JEREMIA 12:13 - Biblia Ilagho Jiboie Kwa Wandu Wose

¹³ Wandu wawae ngano wikakuwida minjwa, wabonyere kazi mbaa, ela ndewipatire kindo chingi. Wichafushwa waya ni mavalo ghawo matini.”

JEREMIA 12:13 Referans Kwoze

HAGAI 1:6

Mwawae viro vingi, mkaakuwida vitini. Mwawuyaja, ela ndemuwuyeghuda; mwawuyanywa, ela ndemuwuekatwa; mwawuyarwa, ela ndemuwuepatwa ni mruke; na m'bonyi kazi ndewuekatwa ni pesa.

MIKA 6:15

Kuchawa, ela ndekuchaakuwida; kuchakama mavuda gha zeituni, ela ndekuchaakushinga mavuda; kuchakama zabibu, ela ndekuchaanywa divei.

WUKUMBUSO 28:38

Kuchawa mbeu nyingi mbuwenyi, ela kuchakuwida viro vitinieri; kwa kukaia vichajighwa ni zighe.

ISAYA 55:2

Kwaki mtumiagha pesa renyu kwa kilambo chiseko vindo; na kudumika kwa icho chiseghudishagha? Nisikirenyi nicha mpate kuja mecha, na kuboilwa andenyi ya agho manori.

WALAWI 26:16

nicham'bonya huwu: Nichamredia maza reobosha, makongo ghiseboagha, homa rem'bwagha meso na kumeria marangi ghenyu. Mchawa viro, ela ndemchaapata kindo chingi; kwa kukaia wamaiza wenyu wichavija.

HABAKUKI 2:13

Welee, ndemmbonagha kukaia maza iri reefuma kwa BWANA Uwadie-Ndighi-Rose; ra wandu kubonya kazi rekorwa, na wandu wa iro mbari kudumika duu?

JEREMIA 4:26

Ngazighana ngawona, isanga jerechuloghe ni matunda jawuya kireti; na mizi yaro yose yawuya maghacho, kwa wundu ghwa machu ghibirie gha BWANA.

WAROMA 6:21

Morepatireghe fwaidaki ngelo iyo, kwa kubonya maza iro mwawuyariwonia waya idana? Angu kutua kwa maza iro ni kifwa.

WALAWI 26:20

Kukufunya kose kwa kazi renyu kuchakaia kwa duu, kwa kukaia ndoe ndeichaava mavalo ghangi, na midi ndeichaafunya matunda ghangi.

JEREMIA 9:5

Kula mundu waawuyakalia mmbao, ndekuwadie ungi ughoragha loli, weezaisira chumi rawo kughora tee, wabonyere wuwiwi, hata wisedimagha kuhea, wadabonya wuwiwi, hata ndewiheagha.

JEREMIA 17:10

Ni ini BWANA nizighanagha nia na kuitima ngolo; nipate kumlipa kula mundu kara kara na chia rake, karakara na mabonyo ghake.”

ZABURI 78:62

Orezamiloghe nandighi ni wandu wake, ukawisigha wibwagho ni wamaiza wawo.

HOSEA 8:7

Wikawa mbeo, wichakuwida kiremba; mbuwa isewurushagha viro ndeinekagha vindo na hata vikava, vichajighwa ni waghenyi.

HAGAI 1:9

“Morekoghe mkisuwiria kupata vindo vingi, ela mkaapata vitinieri; hata iji mwavireda mzinyi, ngaviduka na mbeo noko. Mwamanyire ni kwaki nibonyere huwo? Ni angu Hekalu yapo iduagha ighacho, ingelo kula umu onyu waawuyabonya malagho gha nyumbenyi kwake.