JEREMIA 13:10 - Biblia Ilagho Jiboie Kwa Wandu Wose

¹⁰ Awa wandu wawiwi wileghagha kusikira malagho ghapo, na kunugha kukua kwa ngolo rawo, wikiinugha milungu mizima kwa kuidumikia na kuitasa, wichakaia kara kara na ughu mshipi ghusefwanagha ilagho jingi.

JEREMIA 13:10 Referans Kwoze

JEREMIA 16:12

Na kwa kukaia mwabonyere mawiwi kuchumba weke ndeyo, seji mwawona kula umu onyu uanugha kukua kwa ngolo yake moni na kukunda kwake, kwa kulegha kunisikira ini;

JEREMIA 9:14

ela weenugha nia ra ngolo rawo rikurie, wikanugha Baali sa iji koni weke ndee werewifundishireghe.

MITALO 14:11

BWANA ukamzera Musa, “Awa wandu winimenya hata lii? Widua wisenirumirie hata lii kunughana na awa weke mwakilimbiti wose nibonyere aghadi kwawo?

MABONYO GHA WADUMI 7:51

“Inyo wandu mghilikie mseghalukagha, ngolo renyu na madu ghenyu gheeka sa gha watasi milimu, matuku ghose mwadamtangala Roho Mweli, sa iji koni weke ndeyo werekoghe wikibonya.

JEREMIA 13:7

Niko ngaghenda cha Eufrate ngakota aja andu nereghuvisireghe ghuja mshipi ngaghufunya; ngaghukua ghumerie kunoneka ghusefwanagha ilagho jingi.

JEREMIA 3:17

Ngelo iyo, Jerusalemu ichawangwa ‘Kifumbi cha nguma cha BWANA’, na mbari rose ra wandu richakwanyika aho Jerusalemu imbiri ya BWANA, nawo ndewichaanugha ngolo rawo ra wung'eti sena anduangi.

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

JEREMIA 16:4

Wichafwa kwa makongo ghizamie, ndewichaalililwa hata kurikwa, ela wichakaia sa mavi ndoenyi. Wichatota kwa lufu na njala, na mimbi yawo ichawuya vindo va nyonyi ra mbeonyi na nyamandu ra isakenyi.”

JEREMIA 11:18

Bwana orenimanyishireghe njama mbiwi, yawuyabonywa ni wamaiza wapo aighu yapo; ukaniwonyera mabonyo ghawo ghizamie.

JEREMIA 8:5

Kwaki sena awandu wa Jerusalemu wiwurie nyuma wiseheagha? Wiamaziriana na maza ra mikalo, nawo walegha kughaluka na kuhea.

JEREMIA 5:23

Ela awo wandu weeka na ngolo rikurie relegha kusikira; wamerie kughaluka nambai na kughenda noko.

ISAYA 3:24

Wulalo ghwa marumba mecha, kuchakaia kunuka kiwiwi; wulalo ghwa mshipi, kuchakaia kamba; wulalo ghwa iridia jilukilo nicha, kuchakaia kukangaluka; wulalo ghwa nguwo iboie, kuchakaia nguwo ra magunia; wulalo ghwa kughoka, kuchakaia kuzama.

MCHILI 11:9

Mundu wa irika, boilwa ngelo kuko mdawana. Bonya ijo jose ngolo yako ikunde kujibonye. Ela kumbuka kukaia Mlungu uchakutanya kwa ghose kubonyere.

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

JEREMIA 7:6

nao mkaie msemkorongagha mghenyi, na mwana mkiwa, na muka mkiwa angu kudia bagha ya wandu wisena ikosa andenyi ya muzi ughu, nenyo msighe kuinugha milungu mizima emnonia inyo mmbeni;

JEREMIA 9:6

Ndewilekagha makorongo, na makalio. Nawo walegha kunimanya ini, waghamba BWANA.

JEREMIA 11:10

Wamerie kuwuria wuwiwi ghwa weke ndee wa kala, awo wereleghieghe kughisikira malagho ghapo; wamerie kuitasa milungu mizima, na kuidumikia. Wandu wa Israeli na wandu wa Juda wamerie kujichikanya ijo ilaghano japo nerejibonyereghe na weke ndee.

JEREMIA 20:4

Angu BWANA waghamba, ‘Ola nichakubonya kuchulo ni wowa, na waghenyi wako wori wikuobuo. Kuchawiwona waghenyi wako wikibwaghwa kwa lufu ni wamaiza wawo; sena nichawingira wandu wa Juda mikonunyi kwa mzuri wa Babuloni, nao uchawidwa wunyika cha Babuloni na kuwibwagha kwa lufu.

JEREMIA 22:21

Nereghorieghe na oho ingelo korekoghe nicha, ela kukaaghora, ‘Sighisikiragha agho.’ Iyo edeeka ni tabia yako kufuma wanake ghwako, na jingi ndekonisikira.

JEREMIA 23:17

Matuku ghose waawuyawizera awo wimenyagha ilagho japo, ‘Mkaia nicha to;’ na kwa awo wighendagha kwa kunugha kukua kwa ngolo rawo, wadawizera, ‘Ndemchelwagha ni wuwiwi ghungi.’”

JEREMIA 35:15

Nadumie wadumiki wapo walodi wose konyu sena na sena ngimzera kula umu onyu ughaluke kufuma kwa chia rake mbiwi, m'boise mighendo yenyu. Msakenugha milungu mizima na kuidumikia, nenyo mchakaia isangenyi neremnekieghe inyo na weke ndeyo. Ela ndemdeghie madu kusikira, hata kusikira ndemusikire.

JEREMIA 44:5

Ela ndemorenisikireghe hata kunideghia madu ghenyu, mpate kusigha wuwiwi ghonyu, na kuleka kufukiria milungu mizima marumba.

JEREMIA 44:16

“Ndedichaakusikira kwa agho malagho kwadighoria kwa irina ja BWANA;

JEREMIA 7:13

Mwabonyere kaung'a iri rose; na iji nereghorieghe nenyu kalazi, ndemorenisikireghe; hata iji neremmbangieghe wori ndemoredikieghe.

JEREMIA 9:13

BWANA waghamba, “Ni kwa kukaia wandu wapo waileghie sharia yapo niiwikie imbiri kwawo, hata ndewerenisikireghe na kughenda kwa iyo sharia;