JEREMIA 15:7 - Biblia Ilagho Jiboie Kwa Wandu Wose

⁷ Nameria kuwiela na lungo, mbengenyi ra isanga; nabwaghie wana wawo, na kuwitotesha wandu wapo, kwa kukaia ndeweresighieghe chia rawo mbiwi.

JEREMIA 15:7 Referans Kwoze

MATHAYO 3:12

Nao oko na lungo mikonunyi kwake, upate kuelesha viro vake; ngano uingire nganyenyi kwake, ela makanda ughikore kwa modo ghuserimikagha anduangi.”

JEREMIA 51:2

nani nichareda wandu wa kighenyi wenona Babuloni seji mbeo ielagha makanda, nawo wichanona ugho muzi na kusigha isanga iduu, ingelo wacha kufuma chia rose ituku ja wasi.

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

ISAYA 41:16

Mchawiela, nawo wichadwalwa noko ni mbeo. Kiremba chichawisasara ii chia na ii chia; na inyo mchaboilwa andenyi ya BWANA, ee, mchakukasa andenyi ya Mlungu Mweli wa Israeli.

ISAYA 9:13

Hata ngera BWANA wa majeshi wawikabie, ela wandu wa Israeli ndewiherie wikaghaluka na kumlola BWANA anduangi.

JEREMIA 18:21

Kwa huwo idana ee BWANA kuwiredie wana wawo njala, na kuwifunya wibwagho kwa lufu. Waka wawo ndewisowekelo ni wana wawo na womi wawo; womi wawo ndewibwagho ni makongo, na wandu wawo wa irika wibwagho wudenyi.

ZABURI 1:4

Wandu wawiwi ndewikaiagha huwo anduangi; ela weeka sa makanda ghidukwagha ni mbeo.

ZEKARIA 1:4

Msekaie sa weke ndeyo widueghorelwa malagho ni walodi kokala seji nighorie wisebonye wuwiwi na kaung'a, ela ndeweresikireghe.

EZEKIELI 24:25

“Na oho mwana wa mdamu, ituku nichaawiinjira isuwirio jawo, kuboilwa na wubaa ghwawo ghuwighokiagha, na bea ya ngolo yawo, na wokoni wana wawo wa womi na wa waka,

WUKUMBUSO 28:41

Kuchava wana wa womi na wa waka, ela ndewichaakaia wako; kwa kukaia wichadwalwa wunyika.

EZEKIELI 24:21

‘Kuwizere wandu wa Israeli, ini Bwana MLUNGU naghamba huwu: Ola nichakulusha Andu kwapo kwa Wueli, andu mukukasire nako sa saghi yenyu, andu kumghokiagha na kukukunda ngolonyi konyu; nani nichabonya wana wenyu wa womi na wa waka muwisighie nanyuma, wibwagho kwa lufu.

JEREMIA 9:21

Kifwa chaajokeria a madirishenyi kodu, changia hata andenyi ya ngome ra wazuri; chadimeria wana chienyi, na wandu wa irika a wazenyi ra misarigho.

WUKUMBUSO 28:32

Wana wako wa womi na wa waka wichanekwa wandu wazima kukiwona, na oho kuchawizighanira dime dii hata kusilo kukikunda kuwiwona, kusedimagha kuwitesia na ilagho jingi.

WUKUMBUSO 28:18

“Wana wako wichawadwa ni njowe, na mavalo gha mbuwa yako, na ng'ombe rako, hata wana wa ng'ondi rako.

EZEKIELI 36:12

Ee nichawibonya awo wandu wapo Israeli wisele aighu yenyu, nawo wichammbusa mmbuye mali yawo; nenyo ndemchaawingira wasi kwa wundu ghwa wana wawo anduangi.

ISAYA 9:12

Wasiria wacha kufuma mashariki, na Wafilisti kufuma magharibi, nawo watambarua memu yawo wipate kummila Israeli. Hata huwo saki, machu gha BWANA ndeghisirie ela mkonu ghwake ghokaba ghoko ghughorokie hata idana.