JEREMIA 13:17 - Biblia Ilagho Jiboie Kwa Wandu Wose

¹⁷ Mkalegha kusikira, nichamlilia kivisonyi, kwa wundu ghwa lukaso lonyu; nichalila kwa kuwawa, na mbori rapo richadika, kwa kukaia wandu wa BWANA wadwalwa wunyika.

JEREMIA 13:17 Referans Kwoze

MALAKI 2:2

Ni suti munineke ishima kwa agho m'bonyagha. Mkalemwa ni kunisikira seji nighoragha, nichamredia njowe. Mapato ghenyu nichaghiwasira njowe. Kukakoni namerie kuviwasira njowe, kwa kukaia ndemmbadiagha sharia rapo kwa wulemeri.

JEREMIA 14:17

BWANA ukanizera niwighorie wandu malagho agha: “Meso ghapo ndeghidiko ni mbori kio na dime ngelo rose; kwa kukaia wandu wapo washoghonolwa nandighi, wapata ikabo jibirie nandighi.

JEREMIA 9:1

Kumangu chongo chapo chadawuya kisima cha machi, na meso ghapo kuwuya ndoria ra mbori; nipate kulila na dime na nakio kwa wundu ghwa kubwaghwa kwa wandu wapo.

ZABURI 80:1

Sikira ee Mlisha wa Israeli, oho kughenjagha kivalwa cha Josefu sa ng'ondi. Oho kukaiagha aighu ya kifumbi cha nguma naighu ya makerubi,

EZEKIELI 34:31

Inyo mo ng'ondi rapo, iro ng'ondi ra malisho ghapo, mo wandu wapo, na ini ne Mlungu onyu. Ini Bwana MLUNGU naghamba.”

KILILO CHA JEREMIA 2:18

Ee Jerusalemu, mawurigha gheni ghako ndeghimkemie BWANA, mbori rako nderidike kio na dime sa meda; kukudarumishe kwa kulila na wasi.

KILILO CHA JEREMIA 1:16

“Kwa wundu ugho naawuyalila; ndekuwadie mndungi onihoresha hata onikumba ngolo. M'maiza wanisima; wandu wapo ndewiwadie kindo chingi chasigharika.

ZABURI 119:136

Niadikwa ni mbori sa machi, angu wandu wisewadiagha sharia yako.

1 SAMUELI 15:35

Nao Samueli ukafwa usemmbonie Sauli; ela orekoghe ukisirimika kwa wundu ghwake, na Mlungu ukawawa kwa kukaia oremsaghueghe Sauli ukaie mzuri aighu ya Israeli.

EZEKIELI 36:38

Mizi ichachulwa ni wandu kwa wungi, sa ng'ondi refunya kizongona, sa ng'ondi nyingi rifunyiro Jerusalemu kwa wundu ghwa ndima riwikilo. Huwo niko iyo mizi erekoghe miduu ichaachulwa ni wandu; nawo wichamanya kukaia Ini ne BWANA.”

KILILO CHA JEREMIA 1:2

Ghwadalalalila kwa kuwawa ghukidikwa ni mbori. Ndekuwadie mghenyi ungi wake wa kala usigharikie omhoresha. Wangara wake wamfunyire, na wose wawuya wamaiza wake.

JEREMIA 23:1

BWANA waghamba, “Ni bugha kwa awo winonagha na kusaghisa wandu wapo.”

JEREMIA 22:5

Ela mkalegha kusikira agha malagho, BWANA waghema kwa uo moni kukaia, inyumba ichanonwa.

JEREMIA 17:16

Jingi sikushingirie kuwiredie mawiwi, hata serekundieghe ijo ituku ja mawiwi; oho kwamanya. Ijo nidedie jeko worinyi imbiri kwako.

ISAYA 63:11

Niko wikakumbuka matuku gha kala gha Musa mdumiki wa Mlungu, wikakotia, “Oko hao uo BWANA orewijosereghe vilongozi kufuma baharinyi? Oko hao uo BWANA orewinekieghe awo wandu Roho wake Mweli?

1 SAMUELI 15:11

“Nasirimika kukaia nam'bonyere Sauli ukaie mzuri; kwa kukaia wameria kuwuya nyuma na kunisigha, hata ndenughie malaghiro ghapo anduangi.” Samueli ukawawa nandighi, ukamlilia BWANA kio chee.

JEREMIA 15:17

Sereserieghe kidombo aghadi ya wandu weja maseko, hata jingi sereboiloghe chiaimweri nawo; nereserieghe kidombo niekeri, angu mkonu ghwako ghorenimazireghe, nani ngachulwa ni machu.

JEREMIA 23:2

BWANA uo Mlungu wa Israeli waghamba huwu aighu ya wabonyi nguma wiwilindiagha wandu wapo, “Mwasaghisire wandu wapo na kuwiwinga noko; hata ndemuwizighanire anduangi. Olenyi nichamkaba kwa wundu ghwa mabonyo ghenyu ghizamie.

KILILO CHA JEREMIA 1:9

Wuchafu ghwake ghorewonekieghe worinyi, ela nderetalieghe kutua kwake kukaia wada. Kughwa kwake korekoghe koobosha; mndungi usedimagha kumhoresha. Wasimwa ni wamaiza wawo, nawo wamkemia BWANA uwifuye wughoma.

EZEKIELI 9:4

BWANA ukamzera, “Ghenda mzinyi kose, aghadi ya Jerusalemu, kuwibonye alama chamunyi wandu wiko na wasi na kulilia ughu muzi kwa wundu ghwa wuchafu ghose ghwawuyabonywa andenyi yaro.”

EZEKIELI 24:16

“Mwana wa mdamu, ola nalighisa kumuinja umundu kumkunde kuchumba, ufume kwako kwa ikabo jimweri. Kuselile hata kusekeme; hata kusetonyo ni mbori.

KILILO CHA JEREMIA 3:48

Naawuyadikwa ni mbori sa machi, kwa wundu ghwa kutoteshwa kwa wandu wapo.