JEREMIA 14:3 - Biblia Ilagho Jiboie Kwa Wandu Wose

³ Wandu wa ishima wiaduma wadumiki wawo kulola machi, wivika kisimenyi wikaasowa machi, wikaawuya na mitungi miduu. Wafwa ngolo na kukambwa ni chongo, nawo wawadia idumbu kwa wasi.

JEREMIA 14:3 Referans Kwoze

2 SAMUELI 15:30

Ela Daudi ukajoka cha mghondinyi ghwa Mizeituni ukaghenda na maghu maduu ukilila, na chongo chake wachifinikira. Na wandu wose werekwanyeghe wikafinikira vongo vawo, wikajoka wikilila.

ZABURI 40:14

Awo wikundagha kunibwagha, ndewifusho waya na kukambirwa chongo; na awo wiboilwagha ni kunoneka kwapo, ndewiwunjo nyuma na kunonelwa ishima.

2 WAZURI 18:31

Msemsikire Hezekia; kwa kukaia mzuri wa Ashuru wamzera huwu, ‘Bonyenyi sere nani mkufunye, niko kula umu onyu uchaaja mzabibu ghwake na mtini ghwake, na kunywa machi kufuma mtunginyi ghwake;

AMOSI 4:8

Wandu wa mizi iwi idadu wereghendieghe kwa muzi ghumweri kulola machi, ela ndewereghipatireghe gha kuwikata; nenyo hata huwo saki ndemorenighalukieghe.”

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JOELI 1:20

Hata nyamandu ra isakenyi riakukemia oho, kwa kukaia ndoria rose ra machi reeoma, na milamba yose eeoma.

JEREMIA 20:11

Ela BWANA oko luwaru lwapo, ing'oni jiwadie ndighi; kwa huwo watiriri wapo wichakuwa, ndewichaanisima anduangi. Wichafwa waya na ndighi, angu wisechaadima ilagho jingi; kusowekelwa ni ishima kwawo kwa kala na kala ndekuchaaliwika jingi.

JEREMIA 14:4

Ndoe yaomie angu vua isenyee isangenyi; walimi wafwa ngolo, na kuwadia idumbu kwa wasi.

ZABURI 109:29

Washitaki wapo ndewiinjiro ishima, wiro waya ghwawo sa ikoti.

AYUBU 6:20

Werekoghe wikighisuwiria, ela wiendavika aho wikafwa ngolo.

ESTA 6:12

Nao Mordekai ukawuya mbengenyi ya ngome, na Hamani ukaghenda shwa-shwa cha nyumbenyi kwake wachifinikira chongo chake uko na wasi.

1 WAZURI 17:7

Nyuma ya matuku matini, ako komoda kikaoma kwa wundu ghwa vua kusoweka.

2 SAMUELI 19:4

Nao mzuri ukafinikira wushu ghwake ukalila kwa lwaka lubaa, “Weei! Mwanwapo Absalomu, O Absalomu mwanwapo-ee mwanwapo!”

JEREMIA 2:37

Wokoni kuchafuma Misri kwaduka mikonu yako chongo kwa waya, angu ini BWANA namerie kuwilegha awo wose kukusaghikagha nawo, hata ndekuchaapata wucha ghungi kwawo.”

JEREMIA 3:3

Kwa huwo mishushure ya vua yamerie kughirilwa na vua ya kwari kusoweka. Sena kwadazighana sa ilaya, hata ndekune waya.

JEREMIA 15:18

Kwaki luwawo lwapo lusesiagha na chonda chapo chiseboagha? Welee, kuchawuya sa kamoda ka tee kwapo, kara kara na machi ghiomagha?”

KILILO CHA JEREMIA 4:4

Wasigha wana wawo wifo kwa njala na kau; wana walomba vindo, ela ndekuwadie ungi owineka.

HOSEA 2:3

nisechemrua nguwo na kumsigha duu, na kum'bonya uwoneke sa iji koni orevalwagha; nim'bonye ukaie sa kireti, na kummbika ukaie sa isanga jiomie, upate kubwaghwa ni kau.

ZEKARIA 14:17

Mbari ya wandu wangi ikalegha kujokamtasa BWANA Uwadie-Ndighi-Rose sa mzuri, ichasowekelwa ni vua isangenyi kwake.

AMOSI 4:7

Nereghirieghe vua isenye ingelo eresighiloghe meri idadu tu ekuwida. Ngakaia nginyesha vua muzi ghumu na kuima muzi ghumu; vua erenyieghe mbuwa imu, na mbuwa imu ndeerenyieghe hata viro vikaoma.