEMIA 9:17

Wereleghieghe kusikira; wikaliwa agho ghose kuwibonyere; wikaliwa awo weke mwakilimbiti korewibonyereghe; wikakusaghuya kilongozi owiwunja Misri kwa lukaso lwawo, wipate kuwuya wuzumbenyi. Ela oho ko Mlungu wa wughoma, kuchuagha mvono na lukundo, kusebonyagha machu shwa-shwa. Wughoma ghwako ni m'baa, hata ndekorewileghieghe anduangi.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

JEREMIA 11:17

Ini BWANA wa majeshi, uo orekuwaeghe wamerie kughora mawiwi aighu yako, kwa wundu ghwa mawiwi ghibonyero ni wandu wa Israeli na wandu wa Juda; wikanivavira ngolo kwa kumfukiria Baali marumba.”

JEREMIA 19:3

Kuchaghamba, ‘Sikirenyi malagho gha BWANA ee Wazuri wa Juda na wandu mkaiagha Jerusalemu; BWANA wa majeshi, uo Mlungu wa Israeli waghamba: Ola nichareda wuwiwi aighu ya andu aha, ugho, hata wandu wikasikira wichaturukia.

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 36:31

Nani nichakukaba chiaimweri na kivalwa chako, na wadumiki wako kwa wundu ghwa mawiwi ghenyu. Nichareda wuwiwi ghose aighu yenyu, na aighu ya wandu wikaiagha Jerusalemu, na aighu ya wandu wa Juda, ugho nereghughorieghe ghuchaawichea; ela ndemcheesikira.’”

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 13:11

Sa iji koni mshipi ghuwadanagha na kiwonu cha mundu, niko koni wandu wose wa Israeli na wandu wa Juda nerewibonyereghe wiwadane na ini, eri wipate kukaia wandu wapo kwa kujimanyisha irina japo, na kwa kunikasa, na kwa kunineka ishima. Ela ndewerenisikireghe anduangi.”

JEREMIA 18:11

Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 25:3

“Kufuma mwaka ghwa ikumi na idadu ghwa kubonya nguma kwake Josia mwana wa Amoni, mzuri wa Juda, serelekieghe kumghoria ilagho ja BWANA ijo orekoghe ukinighoria, na kuvikia linu ni miaka mirongo iwi na idadu; ela ndemoresikireghe anduangi.

JEREMIA 25:4

Ndemcheesikira hata kudegha kudu konyu wei msikire, hata ngera BWANA wafungie ndighi kumdumia wadumiki wake walodi ngelo kwa ngelo;

JEREMIA 25:7

BWANA waghamba, ‘Ela sena ndemcheenisikira, eri mpate kunivavira na kuwusira machu ghapo kwa wundu ghwa iro kazi ra mikonu yenyu, nenyo mpato ni wasi.’

JEREMIA 25:8

“Kwa huwo BWANA wa majeshi waghora huwu, angu msenisikire,

KILILO CHA JEREMIA 2:2

BWANA wanonie kula muzi ghwa Israeli kuseko wughoma. Wavuchue ngome ra wandu wa Juda kwa machu ghake; ukainja ishima ja mawuzuri na wabonyi nguma waro.