JEREMIA 18:6 - Biblia Ilagho Jiboie Kwa Wandu Wose

⁶ “Welee, sidimagha kubonya konyu ee wandu wa Israeli, seji u mvimbi wabonya? Inyo mooka mkonunyi kwapo kara kara na wongo mkonunyi kwa mvimbi.

JEREMIA 18:6 Referans Kwoze

ISAYA 64:8

Hata huwo saki ee BWANA, oho ko Aba odu; isi deeka sa wongo, na oho kooka sa mvimbi; deko kazi ra mikonu yako.

ISAYA 45:9

“Ni bugha kwa uo mundu usimanagha na Muumbi wake ni karakara na nyungu isimanagha na uo uivimbie! Welee, wongo ghwadima kumkotia uo mvimbi, ‘Niki kwawuyabonya?’ angu kughamba, ‘Kazi yako ndeiboie?’

JEREMIA 18:4

Na iji kilambo chingi cha wongo chazama mkonunyi kwake ngelo ukichibonya, ukachighalusa na kubonya kilambo kizima, seji orewonieghe nicha moni.

MATHAYO 20:15

Kwani ndeinifwane kubonya seji nikunde na mali rapo anguwada? Angu kwaaniwonia iriso angu niko mucha?’”

DANIELI 4:23

Na sa iji oho mzuri kuwonie malaika mweli ukisea kufuma mlungunyi na kughamba, ‘Demenyi ugho mudi na kughunona, ela msighe kirimba charo na miri yaro ndoenyi, nao mchifunge na mnyororo ghwa chuma na shaba a nyasinyi mbishi, upate mami gha mshushure ghwa mlungunyi; sighenyi ifungu jake jikaie chiaimweri na nyamandu ra isakenyi hata miaka mfungade iide.’

WAROMA 11:34

“Angu nani uichi nia ya Bwana? Na nani orekoghe mnjama wake?

JEREMIA 18:5

Niko BWANA ukanizera,