JEREMIA 18:22 - Biblia Ilagho Jiboie Kwa Wandu Wose

²² Kuwiredie wandu wewibwagha wisemanyire, kililo chipate kusikirika nyumbenyi rawo; kwa kukaia wakotere kina chenikumba andenyi, nawo waboisire shaghala kivisonyi rewada maghu ghapo.

JEREMIA 18:22 Referans Kwoze

JEREMIA 6:26

BWANA wawizera wandu wake, “Ronyi nguwo ra magunia na kung'ara maivunyi; lilenyi nandighi kwa luwawo sa lolilia mwana wa womi wa ititi, angu mtoteshi udicheagha aighu yedu shwa wori.

ZABURI 140:5

Wandu wikukasire wavisire mdegho kwa wundu ghwapo; wafungie nyavu wikaiala, na kuniwikia shaghala achienyi.

ZEFANIA 1:16

ituku ja tarumbeta ya wuda na ngemi ya wuda aighu ya iro ngome ra mizi, na aighu ya minara m'baa.

MATHAYO 22:15

Nao Mafarisayo wikafuma wikaghenda kubonya njama seji widimagha kumdegha Jesu wimmbwade kwa madedo ghake.

JEREMIA 20:10

Kwa kukaia nasikira wandu wengi wikihohoria, “Kiture changia kula andu! Nndokonyi dimghore kwa wabaa, nndokonyi dimghore!” Waghenyi wapo wa ngolonyi waghamba wikiweseria kughwa kwapo, “Kewada uchakalilwa nesi dichamsima, dipate kulipa kisasi aighu yake.”

JEREMIA 18:20

Welee, wuwiwi ghwalipwagha kwa wundu ghwa wucha? Sena hata hoku wanikotera kina winikumbe andenyi. Kumbuka seji nerechieghe kwako ngiwilombia, eri kusighe kukaia na machu nawo.

JEREMIA 4:31

Kwa kukaia namerie kusikira kililo, sa cha muka ukumbagha lufu; luwawo sa lwa muka uvagha mwana wake wa imbiri; Ni lwaka lwa Jerusalemu, ukumbagha miruke na kukumba mikonu yake nokoighu ukighamba, “Ni bugha kwapo, naawuyadumbuka imbiri ya wabwaghi.”

ISAYA 10:30

Kemenyi nandighi inyo wandu wa Galimu, deghenyi madu inyo wandu wa Laisha; tumbulienyi inyo wandu wa Anathothi.

ZABURI 38:12

Wandu wilolagha kunibwagha wanideghia midegho; awo wilolagha kunishoghonua waja malagho gheninona; nawo wasinda wikinibonyera mipango izamie.

ZABURI 119:85

Wandu wikukasire wisewuyeinugha sharia yako, wanikotera vina venichunua.

JEREMIA 5:26

“Wandu wawiwi wawoneka aghadi ya wandu wapo, wadalaliria karakara na wadeghi wideghagha na kulaliria wikiwesera. Wadadegha mdegho na kuwada wandu.

JEREMIA 20:16

Uo mundu ndekaie karakara na mizi iyo BWANA oreitoteshereghe, kuseko na wughoma ghungi ndesikire kililo luma lwa nakesho, na lwaka lwa wuda luma lwa dime ghadi.

ZABURI 140:6

Nadamzera BWANA, “Oho ko Mlungu wapo.” Sikiria lwaka lwa kuvoya kwapo ee BWANA.

ZABURI 142:4

Ngeduazighana ii chia, siwonagha mndungi onitesia, hata onilindia mndungi onitala ndeuko.