JEREMIA 18:11 - Biblia Ilagho Jiboie Kwa Wandu Wose

¹¹ Idana kuwizere wandu wa Juda na wandu wa Jerusalemu, ‘BWANA waghora huwu: Ola nam'bonyera mpango ghom'bonya kiwiwi. Kula umu onyu ndewuye urisighe chia rake mbiwi, boisenyi mighendo yenyu na mabonyo ghenyu.’

JEREMIA 18:11 Referans Kwoze

2 WAZURI 17:13

Na BWANA orewikanieghe ukiwiwonyera Israeli na Juda kwa memu ya kula mlodi na kula mmboni ukighamba, “Ghalukenyi msighe chia renyu rizamie, muiwadie memu yapo na sharia rapo iro nerewilaghirieghe weke ndeyo na iro nerewidumieghe wadumiki wapo wimghorie.”

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 7:3

BWANA wa majeshi uo Mlungu wa Israeli waghamba huwu, Boisenyi chia renyu, nani nichamsigha mkaie aeni aha.

JEREMIA 25:5

wikighamba, ‘Ghalukenyi idana, kula umu onyu ufume kwa mighendo yake ya wuwiwi na mabonyo ghake ghizamie, mpate kujikaia isanga ijo BWANA oremnekieghe inyo na weke ndeyo kufuma koicho hata kwa kala.

JAKOBO 5:1

Idana inyo wazuri wa mali, lilenyi na kukema mchungu kwa wundu ghwa bugha rimcheagha.

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

ZEKARIA 1:3

ela idana namzera, ‘Niwurienyi ini nani nichammburia.

MIKA 2:3

Kwa huwo BWANA waghamba, “Ola naawuyabonya mipango ereda wuwiwi aighu yenyu, msechaadima kughufufunuka. Mchakuwona mmbeni mkikaia wasinyi; nenyo ndemchaaghenda kwa lukaso sena anduangi.

ISAYA 5:5

“Idana nichamghoria ijo nichaajibonya kwa mbuwa yapo ya mizabibu. Nichainja isanju japo na wurigha ghwaro, nayo ichajighwa ni nyamandu, na kuiwadia-wadia.

JAKOBO 4:13

Idana inyo mghambagha, “Idime angu kesho, dichangia muzi msiku na msiku, dikaie aho mwaka mlazi dikibonya biashara na kupata fwaida;”

EZEKIELI 18:23

Kwani naboilwagha ni kifwa cha mndungi mmbiwi? Waghamba Bwana MLUNGU. Kuchumba nandighi nakunde ughaluke na kusigha wuwiwi ghwake, ukaie moyo.

EZEKIELI 13:22

Kwa kukaia mwam'bwaghie ngolo mhachi kwa tee renyu, ini nisem'bwaghie ngolo; na kumkumba ngolo mmbiwi useghaluke na kughusigha wuwiwi ghwake ukire irangi jake.

JEREMIA 51:11

Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

JEREMIA 36:7

Kewada wadima kulomba na kuvoya imbiri ya BWANA, na kewada kula umu wawo uchaghaluka na kusigha mighendo yake izamie; kwa kukaia machu na lubio BWANA ughorie aighu ya awa wandu ni lubaa.”

JEREMIA 36:3

Kewada wandu wa Juda wichasikira agho mawiwi ghose nighambie nichawibonyera, na kewada wadima kughaluka kula umu wawo wihee, nani nipate kuwifuya wughoma wuwiwi ghwawo na kaung'a yawo.”

JEREMIA 26:13

Kwa huwo idana boisenyi mighendo yenyu na mabonyo ghenyu, mumsikire BWANA Mlungu onyu; nao uchasigha kum'bonyera kiwiwi icho uchighorie aighu yenyu.

JEREMIA 26:3

Kewada wichasikira wighaluke na kusigha kula umu mighendo yake izamie, eri nipate kughalusa nia ewibonya kiwiwi.

JEREMIA 18:18

Niko awo wandu wikaghamba, “Choonyi dibonye njama aighu ya Jeremia, kwa kukaia na jingi sharia ndeichakaia isefunywaghwa ni wakohani, na njama nderichakaia risefumagha kwa wandu wa akili, na ilagho ja Mlungu ndejichaalekwa kughorwa ni walodi. Choonyi dimghorie malagho ghemsima, disewuesikiria malagho ghangi ghake.”

JEREMIA 11:19

Ela nerekoghe sa mwana wa ng'ondi uko kima, ughenjwagha kubwaghonyi. Seremanyireghe wei iyo njama ni aighu yapo wereibonyereghe wikighamba, “Nndokonyi dighunone mudi chiaimweri na matunda gharo, ndedim'bwaghe dimuinje isangenyi, irina jake jisechekumbukwa sena.”

JEREMIA 4:23

Nerezighanireghe ndoenyi nao ngawona ni kitungasi, hata eeka nduu; ngazighana mlungunyi ngawona ndekuwadie mwengere.

JEREMIA 4:6

Wusirenyi kiweto chekimbiria Jerusalemu, kimbirienyi wusalama msemuke; kwa kukaia naawuyareda wuwiwi kufuma kaskazinyi, kunoneka kubaa nandighi.

JEREMIA 3:22

“Wuyenyi inyo wana mseko waloli, nani nichamkira kufuma kwa uko kusowa wuloli konyu.” Nenyo mwatumbulia, “Ola daawuyacha kwako, angu ni oho BWANA Mlungu odu.

JEREMIA 3:1

BWANA waghamba, “Keni mundu ukamsigha mkake, nao ulowolo ni mundu mzima, wadima sena kummburia muka uo? Huwo isanga ndajadalushwa anguwada? Ela oho Israeli kwanughie milungu mingi sa malaya unughagha wandu wengi, sena kookunda kuwuya kwapo.

2 WAZURI 22:13

“Ghendenyi mumkotie BWANA kwa wundu ghwapo, na kwa wundu ghwa wandu wose wa Juda, kunughana na malagho gha ichi chuo chawonwa; angu chiawonyera BWANA oko na machu nesi mabaa loli loli, kwa kukaia weke aba ndeweresikireghe malagho gha ichi chuo, wipate kubonya sa iji chawuyaghamba aighu yedu.”

2 WAZURI 5:5

Mzuri wa Siria ukaghamba, “Leka nikuandikie barua, kughende nayo kwa mzuri wa Israeli.” Nao Naamani ukafuma ukaghenda ukadwa vibelele elfu mirongo idadu va feza, na vibelele va dhahabu elfu irandadu, na marwao ikumi.

KUZOYA 11:7

Idana ndedisee diwitasanyire kiteto chawo, eri wisesikirane madedo weni na weni.”

ISAYA 57:1

Mundu wa hachi waawuyatota, na mndungi ndetalagha; wandu wimuobuagha Mlungu waawuyafwa wurumwengunyi, na mndungi ndetambukilwagha. Kwa kukaia mundu wa hachi waafunywa wasinyi,

JEREMIA 4:1

BWANA waghamba, “Iji kwakunda kuwuya, kuwuye kwapo ee Israeli. Kukainja wuchafu ghwa milimu yako niseiwone, nao kukaie kuseghalukagha,

JEREMIA 11:11

Kwa huwo BWANA waghamba huwu, ‘Olenyi naawuyareda wuwiwi aighu yawo wisedimagha kughufufunuka; hata wikeduanikemia sichaawisikiria anduangi.’

JEREMIA 25:2

ukawighoria wandu wose wa Juda na awo werekoghe wikikaia Jerusalemu.

JONA 3:8

Ela mdamu na nyamandu rirusho nguwo ra magunia, na kumlilia Mlungu nandighi; ee, kula mundu ndeghaluke na kutana na wuwiwi ghwake, na lung'eto uko nalo.

1 WAZURI 22:23

Idana kumanye angu BWANA waangira pepo eghora tee memunyi kwa walodi wako wose, eri kupato ni mawiwi.”

JEREMIA 4:14

Ee Jerusalemu, oghosha ngolo yako iinjikilo ni wuwiwi, kupate kukia. Kuwika maririkanyo ghizamie andenyi kwako hata lii?

JEREMIA 19:3

Kuchaghamba, ‘Sikirenyi malagho gha BWANA ee Wazuri wa Juda na wandu mkaiagha Jerusalemu; BWANA wa majeshi, uo Mlungu wa Israeli waghamba: Ola nichareda wuwiwi aighu ya andu aha, ugho, hata wandu wikasikira wichaturukia.

JEREMIA 19:15

“BWANA wa majeshi, uo Mlungu wa Israeli waghora huwu: Ola nichareda wuwiwi aighu ya muzi ughu na aighu ya mizi yaro mitini, ugho wuwiwi nereghughorieghe aighu yaro; kwa kukaia waghilishire singo rawo na kulegha kunisikira.”