JEREMIA 15:2 - Biblia Ilagho Jiboie Kwa Wandu Wose

² Nawo wikakukotia, ‘Welee, dighende hao?’ Kuchawitumbulia, ‘BWANA naghamba huwu: “Wandu webwaghwa ni saka izamie, wichafwa kwa saka izamie, na awo webwaghwa wudenyi, wichafwa wudenyi, na awo webwaghwa ni njala, wichabwaghwa ni njala, na awo webarishwa, wichabarishwa.” ’

JEREMIA 15:2 Referans Kwoze

JEREMIA 43:11

Uchacha na kujikaba isanga ja Misri, na awo wandu wiwikilo kufwa kwa saka izamie, wichafwa kwa saka izamie; na awo wiwikilo wedwalwa wunyika, wichadwalwa wunyika; na awo wiwikilo webwaghwa wudenyi wichabwaghwa wudenyi.

ZEKARIA 11:9

Niko ngarizera ng'ondi, “Siwuyaamlisha sena. Iro riko refwa, nderifo; iro riko renonwa, nderinono, na iro risigharikagha, richatoteshana reni na reni.”

WUFUNUO 13:10

Ikakaia mndungi wawikilo udwalo wunyika, uchadwalwa wunyika ngera mndungi wabwagha kwa lufu, uchabwaghwa kwa lufu. Aha niko jikundikie irumaghio na irumirio ja waeli.

EZEKIELI 5:2

Ifungu ja kadadu ja ijo iridia kuchajikora ghadi na ghadi ya muzi, iji matuku gha kurughailwa ghakatia. Ifungu jimu ja kadadu, kuchakaia kukijidumbua-dumbua na lufu kukimara mara mzinyi; na ifungu jimu ja kadadu kuchajikumba nokoighu jisasaro ni mbeo, nani nichawiwinga kwa lufu.

EZEKIELI 5:12

Ifungu jenyu ja kadadu, jichafwa kwa saka izamie na kumerelwa ni njala aghadi konyu; na ifungu jimu ja kadadu jichafwa kwa wuda ghwa lufu ghuchaammara chia rose; na ifungu jimu ja kadadu nichajisasara andu kose, na kuwinugha nyuma kwa wuda ghwa lufu.

JEREMIA 14:12

Hata wikafunga tumu, sichaasikira kililo chawo; hata wikafunya vizongona vekora na vizongona va viro, sichaawirumiria anduangi; ela nichawibwagha wudenyi, na kwa njala, na kwa saka izamie.”

ISAYA 24:18

Uo uchaakimbia kwa wundu ghwa icho kiture, uchachunukia andenyi ya kina, na uo uchajoka kufuma kwa icho kina, uchawadwa ni mdegho. Kwa kukaia vua mbaa yanya kufuma mlungunyi, na misingi ya ndoenyi yasughusika.

AMOSI 5:19

jeeka seji mundu uikimbiagha shimba nao ukwane na kibarabara angu seji mundu ungiagha nyumbenyi, nao eukusaghikagha na wurigha, ulumo ni choka.

DANIELI 9:12

Oho kookatisha malagho ghako, agho koreghighorieghe aighu yedu na aighu ya awo widibonyere nguma, kwa kureda bugha aighu yedu. Kwa kukaia maza ribonyero Jerusalemu nderibonyero andu kungi ndoenyi kose.

EZEKIELI 14:21

Bwana MLUNGU waghamba huwu, “Welee, maza rizama saki ngaghudumia muzi ghwa Jerusalemu makabo ghapo ana; wuda ghwa lufu, njala, nyamandu rizamie, na saka izamie, eri nipate kubwagha mdamu na nyamandu!

JEREMIA 14:16

Na awo wandu wawuyawilodera wichakumbwa achienyi ra Jerusalemu, wibwaghilo ni njala na lufu, wisowe mundu owirika; wichabwaghwa chiaimweri na waka wawo, na wana wawo wa womi na wa waka; angu nichawiwunjira ugho wuwiwi ghwawo aighu kwawo.”

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 19:7

Mipango wereibonyereghe wandu wa Juda na Jerusalemu andu aha nichainona, na kuwibonya wandu wawo wibwagho wudenyi ni wamaiza wawo, na awo wilolagha kughitotesha marangi ghawo. Nicharineka nyonyi ra mbeonyi na nyamandu ra isakenyi gharia ra mimbi yawo.

EZEKIELI 12:11

Kuwizere, oho kwakaia alama kwa wundu ghwawo, kukaia, seji kwabonya niko wandu awa wichaabonyerwa. Wichadwalwa wunyika na kughenjwa wubarishonyi.

EZEKIELI 33:27

“Kuwighorie malagho kukaia, Sa iji ini Bwana MLUNGU nikaiagha moyo, naghamba loli awo wawuyakaia andenyi ya andu kunonelo wichabwaghwa wudenyi, na uo uko cha mbuwenyi nichamfunya kwa nyamandu ujigho, na awo wikuvisire ngomenyi na mbangenyi wichafwa kwa saka izamie.

ISAYA 10:4

Jasigharika ni inyo kubwaghwa wudenyi na kudwalwa sa wafungwa. Hata huwo saki, machu gha BWANA ndeghisirie, ela mkonu ghwake ghokaba ghoko ghughorokie hata idana.